دو ایٹمی طاقتیں تباہ کن جنگ کے دہانے پر کھڑی ہیں، التجا مفتی
اشاعت کی تاریخ: 10th, May 2025 GMT
پی ڈی پی خاتون لیڈر نے سوشل میڈیا سائٹ ایکس پر پوسٹ کرکے کشمیر میں خراب ہوتی صورتحال اور بھارت و پاکستان کے درمیان کشیدگی پر تشویش کا اظہار کیا ہے۔ اسلام ٹائمز۔ بھارت و پاکستان کے درمیان صورتحال کافی کشیدہ ہے، اس درمیان پیپلز ڈیموکریٹک پارٹی (پی ڈی پی) کی سربراہ اور جموں و کشمیر کی سابق وزیراعلٰی محبوبہ مفتی کی بیٹی التجا مفتی نے امن و امان کی اپیل کی ہے۔ انہوں نے سوشل میڈیا سائٹ ایکس پر پوسٹ کرکے کشمیر میں خراب ہوتی صورتحال اور بھارت و پاکستان کے درمیان کشیدگی پر تشویش کا اظہار کیا ہے۔ التجا مفتی نے اپنے پوسٹ میں لکھا کہ سرینگر میں اس وقت مسلسل دھماکے ہو رہے ہیں، اس پاگل پن کا خاتمہ کب ہوگا۔ انہوں نے کہا کہ دو ایٹمی طاقتیں تباہ کن جنگ کے دہانے پر کھڑی ہیں، سمجھداری اور امن کی آوازیں ان لوگوں کے شور میں دب رہی ہیں جو اس تباہی اور تشدد کی ستائش کر رہے ہیں، امن کی امید کرنا آپ کو کم ہندوستانی نہیں بناتا، بلکہ یہی آپ کو انسان بناتا ہے۔
وہیں محبوبہ مفتی نے ایک پوسٹ کے ذریعہ ہندوستان کو قیادت کا کردار نبھانا چاہیئے۔ ان کا کہنا ہے کہ ہندوستان کو جو دنیا کا سب سے بڑا جمہوریت، سب سے زیادہ عوامی آبادی والا ملک اور تیسری سب سے بڑی معیشت ہے۔ اسے غیر مستحکم بین الاقوامی حمایت پر انحصار نہیں کرنا چاہیئے۔ انہوں نے کہا کہ اس کے بجائے ہندوستان کو ایشیاء میں اپنا قائدانہ کردار اپنانا چاہیئے اور کشیدگی کو کم کرنے کے لئے اقدامات کرنے چاہیئے۔ محبوبہ مفتی نے مزید لکھا کہ دنیا ہمیں دیکھ رہی ہے۔ یہی وہ لمحہ ہے جب ہندوستان کو یہ دکھانا چاہیئے کہ اس کی اصلی طاقت نیوکلیئرہتھیاروں میں نہیں، بلکہ امن اور "سافٹ پاور" میں ہے۔
ذریعہ
ذریعہ: Islam Times
کلیدی لفظ: ہندوستان کو مفتی نے
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ