پاک فضائیہ نے بین الاقوامی میڈیا کو بریفنگ کے دوران بھارتی رافیل گرانے کے ثبوت دے دیے
اشاعت کی تاریخ: 10th, May 2025 GMT
ایئروائس مارشل نے بین الاقوامی میڈیا کو بتایا کہ ہمارے لیے وہ ایک بہت بڑا چیلنج تھا، اس سے پہلے ایسا کبھی نہیں ہوا تھا۔ رافیل کی کال سائن کو گاڈزیلا کا نام دیا گیا تھا، گاڈزیلا ناپید ہو چکے ہیں، اس لیے رافیل کو بھی ناپید کر دیا۔ اسلام ٹائمز۔ پاکستان ایئر فورس ایئروائس مارشل اورنگزیب احمد بین الاقوامی میڈیا کو بریفنگ کے دوران بھارتی رافیل گرانے کے ثبوت دے دیے۔ نیوز کانفرنس کے دوان انھوں نے کہا کہ گاڈزیلا ناپید ہو چکے ہیں، رافیل کو بھی ناپید کر دیا ہے۔ بھارت نے 4 اطراف سے 60 طیارے بھیجے، بھارتی حملہ آور طیاروں میں 16 رافیل بھی تھے۔ اسلام آباد میں ڈی جی آئی ایس پی آر کے ہمراہ اہم پریس کانفرنس کے دوران ایئر وائس مارشل اورنگزیب احمد نے بین الاقوامی میڈیا کو بھارتی جارحیت، پہلگام حملے اور بھارتی میڈیا کے پروپیگنڈے کے حوالے سے بریفنگ دی۔
اس موقع پر پاک فضائیہ نے بھارتی طیارے مار گرانے کے جو شواہد پیش کیے، جن میں مارے گئے بھارتی طیاروں کے الیکٹرانک سگنلز، رافیل اسکواڈرن کمانڈر کی آڈیو جس میں وہ گمشدہ ساتھی پائلٹ سے رابطہ نہ ہونے کی بات کر رہا ہے اور تباہ شدہ بھارتی طیاروں کے ملبے اور کریش سائٹس کی تصاویر شامل تھیں۔ ایئر وائس مارشل اورنگزیب احمد نے بین الاقوامی میڈیا کو بتایا کہ بھارتی فضائیہ نے چار مختلف سمتوں سے 60 جنگی طیارے، جن میں 16 رافیل بھی شامل تھے، پاکستانی حدود کی جانب روانہ کیے، جس کے بعد مزید طیارے بھیجے گئے اور مجموعی طور پر 72 بھارتی طیارے پاکستانی فضائی حدود کے قریب پہنچے۔ اس کے جواب میں پاکستان نے 42 جنگی طیارے فضا میں بھیجے اور موثر دفاع کیا۔
اورنگزیب احمد نے کہا کہ پاکستان کی اولین ترجیح شہریوں کی سلامتی تھی، اس لیے فوری طور پر تمام سول ایئر لائنز کا راستہ تبدیل کر دیا گیا۔ انہوں نے مزید بتایا کہ پاکستانی فضائیہ نے فضاء میں حکمتِ عملی بدلتے ہوئے رافیل طیاروں کو مرکزی ہدف بنایا، جو بھارتی فضائیہ کا فخر سمجھے جاتے تھے۔
بین الاقوامی میڈیا کو بریفنگ کے دوران انھوں نے بتایا کہ ایک مگ 29 طیارہ لائن آف کنٹرول (ایل او سی) سے صرف 8 ناٹیکل میل کے فاصلے پر گرایا گیا۔ ایک ایس یو30 ایل او سی سے 25 ناٹیکل میل دور تباہ کیا گیا۔ ایک بھارتی یو اے وی (ڈرون) بھی ایل او سی سے 19 ناٹیکل میل کے فاصلے پر مار گرایا گیا۔ بریفنگ میں یہ بھی بتایا گیا کہ پہلا رافیل طیارہ لائن آف کنٹرول (ایل او سی) سے 53 ناٹیکل میل دور گرایا گیا۔ دوسرا رافیل جموں میں ایل او سی سے 7 ناٹیکل میل کے فاصلے پر مارا گیا۔ تیسرا رافیل بھارتی پنجاب میں بین الاقوامی سرحد سے 23 ناٹیکل میل کے فاصلے پر تباہ کیا گیا۔
پاکستان ایئر فورس ایئروائس مارشل نے بین الاقوامی میڈیا کو بتایا کہ ہمارے لیے وہ ایک بہت بڑا چیلنج تھا، اس سے پہلے ایسا کبھی نہیں ہوا تھا۔ رافیل کی کال سائن کو گاڈزیلا کا نام دیا گیا تھا، گاڈزیلا ناپید ہو چکے ہیں، اس لیے رافیل کو بھی ناپید کر دیا۔ پاکستانی ائیرفورس نے گاڈزیلا-4 کو گرایا۔ ایئر وائس مارشل اورنگزیب احمد نے کہا کہ ہم جانتے ہیں اس جدید جنگ میں ہم قیاس آرئیاں نہیں کر سکتے، پاکستان کے کامیاب دفاع پر اللہ کے شکر گزار ہیں۔ پاک فضائیہ بھارتی حملوں کے خلاف دو منٹ میں بروئے کار آئی۔
ذریعہ: Islam Times
کلیدی لفظ: نے بین الاقوامی میڈیا کو مارشل اورنگزیب احمد اورنگزیب احمد نے فضائیہ نے ایل او سی کے دوران بتایا کہ کر دیا
پڑھیں:
کلگام آپریشن میں بھارتی افواج کی ناکامی ؛ 12 دن سے بھوکے پیاسے فوجی مٹی کھانے پر مجبور
کلگام آپریشن میں بھارتی فوج کی ناکامی کے نتیجے میں دو ہفتوں سے بھوکے پیاسے فوجی مٹی کھانے پر مجبور ہیں۔
کشمیر میڈیا سروس کے مطابق کلگام میں جاری جاری محاصرہ و تلاشی آپریشن کئی دہائیوں میں قابض بھارتی افواج اور کشمیری مزاحمت کے درمیان سب سے طویل لڑائی ثابت ہو رہا ہے، جہاں گزشتہ 12 دنوں میں 9 بھارتی فوجی ہلاک، ہیلی کاپٹرز اور ڈرونز ناکارہ ہو گئے ہیں۔
بھارتی ذرائع کے مطابق کلگام آپریشن میں بھارتی افواج کی ناکامی کے نتیجے میں 12 دن بھوکے پیاسے فوجی مٹی کھانے پر مجبور ہو چکے ہیں۔ کلگام میں 12 روزہ آپریشن دم توڑ گیا ہے، جہاں بھارتی فوج کو خالی ہاتھ پسپائی اختیار کرنا پڑی ہے۔
کشمیر میڈیا سروس کے مطابق آج بھی 2 افسر و جوان ہلاک جب کہ 14 شدید زخمی ہوئے ہیں، جن میں ایک لیفٹیننٹ کرنل بھی شامل ہے۔ بھارتی فوجی نے اپنے آخری پیغام میں بتایا کہ 5 دن سے کھانے پینے کو کچھ نہ ہونے کی وجہ سے فوجی مٹی کھا کر زندہ ہیں۔
ہلاک ہونے والے بھارتی فوجی کے رشتے دار نے چونکا دینے والا انکشاف کرتے ہوئے بتایا کہ مسلسل گولی باری میں گھری بھارتی فوج کسی بھی طرح کی مدد سے محروم ہے اور اب ان کے اب بچنے کی امید نہیں ہے۔ بے بس فوجی قیادت ضروری راشن اور سازوسامان پہنچانے میں ناکام ہو چکی ہے۔
کشمیر میڈیا سروس کے مطابق مقتول فوجی کے اہل خانہ کا کہنا ہے کہ بھارتی حکومت اور فوج صرف اور صرف دعووں کی حد تک بہادر ہیں، حقیقت میں یہ دشمنوں کے سامنے لاچار ہو چکے ہیں۔
دوسری جانب اے پی ایچ سی قیادت نے کلگام آپریشن کو بھارتی فوج کی سب سے بڑی حالیہ شرمناک ناکامی قرار دیتے ہوئے کہا ہے کہ مودی سرکار سیاسی ناکامیاں چھپانے کے لیے کٹھ پتلی فوجی آپریشن کروا رہی ہے۔ مقامی صحافی کے مطابق پاکستان سے 4 روزہ جنگ میں شرمندگی اور امریکا کے ساتھ ٹیرف تنازع پر مودی حکومت نے فوجی جانیں میڈیا اسٹنٹ کے لیے داؤ پر لگا دی ہیں۔
عظمیٰ بخاری کا پی ٹی آئی احتجاج پر طنز، ‘ٹریفک کے ساتھ ویڈیو بنانے کے بجائے لاکھوں کارکن دکھاؤ’