بھارت: گوا میں مندر میں بھگڈر، 6 افراد کچل کر ہلاک، متعدد زخمی
اشاعت کی تاریخ: 3rd, May 2025 GMT
بھارت کی ریاست گوا میں مندر میں بھگڈر مچنے کے بعد 6 افراد کچل کر ہلاک اور متعدد زخمی ہوگئے۔
غیر ملکی میڈیا کی رپورٹ کے مطابق حکام نے ہلاکتوں کی تصدیق کی اور بتایا کہ ہزاروں افراد آگ پر چلنے کے لیے جمع ہوئے تھے۔
وزیر اعلیٰ گوا نے ایک بیان میں کہا کہ وہ شیرگاؤ گاؤں کے لیرائی دیوی مندر میں بھگدڑ کے المناک واقعے پر بہت افسردہ ہیں، ان کا کہنا تھا کہ اسپتال لانے سے پہلے ہی 6 لوگوں کی موت ہو گئی۔
انہوں نے اسپتال کا دورہ کیا اور کہا کہ ہلاک اور زخمی ہونے والوں کے لواحقین کو ہر ممکن تعاون فراہم کیا جائے گا۔
گوا کے وزیر صحت نے کہا کہ تقریباً 80 لوگ زخمی ہوئے ہیں، 5 کی حالت نازک ہے اور وہ وینٹی لیٹر پر ہیں، وزیر اعظم نریندر مودی نے بھی لواحقین سے تعزیت کا اظہار کیا۔
لیرائی زترا گوا میں ایک اہم ہندو تہوار ہے اور اسے آگ پر چل کر منایا جاتا ہے۔
بھارت میں مذہبی تہواروں کے دوران بھگدڑ عام ہے، رواں سال کے شروع میں شہر پریاگ راج میں ہندوؤں کے بڑے تہوار کمبھ میلے میں کچلنے سے کم از کم 30 افراد ہلاک ہو گئے تھے۔
.ذریعہ: Express News
پڑھیں:
وفاقی وزیر کے قافلےکی گاڑی کو حادثہ، 5 افراد زخمی
مری میں وفاقی وزیر امور کشمیر امیر مقام کے قافلے میں شامل گاڑی کو حادثہ پیش آیا ہے۔
ریسکیو کے مطابق وفاقی وزیر امور کشمیر امیر مقام کے قافلے میں شامل گاڑی کے حادثے میں 5 افراد زخمی ہوئے ہیں۔
ریسکیو کے مطابق حادثے میں زخمی ہونے والے افراد کو سی ایم ایچ مری منتقل کیا گیا ہے جہاں 2 زخمیوں کی حالت تشویش ناک ہے۔
ذرائع کے مطابق وفاقی وزیر امیر مقام کشمیر کا دورہ مکمل کرکے اسلام آباد واپس آرہے تھے۔
پہلگام واقعہ؛ سابق بھارتی کپتان بھی مودی کی زبان بولنے لگے