سلک روڈ کلچر سینٹر میں ’آرٹ فار لائف-آرٹ فار غزہ‘ آرٹسٹ کیمپ جاری، اہم شخصیات کی شرکت
اشاعت کی تاریخ: 4th, May 2025 GMT
اسلام آباد میں سلک روڈ کلچر سینٹر (ایس آر سی سی) کے زیراہتمام ’آرٹ فار لائف-آرٹ فار غزہ‘ کے عنوان سے آرٹسٹ کیمپ جاری ہے، جو 7 مئی کو اختتام پذیر ہوگا۔
آرٹسٹ کیمپ میں پہلے روز سفارتکاروں، ثقافتی ایلچیوں، کارپوریٹ اور ترقیاتی شعبے کے نمائندوں، طلبا، سول سوسائٹی سمیت دیگر شعبہ ہائے زندگی سے تعلق رکھنے والے افراد نے شرکت کی۔
یہ بھی پڑھیں بالی وڈ اداکار غزہ میں مظالم پر خاموش، ہمارے فنکار ان کی تعریفیں کرنا چھوڑ دیں، صحیفہ جبار
آرٹسٹ کیمپ کے دوسرے روز غزہ پر گفتگو کی گئی، جسے لائیو بھی نشر کیا گیا۔
سابق وفاقی وزیر و بین الاقوامی امور کے ماہر مشاہد حسین سیّد بھی کیمپ میں موجود تھے جنہوں سیاسی گہرائی اور تاریخی تناظر میں بات کی۔
اس کے علاوہ معروف شاعر اور انسانی حقوق کے رہنما حارث خلیق نے اپنے خیالات کا اظہار کیا۔
معروف شاعر انور مسعود کے فرزند و چیف ایڈیٹر ’وی نیوز‘ عمار مسعود نے خیالات کا اظہار کرکے دلوں اور دماغوں کو یکساں طور پر مسحور کردیا۔
موسیقار اور گلوکار اریب اظہر نے روایت، مزاحمت اور اظہار کو ایک دوسرے کے ساتھ باندھتے ہوئے ایک روح پرور جہت کا اضافہ کیا۔ انہوں نے پیغام دیا کہ ’تباہی کے وقت فن عیش و عشرت نہیں، یہ ایک لائف لائن، ایک ریکارڈ اور کبھی کبھی بغاوت ہے۔‘
کیمپ کی ایک اور آسکر ایوارڈ یافتہ فلم NO OTHER LAND کی اسکریننگ ہے، فلم میں مقبوضہ مغربی کنارے میں ایک فلسطینی کارکن اور ایک اسرائیلی صحافی کے درمیان جذباتی تعلق کی کہانی بیان کی گئی ہے جب کہ دونوں اقوام کے درمیان تنازع چل رہا ہے۔
مشہور فنکاروں کی بڑی تعداد کیمپ گراؤنڈ میں مکمل طور پر ابھری ہوئی نظر آتی ہے، جن میں استاد بشیر احمد، خانزادہ اسفند یار خٹک، عاطف ایوب عباسی، سجل کیانی، مہدی رضا اور دیگر شامل ہیں۔
آرٹسٹ کیمپ کے دوران 5 مئی کو ایک فل ڈریس ریہرسیل میڈیا نائٹ کا اہتمام کیا جائےگا۔
اس کے بعد 7 مئی کو چیئرٹی نیلامی کا انعقاد کیا جائےگا، جو اس بات کو ثابت کرےگا کہ فن صرف اظہار نہیں، یہ عمل، یکجہتی اور امید ہے۔
ہمارا مقصد فلسطین کے مظلوم و معصوم انسانوں کے ساتھ یکجہتی و ہمدردی ہے، جمال شاہواضح رہے کہ کچھ روز قبل اداکار و موسیقار جمال شاہ نے وی نیوز سے گفتگو کرتے ہوئے کہا تھا کہ آرٹ زندگی ہے، اور آرٹ نے انسانوں کی زندگیاں آسان اور خوبصورت بنائی ہیں۔
جمال شاہ نے کہاکہ انہوں نے آج کل ’آرٹ فار غزہ‘ کے نام سے ایک تحریک شروع کی ہے، جس کا مقصد فلسطین کے مظلوم و معصوم انسانوں کے ساتھ اظہارِ یک جہتی و ہمدری ہے۔
یہ بھی پڑھیں آرٹ فار لائف،آرٹ فار غزہ آرٹسٹ کیمپ: اداکار جمال شاہ کا فلسطینیوں کی مدد کا منفرد انداز
جمال شاہ نے کہاکہ ہم اسلام آباد میں پورے پاکستان سے فنکاروں کو جمع کررہے ہیں، جس میں آرٹ نمائش، میوزک، تھیٹر اور مختلف پروگرامات کیے جائیں گے۔ اور پورے پروگرام کا مقصد فلسطینیوں کی آواز بننا اور ان کے ساتھ تعاون کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آرٹ فار غزہ آرٹ فار لائف عمار مسعود مشاہد حسین سید معروف شعرا وی نیوز.
ذریعہ
ذریعہ: WE News
کلیدی لفظ: ا رٹ فار غزہ ا رٹ فار لائف مشاہد حسین سید معروف شعرا وی نیوز رٹ فار لائف ا رٹسٹ کیمپ رٹ فار غزہ جمال شاہ ا رٹ فار آرٹ فار کے ساتھ
پڑھیں:
یکم جون سے فیس لیس چالان سسٹم کا آغاز،پہلے دن کتنے چالان جاری ہوئے؟ تفصیلات سامنے آگئی
اسامہ ملک : یکم جون سے لین کی خلاف ورزی پر فیس لیس چالان کے آغاز کا معاملہ،پہلے دن کتنے شہری کیمرے کی نظر میں آئے؟ کتنے چالان ہوئے؟ تفصیلات سامنے آگئی۔
کراچی شہر میں لین ڈسپلن کی خلاف ورزی پر فیس لیس چالان سسٹم کے آغاز کے پہلے ہی دن مجموعی طور پر 96 چالان جاری کیے گئے ہیں۔
رپورٹس کے مطابق تمام چالان میٹروپول سے ایئرپورٹ جانے اور آنے والی مرکزی سڑک پر کیمروں کی مدد سے کیے گئے، پہلے دن مجموعی طور پر 11 مختلف کیٹیگریز کی گاڑیوں کو خلاف ورزی پر جرمانہ کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اعداد و شمار کے مطابق بڑی بسوں کے 2، کوسٹر کے 2، ڈبل کیبن کا 1 اور عام گاڑیوں کے 9 چالان کیے گئے، اسی طرح منی بس کے 6، منی ٹرک کے 3 اور سوزوکی پک اپ کے 21 چالان بھی جاری ہوئے۔
رپورٹ میں بتایا گیا کہ موٹرسائیکل کی سب سے زیادہ خلاف ورزیاں سامنے آئیں جن کے 43 چالان کیے گئےجبکہ ٹرک کے 3، وین کے 4 اور واٹر ٹینکر کے 2 چالان بھی شامل ہیں۔
تمام چالان اس بنیاد پر کیے گئے کہ گاڑیاں اپنی مقررہ لین چھوڑ کر دوسری لین میں چل رہی تھیں، مزید یہ بھی سامنے آیا کہ فرسٹ لین میں کم رفتار سے چلنے والی گاڑیوں کو بھی لین ڈسپلن کی خلاف ورزی پر فیس لیس چالان کا سامنا کرنا پڑا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ