بین الاقوامی میڈیا پر آپریشن ’بُنیان مَرصُوص‘ کی گونج
اشاعت کی تاریخ: 10th, May 2025 GMT
اس وقت بین الاقوامی میڈیا پر بھارتی جارحیت کے جواب میں پاکستان کے آپریشن ’بُنیان مَرصُوص‘ کی گونج سنائی دے رہی ہے۔
الجزیرہ، سی این این، بی بی سی، فوکس نیوز اور نیویارک ٹائم میں پاکستان کی جوابی کارروائی کے نتیجے میں بھارت کو پہنچنے والے نقصان کا ذکر کر رہے ہیں۔
یہ بھی پڑھیں:بھارت کے خلاف جوابی کارروائی کے بعد امریکی سیکرٹری خارجہ کا آرمی چیف عاصم منیر سے رابطہ
مشرق وسطیٰ کے اہم میڈیا ہاؤس ’الجزیرہ‘ نے شمالی کشمیر میں اُڑی کے لگامہ گاؤں میں پاکستانی توپ خانے سے مچنے والی تباہی کا نمایاں ذکر کیا ہے۔
الجزیرہ کے مطابق پاکستان کی جانب سے بھارتی فوجی تنصیبات کو نشانہ بنایا گیا ہے۔ الجزیرہ کے مطابق پاکستانی کارروائی کے پیش نظر پاکستان سے ملحق مغربی انڈیا کے ایئرپورٹس بند کر دیے گئے ہیں۔
بین الاقوامی نیوز پلیٹ فارم سی این این نے پاکستان کی جانب سے بھارت پر میزائل داغے جانے کا نمایاں الفاظ میں ذکر کیا ہے۔
سی این این نے بھارتی فوج کے حوالے بتایا ہے کہ انڈیا کی مغربی سرحدوں پر پاکستان کے ڈرون حملوں اور دیگر جنگی سازوسامان میں کھلم کھلا اضافہ جاری ہے۔
سی این این کے مطابق انڈین فوج نے بتایا کہ ہفتہ کی صبح مقامی وقت کے مطابق امرتسر میں ایک فوجی اڈے پر متعدد ’مسلح ڈرونز‘ کو پرواز کرتے ہوئے دیکھا گیا۔
سی این این کے مطابق بھارتی فوج کا یہ بیان اس کے چند گھنٹے بعد آیا ہے جب پاکستان نے کہا تھا کہ اس نے ’بھارتی جارحیت‘ کے جواب میں ہفتے کی صبح بھارت کے خلاف جوابی فوجی آپریشن شروع کیا تھا۔
یہ بھی پڑھیں:آپریشن بُنْيَانٌ مَّرْصُوْص: بھارت کے متعدد اہم فوجی اہداف تباہ، دہلی میں پاکستانی ڈرونز کی پروازیں جاری
’فاکس نیوز‘ نے بھی جنوب مغربی ایشیا میں میں رونما ہونے والی صورتحال پر لکھا ہے کہ پاکستان نے حملوں کے اس نئے سلسلے میں بھارت کے اندر فوجی اہداف کو نشانہ بنایا ہے۔
’فوکس نیوز‘ کے مطابق ٹرمپ انتظامیہ بھارت اور پاکستان کے درمیان کشیدگی کو کم کرنے کی کوشش کر رہی ہے۔
فوکس نیوز نے پاکستان کی مسلح افواج کے حوالے سے کہا ہے کہ بھارت پر جوابی حملے میں فوجی مقامات کو اس وقت نشانہ بنایا گیا جب بھارت نے جوہری ہتھیاروں سے لیس پڑوسیوں کے درمیان خوفناک کشیدگی میں اس کے 3 فضائی اڈوں پر میزائل داغے۔
پاکستانی فوجی حکام نے بتایا کہ ہندوستان نے اس سے قبل پاکستان کے اندر تین فضائی اڈوں کو میزائلوں سے نشانہ بنایا تھا، جن میں سے زیادہ تر کو روک دیا گیا تھا۔
بی بی سی نے بھی پاکستانی فوج کے مؤقف بیان کرتے ہوئے لکھا ہے کہ پاکستانی فوج بھارت پر جوابی کارروائی کر رہی ہے۔
’نیویارک ٹائم‘ نے پاک بھارت کشیدگی کے حوالے سے لکھا ہے کہ امن کی کوششوں کے درمیان بھارت پاکستان تنازع کی چوتھی رات میں داخل ہو گیا ہے۔
’نیویارک ٹائم‘ کے مطابق بھارت نے ملک کے شمال میں بھاری ڈرون حملے کی اطلاع دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الجزیرہ بی سی سی سی این این فوکس نیوز نیویارک ٹائمز.ذریعہ: WE News
کلیدی لفظ: الجزیرہ سی این این نیویارک ٹائمز نشانہ بنایا میں پاکستان پاکستان کے پاکستان کی کے مطابق بھارت کے
پڑھیں:
پاکستانی بولرز کے ہاتھوں دھلائی، جسے بھارتی کبھی بھول نہیں پائیں گے
ایشیا کپ سپر 4 کے بڑے مقابلے سے قبل شائقین کی سب سے زیادہ نظریں پاکستان کے بولنگ اٹیک پر جمی ہوئی ہیں۔
تاریخ گواہ ہے کہ پاکستان نے کئی بار اپنے شاندار بالنگ اٹیک کے ذریعے بھارت کو مشکل میں ڈالا ہے اور یادگار ریکارڈ قائم کیے ہیں۔
سب سے نمایاں کارکردگی 1985ء میں شارجہ کے میدان میں سامنے آئی، جب عمران خان نے بھارت کے خلاف شاندار بولنگ کرتے ہوئے صرف 14 رنز کے عوض 6 وکٹیں حاصل کیں۔ یہ آج بھی پاکستان کی طرف سے بھارت کے خلاف بہترین ون ڈے بولنگ ریکارڈ مانا جاتا ہے۔
اسی طرح 1997ء کے ٹورنٹو کپ میں وسیم اکرم اور وقار یونس کی جوڑی نے بھارتی بیٹنگ لائن کو مسلسل دباؤ میں رکھا، جس کے نتیجے میں پاکستان کو یادگار کامیابیاں نصیب ہوئیں جب کہ 2004ء میں کوچی کے میدان پر شعیب اختر نے اپنے برق رفتار اسپیل سے بھارتی بلے بازوں کو سخت دباؤ میں رکھا۔
2009ء کی چیمپئنز ٹرافی میں محمد عامر نے دہلی کے اوپنرز کو جلد پویلین بھیجا اور اس شاندار آغاز کے نتیجے میں بھارت کے بڑے اسکور کے خواب چکنا چور ہوگئے۔
اسی طرح 2017ء کی چیمپئنز ٹرافی کے فائنل میں انگلینڈ کے اوول گراؤنڈ میں محمد عامر کا تباہ کن اسپیل آج بھی کرکٹ کے شائقین کو یاد ہے، جب انہوں نے روہت شرما، شیکھر دھون اور ویرات کوہلی جیسے بڑے بلے بازوں کو صرف 33 رنز پر میدان سے باہر نکالا۔ یہ آغاز پاکستان کی تاریخی فتح کا نقطہ آغاز بنا تھا۔
ایشیا کپ کی تاریخ بھی پاکستانی بولرز کے شاندار کارناموں سے بھری ہوئی ہے۔
1995ء میں آکلینڈ میں وقار یونس نے شاندار 4 وکٹیں لے کر بھارت کی جیت کی امیدیں ختم کر دی تھیں۔ 2012ء کے ایشیا کپ میں سعید اجمل اور عمر گل نے دباؤ ڈال کر بھارت کے بڑے ٹوٹل کو محدود کرنے میں کلیدی کردار ادا کیا۔
پاکستانی بولرز کے ان تاریخی کارناموں نے ہمیشہ یہ ثابت کیا ہے کہ پاک بھارت میچ میں بالنگ اٹیک ہی اصل حربہ ہے۔ شائقین کرکٹ آج بھی یہ دیکھنے کے لیے بے چین ہیں کہ دبئی کے میدان پر کون سا بولر تاریخ کے صفحات میں اپنا نیا باب رقم کرتا ہے۔
بھارت کے خلاف پاکستانی بولرز کے نمایاں ریکارڈز:
عمران خان: 6/14، شارجہ 1985 (ون ڈے میں بھارت کے خلاف بہترین بولنگ) وقار یونس: 5/31، کوچی 1996 وسیم اکرم: 4/19، ٹورنٹو 1997 شعیب اختر: 4/36، کوچی 2005 محمد عامر: 3/16، اوول (چیمپئنز ٹرافی فائنل 2017) سعید اجمل: 3/40، ڈھاکا (ایشیا کپ 2012)
کیچ، چار ماہ قبل اغواء ہونیوالے اسسٹنٹ کمشنر حنیف نورزئی بازیاب