ہم نے ملٹری سطح پر بھارت کو سرپرائز دیا: لیفٹیننٹ جنرل (ر) عامر ریاض
اشاعت کی تاریخ: 11th, May 2025 GMT
ممتاز دفاعی تجزیہ کار لیفٹیننٹ جنرل ریٹائرڈ عامر ریاض نے کہا ہے کہ پاکستان نے جواب دیا تو بھارت کو سیز فائر کی طرف جانا پڑا، ہم نے ملٹری سطح پر بھارت کو سرپرائز دیا۔
نجی ٹی وی سے گفتگو کرتے ہوئے انہوں نے کہا کہ ہم نے اسٹرائیک میں اپنے تمام اہداف حاصل کیے، بھارتی افواج کے مورال پر بہت بڑا اثر پڑا ہے۔
عامر ریاض کا کہنا ہے کہ اُمید ہے کہ بھارت اب پُرامن حالات کی طرف جائے، ہم نے پورے تحمل کا مظاہرہ کیا۔
انہوں نے کہا کہ بھارتی سیاسی قیادت نے انتہائی غیر ذمے داری کا مظاہرہ کیا، بھارتی سیاسی قیادت نے اپنی افواج پر وہ بوجھ ڈال دیا جو وہ اٹھانے کے قابل نہیں تھے۔
ان کا مزید کہنا ہے کہ بھارتی میڈیا اور حکومت نے بہت جھوٹ بولا، پاکستان ہمیشہ سچ کے ساتھ چلا، پاکستان نے جو کیا وہ صاف بتا دیا، ہم نے ان کے پانچ جہاز مار گرائے۔
لیفٹیننٹ جنرل (ر) عامر ریاض نے یہ بھی کہا کہ بھارتی افواج کو معلوم تھا کہ ان کی سیاسی قیادت ان کے ساتھ غلط کر رہی ہے، ہم نے اپنے ایئر ڈیفنس سسٹم کو ایکسپوز کیے بغیر بھارتی ڈرونز کو تباہ کیا۔
Post Views: 4.ذریعہ: Daily Mumtaz
پڑھیں:
ہانیہ عامر کا بھارتی فلم سردار جی 3 میں کاسٹ ہونا کتنا اہم؟ شوبز شخصیات نے بتادیا
بھارتی پنجابی فلم ’سردار جی 3‘ کا ٹریلر ریلیز ہونے کے بعد جہاں مداح ہانیہ عامر کو دیکھ کر خوشگوار حیرت میں مبتلا ہوئے وہیں پاکستانی شوبز شخصیات نے بھی اپنی مختلف پوسٹس میں ہانیہ عامر کی انڈین فلم میں اداکاری کو تاریخی قرار دے دیا اور ان کی خوب تعریفیں کیں۔
پاکستان شوبز کے معروف اداکار اور ہدایت کار یاسر حسین نے انسٹاگرام پر فلم کا ٹریلر شیئر کرتے ہوئے لکھا کہ بہت سے پاکستانی اداکاروں نے بھارتی فلموں میں کام کیا لیکن ہانیہ عامر کی فلم تاریخی حیثیت رکھتی ہے۔ انہوں نے مزید کہا کہ ان حالات میں ہانیہ عامر کا بھارتی فلم میں ہونا ان کی شاندار اداکاری کا ثبوت ہے۔
اداکارہ زارا نور عباس نے لکھا کہ وہ ہانیہ عامر کے لیے بہت خوش ہیں اور ان پر فخر کرتی ہیں۔ ساتھ ہی انہوں نے کہا کہ ہماری سپر اسٹار ہالی ووڈ کے سفر کی جانب گامزن ہیں۔
ہانیہ عامر کی دوست یشما گل نے اداکارہ کو مخاطب کرتے ہوئے لکھا کہ آ جاؤ اور چھا جاؤ۔
انوشے اشرف لکھتی ہیں کہ ان سے قبل زیادہ تر پاکستانی اداکاروں نے بھارتی فلموں میں سائیڈ رول ادا کیے لیکن ہانیہ عامر نے مرکزی کردار ادا کیا اور وہ بھی دلجیت دوسانجھ جیسے اداکار کے ساتھ۔
پاکستانی اداکارہ زویا ناصر نے ہانیہ عامر کی تعریفوں کے پل باندھتے ہوئے کہا کہ ’اسٹار ہے اسٹار، آئی ہے تو چھا گئی ہے‘۔
ان کے علاوہ دیگر شوبز شخصیات نے بھی ہانیہ عامر کی بھارتی فلم کا ٹریلر جاری ہونے پر خوشی کا اظہار کرتے ہوئے اداکارہ کو اسٹار قرار دیا۔
واضح رہے کہ ہانیہ عامر کی ’سردار جی 3‘ میں شمولیت کے حوالے سے کافی عرصے سے قیاس آرائیاں جاری تھیں کیونکہ پاکستان اور بھارت کے درمیان حالیہ کشیدگی کے بعد یہ اطلاعات سامنے آئی تھیں کہ ہانیہ عامر کو فلم سے نکال دیا گیا ہے۔ اس کے بعد دلجیت دوسانجھ نے فلم کے حوالے سے پہلا پوسٹر شیئر کیا تو اس میں ہانیہ عامر کہیں نہیں تھیں۔
یہ بھی پڑھیں: سردار جی 3 کا ٹریلر ریلیز، دلجیت دوسانجھ کے ساتھ ہانیہ عامر کی شمولیت سے مداح حیران
اداکارہ ہانیہ عامر کی فلم میں شمولیت سے متعلق قیاس آرائیوں پر دلجیت دوسانجھ نے بھی مکمل خاموشی اختیار کر رکھی تھی اور ہانیہ عامر نے بھی اس حوالے سے میڈیا پر کوئی بیان جاری نہیں کیا تھا تاہم اب ’سردار جی 3‘ کا آفیشل ٹریلر سامنے آنے کے بعد تمام سوالوں کا جواب مل گیا ہے۔
پنجابی فلم انڈسٹری کی فلم ‘سردار جی 3’ سال 2015 میں ریلیز ہونے والی پنجابی فلم ‘سردار جی’ فرنچائز کا تیسرا حصہ ہے جو اپنی میکنگ کی خبروں سے ہی سرخیوں میں ہے۔ 22 اپریل 2025 کو پہلگام حملے کے بعد بھارت کی کئی فلمی تنظیموں، بشمول فیڈریشن آف ویسٹرن انڈیا نے ایمپلائیز (FWICE)، نے پاکستانی فنکاروں کے ساتھ کسی بھی قسم کے تعاون پر اعتراض کیا اور ان پر بالی ووڈ میں پابندی عائد کرنے کا مطالبہ کیا۔ سوشل میڈیا پر #BOYCOTTSARDARJI3 جیسے ہیش ٹیگز ٹرینڈ کرنے لگے تھے اب یہ فلم بھارت کے بجائے صرف اوورسیز ریلیز کی جائے گی۔
سردار جی 3 صرف اوورسیز میں 27 جون کو ریلیز ہو رہی ہے۔ فلم میں دلجیت دوسانجھ، نیرو باجوہ، ہانیہ عامر، ناصر چنیوٹی اور دیگر مشہور پنجابی اداکار شامل ہیں۔ فلم کی شوٹنگ برطانیہ میں کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دلجیت دوسانجھ سردار جی 3 ہانیہ عامر
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی