اعجاز خان پر اداکارہ کے ریپ کا مقدمہ درج
اشاعت کی تاریخ: 6th, May 2025 GMT
ریئلٹی شو بگ باس 7 سے شہرت پانے والے اور ماضی میں متعدد تنازعات کا شکار رہنے والے بالی وڈ اداکار اعجاز خان ایک بار پھر ایک سنگین قانونی بحران میں پھنس گئے ہیں۔ ان کے خلاف ایک 30 سالہ خاتون کی جانب سے ریپ، دھوکہ دہی، اور شادی کا جھانسہ دینے کے الزامات کے تحت مقدمہ درج کر لیا گیا ہے۔
اعجاز خان کے خلاف چارکوپ پولیس اسٹیشن میں اتوار 4 مئی 2025 کو شکایت درج کی گئی۔ بھارتی میڈیا کے مطابق، متاثرہ خاتون نے الزام لگایا ہے کہ اعجاز نے انہیں اپنے او ٹی ٹی شو ’ہاؤس اریسٹ‘ میں کام دلانے اور انڈسٹری میں آگے بڑھانے کا جھانسہ دے کر نہ صرف ان کا اعتماد حاصل کیا بلکہ شادی کا وعدہ کر کے انہیں جنسی زیادتی کا نشانہ بنایا۔
شکایت کے مطابق، پہلا واقعہ 25 مارچ 2025 کو خاتون کے گھر میں پیش آیا، جہاں اعجاز خان نے مبینہ طور پر خاتون کو ریپ کا نشانہ بنایا۔ اس کے بعد بھی وہ کئی بار یہ عمل دہراتے رہے، اور ہر بار شادی اور ذمہ داری اٹھانے کا وعدہ کرتے رہے۔
پولیس نے اعجاز خان کے خلاف بھارتیہ نیا سنہتا کی کئی دفعات کے تحت مقدمہ درج کر کے تحقیقات کا آغاز کر دیا ہے۔ فریقین کے بیانات اور شواہد جمع کیے جا رہے ہیں۔
او ٹی ٹی شو ’ہاؤس اریسٹ‘ بھی تنازع کا شکار
یہ پہلا موقع نہیں جب اعجاز خان خبروں میں چھائے ہوں۔ ان کا او ٹی ٹی ریئلٹی شو ’ہاؤس اریسٹ‘ جو کہ 11 اپریل 2025 کو الّو ایپ پر شروع ہوا، پہلے ہی شدید تنقید کی زد میں ہے۔ اس شو کو بگ باس اور لاک اپ جیسے شوز کا غیر سنسر شدہ ورژن قرار دیا جا رہا تھا، جس میں 12 افراد (9 خواتین اور 3 مرد) کو ایک عالیشان گھر میں قید کیا گیا تھا۔
شو کے ویڈیو کلپس وائرل ہونے کے بعد سوشل میڈیا پر شدید ردعمل سامنے آیا، جن میں اعجاز خان کو خواتین سے غیر اخلاقی سوالات کرتے اور ان کی تذلیل کرتے ہوئے دکھایا گیا۔ نتیجتاً، ممبئی پولیس نے اعجاز خان، پروڈیوسر راجکمار پانڈے اور دیگر کے خلاف فحش مواد نشر کرنے پر ایف آئی آر درج کر لی۔
اعجاز خان کا متنازع ماضی
اعجاز خان پہلے بھی کئی مواقع پر قانون کی گرفت میں آ چکے ہیں،2021 میں نارکوٹکس کنٹرول بیورو نے انہیں 31 الپرازولم گولیوں کے ساتھ گرفتار کیا اور وہ 26 ماہ جیل میں قید رہے۔ 2020 میں ان پر توہین، نفرت انگیز تقریر، اور پولیس احکامات کی خلاف ورزی کے الزامات میں کھارپولیس اسٹیشن میں مقدمہ درج کیا گیا۔ اور 2018 میں بھی منشیات کے ایک کیس میں گرفتار کیا گیا تھا۔
پولیس حالیہ کیس میں معاملے کی تہہ تک پہنچنے میں مصروف ہے، اور آئندہ دنوں میں عدالت اور تحقیقاتی اداروں کے اقدامات اس معاملے کا رخ متعین کریں گے۔
Post Views: 1.ذریعہ: Daily Mumtaz
کلیدی لفظ: کے خلاف
پڑھیں:
نعمان اعجاز کا یوٹیوبر معاذ صفدر کی وائرل ویڈیو پر تنقیدی تبصرہ، کیا کہا؟
ان دنوں پاکستان کے یوٹیوبر معاذ صفدر کی جانب سے اہلیہ کو سالگرہ پر دیا گیا پھولوں کا بڑا گلدستہ مہنگا تحفہ ہونے کی وجہ سے سوشل میڈیا پر خاصا زیرِ بحث رہا۔
معاذ صفدر نے اپنی بیوی صبا کے لیے گلابوں کا ایک انتہائی قیمتی اور بڑا گلدستہ بنوایا جس کی ویڈیو انہوں نے اپنے سوشل میڈیا پلیٹ فارمز پر شیئر کی۔ بتایا گیا ہے کہ اس گلدستے کی قیمت تقریباً تین سے چار لاکھ روپے تھی اور اسے لانے کے لیے ایک خصوصی ٹرک کا انتظام کیا گیا تھا۔
ویڈیو وائرل ہونے کے بعد سوشل میڈیا صارفین کی جانب سے مختلف تبصرے سامنے آئے۔ بعض لوگوں نے اس اقدام کو محبت کے اظہار کا خوبصورت طریقہ قرار دیتے ہوئے معاذ صفدر کی تعریف کی، جبکہ دیگر صارفین نے اسے غیر ضروری نمود و نمائش قرار دے کر تنقید کا نشانہ بنایا۔
اسی وائرل ویڈیو پر پاکستان شوبز کے سینئر اداکار نعمان اعجاز نے بھی رائے کا اظہار کرتے ہوئے سوشل میڈیا پر ایک پیغام شیئر کیا ہے۔ انہوں نے کہا کہ ایسے تحائف اگرچہ دل کو بھاتے ہیں، مگر سادگی اور اعتدال کو ترجیح دینا زیادہ بہتر ہے۔
https://www.instagram.com/p/DLHZF1xiNn9/انہوں نے مداحوں کو پیغام دیا کہ یہ صرف ویڈیو کا کانٹینٹ ہے حقیقی محبت نہیں اس لئے کوئی بھی لڑکی اپنے شوہروں سے اس قسم کے قیمتی تحائف کیلئے اُمید نہ کرے اور ان پر دباؤ نہ ڈالے۔ نعمان اعجاز نے مزید کہا کہ اب مظلوم شوہر پھر سے برداشت کریں گے۔
نعمان اعجاز نے واضح کیا کہ رشتے میں محبت سوشل میڈیا پر ٹرینڈ کرنے والی چیزوں پر مواد بنانا نہیں بلکہ حقیقی رشتے احترام، سمجھ اور حقیقی تعلق پر استوار ہوتے ہیں۔
ورلڈ ٹیسٹ چیمپئین شپ کی میزبانی؛ آئی سی سی کا بھارت کو صاف انکار