کراچی کی جانب بھارتی ایئر کرافٹ کیریئر کی پیش قدمی کی خبر گمراہ کن اور بے بنیاد ہے، سیکیورٹی ذرائع
اشاعت کی تاریخ: 10th, May 2025 GMT
سیکیورٹی ذرائع کا کہنا ہے کہ فضائی اور زمینی محاذ پر گزشتہ 72 گھنٹوں سے پاکستان کے ہاتھوں شدید ناکامی کے بعد بھارت اب بحری محاذ پر بھی جھوٹا پراپیگنڈا شروع کر چکا ہے۔ بھارتی نیوی کے ایئرکرافٹ کیریئر کی کراچی کی جانب پیش قدمی کی گمراہ کن خبر بین الاقوامی اخبار ٹیلیگراف کے ذریعے پھیلائی گئی ہے۔
سیکیورٹی ذرائع کے مطابق بھارتی ایئرکرافٹ کیریئر بین الاقوامی پانیوں میں اُسی مقام پر موجود ہے جہاں یہ 6 اور 7 مئی کی درمیانی شب بھارتی حملے کے وقت تھا۔ اس نے نہ تو کسی نئی سمت میں پیش قدمی کی ہے، نہ ہی اس کی پوزیشن تبدیل ہوئی ہے۔
مزید پڑھیں:سپرسونک کروز میزائلوں سے لیس بھارتی بحری بیڑہ کراچی کے قریب پہنچ گیا
ٹیلیگراف میں شائع مضمون میں سنسنی پھیلانے کی کوشش کرتے ہوئے یہ دعویٰ کیا گیا کہ کراچی ایئرپورٹ بھارتی ایئرکرافٹ کیریئر کی فائرنگ رینج میں ہے۔ سیکیورٹی ذرائع نے اس دعوے کو مضحکہ خیز قرار دیتے ہوئے کہا کہ موجودہ دور کے جدید ہتھیاروں کی رینج اتنی طویل ہے کہ کسی بھی مقام سے دشمن کے اندرون ملک اہداف کو نشانہ بنایا جا سکتا ہے۔
ذرائع کے مطابق افواجِ پاکستان دشمن کی ہر چال اور مکاری سے نہ صرف مکمل طور پر باخبر ہیں بلکہ ہر جارحیت کا بروقت، مؤثر اور منہ توڑ جواب دینے کی مکمل صلاحیت رکھتی ہیں۔ سیکیورٹی ذرائع نے مزید کہا کہ ہم دشمن کے علاقے میں موجود ہر ٹارگٹ کو اپنی مرضی کے وقت، مقام اور ہتھیار سے کامیابی سے نشانہ بنانے کی بھرپور صلاحیت رکھتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اخبار ٹیلیگراف افواج پاکستان بحری محاذ سیکیورٹی ذرائع.
ذریعہ
ذریعہ: WE News
کلیدی لفظ: افواج پاکستان سیکیورٹی ذرائع سیکیورٹی ذرائع
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی