مسجدوں، بچوں پر حملے مودی کی بزدلی، اخلاقی گراوٹ کا ثبوت ہے، امام جمعہ گمبہ سکردو
اشاعت کی تاریخ: 8th, May 2025 GMT
پریس کانفرنس سے خطاب کرتے ہوئے امام جمعہ گمبہ سکردو، علامہ سید احمد الحسینی اور دیگر علماء کرام نے کہا ہم اس بزدلانہ جارحیت کی شدید ترین الفاظ میں مذمت کرتے ہیں۔ یہ صرف ایک علاقائی حملہ نہیں، بلکہ بین الاقوامی انسانی قوانین کی خلاف ورزی، جنگی جرم اور انسانیت کے خلاف ایک گھناؤنا فعل ہے۔ اسلام ٹائمز۔ امام جمعہ گمبہ سکردو علامہ سید احمد الحسینی و دیگر علماء کی قیادت میں پاک فوج سے اظہار یکجہتی کی ریلی نکالی گئی اور بعد میں پریس کانفرنس کی گئی۔ پریس کانفرنس سے خطاب کرتے ہوئے امام جمعہ گمبہ سکردو، علامہ سید احمد الحسینی اور دیگر علماء کرام نے کہا کہ ہم پاکستان کے نمائندہ علماء، دینی قیادت اور باشعور عوام آج اس پریس کانفرنس کے ذریعے بھارت کی بزدل افواج اور نریندر مودی کو دو ٹوک پیغام دینا چاہتے ہیں کہ تم نے رات کی تاریکی میں شہری آبادیوں، گھروں، مسجدوں اور معصوم بچوں کو نشانہ بنا کر اپنی بزدلی، اخلاقی گراوٹ اور ذلت کا ثبوت دیا ہے۔ اگر تم میں جرأت ہوتی تو دن کے اجالے میں میدان میں آتے۔ تمہارے ہر وار کی پناہ اندھیرا ہی ہوتا ہے، کیونکہ تم جانتے ہو کہ پاکستانی قوم زندہ، بیدار اور غیرت مند ہے، جو دشمن کے ہر حملے کا منہ توڑ جواب دینا خوب جانتی ہے۔ انہوں نے کہا کہ ہم اس بزدلانہ جارحیت کی شدید ترین الفاظ میں مذمت کرتے ہیں۔ یہ صرف ایک علاقائی حملہ نہیں، بلکہ بین الاقوامی انسانی قوانین کی خلاف ورزی، جنگی جرم اور انسانیت کے خلاف ایک گھناؤنا فعل ہے۔ علمائے کرام واضح کرتے ہیں کہ مسجدوں پر حملے صرف مسلمانوں پر نہیں، بلکہ اسلام کی حرمت پر حملے کے مترادف ہیں۔ اس کا ردعمل پوری امتِ مسلمہ کے دلوں میں گونجے گا۔
ان کا کہنا تھا کہ قرآن ہمیں ظلم و جبر کے خلاف اٹھ کھڑے ہونے کا حکم دیتا ہے، اور آج ہم اسی قرآنی جذبے سے سرشار ہو کر میدان میں نکلے ہیں۔ ہم بھارت کو خبردار کرتے ہیں کہ پاکستان کی افواج، عوام اور دینی قیادت ایک سیسہ پلائی دیوار کی مانند ایک صف میں کھڑے ہیں۔ گلگت بلتستان سے لے کر کراچی تک، ہر پاکستانی سپاہِ پاکستان کے شانہ بشانہ ہے۔ ہم اپنے شہداء کے پاک خون کا حساب لیں گے، اور ان شاء اللہ تمہاری اینٹ سے اینٹ بجا کر رکھ دیں گے۔ مودی حکومت کو معلوم ہونا چاہیے کہ چاہے تم کشمیر میں ظلم ڈھاؤ، مسجدوں کو نشانہ بناؤ یا معصوم بچوں کے جنازے اٹھواؤ، ہم ہرگز خاموش نہیں بیٹھیں گے۔ تم نے جو آگ لگائی ہے، وہ تمہارے اپنے گریبان تک پہنچے گی۔ ہم دنیا کے سامنے بھارت کے جھوٹے پروپیگنڈے، من گھڑت الزامات اور جعلی کاروائیوں کو بے نقاب کرتے ہیں۔ یہ سب بھارت کے مکروہ اور توسیع پسندانہ عزائم کو چھپانے کی ناکام کوششیں ہیں۔ آخر میں ہم دعا گو ہیں، "یا اللہ! ہمارے شہداء کو جنت الفردوس میں اعلیٰ مقام عطا فرما، ہمارے وطن کو دشمنوں کے شر سے محفوظ رکھ، اور ہمیں ہر ظلم کے خلاف ڈٹ کر کھڑے ہونے کی توفیق دے۔"
ذریعہ
ذریعہ: Islam Times
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ