قومی سلامتی کمیٹی کا اجلاس،افواج پاکستان کو بھارتی جارحیت کا موثر جواب دینے کا اختیاردیدیا
اشاعت کی تاریخ: 7th, May 2025 GMT
اسلام آباد(اوصاف نیوز)وزیراعظم شہباز شریف کی زیرصدارت قومی سلامتی کمیٹی کا اہم اجلاس منعقد ہوا، جس میں پاک فوج کو بھارتی جارحیت کے خلاف ہر ضروری جوابی اقدام کی مکمل اجازت دی گئی۔
اجلاس میں بھارتی افواج کی بلا اشتعال اور بزدلانہ جارحیت پر گہرے تشویش کا اظہار کیا گیا اور بھارتی حملوں میں شہید ہونے والے شہریوں کے ایصال ثواب کے لیے فاتحہ خوانی کی گئی اور شہداء کے لواحقین سے دلی ہمدردی و تعزیت کا اظہار کیا گیا۔
اعلامیے میں واضح کیا گیا کہ پاکستان اپنے وقت، جگہ اور انداز کے مطابق جواب دینے کا حق محفوظ رکھتا ہے اور مسلح افواج کو باضابطہ طور پر ہر ممکن جوابی اقدام کا مکمل اختیار دے دیا گیا ہے۔
کمیٹی نے کہا کہ قوم اپنی افواج کی جرات، بہادری اور بروقت ردعمل پر فخر کرتی ہے اور آئندہ کسی بھی حملے کا منہ توڑ جواب دینے کے لیے مکمل طور پر متحد اور تیار ہے۔
اعلامیے میں کہا گیا کہ بھارتی افواج نے سیالکوٹ، شکرگڑھ، مریدکے، بہاولپور، کوٹلی اور مظفرآباد سمیت کئی علاقوں میں میزائل، فضائی اور ڈرون حملے کیے۔ ان حملوں میں نہتے شہریوں کو نشانہ بنایا گیا جسے کمیٹی نے بین الاقوامی قوانین کی کھلی خلاف ورزی اور انسانی حقوق کی پامالی قرار دیا۔
قومی سلامتی کمیٹی کےاعلامیے میں کہا گیا ہے کہ پاکستان نے پانچ بھارتی جنگی طیارے اور ڈرون تباہ کر کے دشمن کو واضح پیغام دیا ہے کہ مادر وطن کا دفاع ہر قیمت پر کیا جائے گا۔
اجلاس میں اس بات پر زور دیا گیا کہ پاکستان کو اپنے دفاع کا مکمل حق حاصل ہے اور عالمی برادری سے مطالبہ کیا گیا کہ وہ بھارتی جارحیت کا فوری نوٹس لے۔
کمیٹی کے اعلامیے میں زور دیا گیا کہ دنیا بھارتی جارحیت، بین الاقوامی اصولوں کی خلاف ورزیوں اور انسانی حقوق کی پامالیوں پر فوری کارروائی کرے۔
اعلامیے میں پاکستان کے امن کے عزم کو دہرایا گیا تاہم یہ بھی واضح کیا گیا کہ خودمختاری، علاقائی سالمیت اور قومی وقار پر کوئی سمجھوتہ نہیں کیا جائے گا۔ پاکستان اپنے عوام کے تحفظ کیلئے ہر قدم اٹھائے گا اور کسی بھی جارح قوت کو اپنی سرزمین پر حملے کی اجازت نہیں دے گا۔
بھارتی حملے کے ساتھ ہی ایکس کی سروس بحال، ’سندور بن گیا تندور‘ ٹاپ ٹرینڈ
ذریعہ
ذریعہ: Daily Ausaf
کلیدی لفظ: بھارتی جارحیت اعلامیے میں کیا گیا گیا کہ
پڑھیں:
وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل کا اہم اجلاس
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل (پی ایم ڈی سی) کا اہم اجلاس منعقد ہوا ،جس میں انڈونیشیا میں پاکستان کے سفیر زاہد چوہدری نے ویڈیو لنک کے ذریعے شرکت کی۔ اجلاس میں پی ایم ڈی سی کے صدر ڈاکٹر رضوان تاج اور رجسٹرار سمیت دیگر متعلقہ حکام بھی شریک ہوئے۔اجلاس میں انڈونیشیا کے میڈیکل طلبہ کو پاکستان کے طبی تعلیمی اداروں میں داخلے دینے سے متعلق امور کا تفصیلی جائزہ لیا گیا۔ اجلاس کو بتایا گیا کہ انڈونیشیا کی حکومت نے درخواست کی ہے کہ اس کے انڈرگریجویٹ اور پوسٹ گریجویٹ میڈیکل طلبہ کو پاکستان کے معیاری میڈیکل اور ڈینٹل کالجوں میں تعلیم کے مواقع فراہم کئے جائیں۔(جاری ہے)
وفاقی وزیرِ صحت مصطفیٰ کمال نے کہا کہ ان طلبہ کے تعلیمی اور رہائشی اخراجات انڈونیشیا کی حکومت برداشت کرے گی جبکہ انہیں پاکستان کے بہترین طبی تعلیمی اداروں میں مکمل شفافیت اور میرٹ کی بنیاد پر داخلے دیئے جائیں گے۔
انہوں نے کہا کہ اس اقدام کے تحت تقریباً 200 انڈونیشین میڈیکل اور ڈینٹل طلبہ کو عالمی معیار کی تعلیمی اور تربیتی سہولیات فراہم کی جائیں گی جس سے دونوں ممالک کے درمیان طبی تعلیم کے شعبے میں تعاون کو مزید فروغ حاصل ہوگا۔وزیرِ صحت نے کہا کہ یہ امر خوش آئند ہے کہ انڈونیشیا کی حکومت نے اپنے طلبہ کی طبی تعلیم کے لئے پاکستان کے اداروں پر اعتماد کا اظہار کرتے ہوئے انہیں ترجیح دی ہے۔ ان کا کہنا تھا کہ اس پیشرفت سے نہ صرف پاکستان اور انڈونیشیا کے دوطرفہ تعلقات مزید مضبوط ہوں گے بلکہ عالمی سطح پر پاکستان کے طبی تعلیمی نظام اور وقار کو بھی تقویت ملے گی۔مصطفیٰ کمال نے کہا کہ پاکستانی ڈاکٹرز دنیا بھر میں اپنی پیشہ وارانہ صلاحیتوں اور خدمات کے ذریعے ملک کا نام روشن کر رہے ہیں اور یہ اقدام پاکستان کے طبی شعبے پر بین الاقوامی اعتماد کا مظہر ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ