قیمتی فون 14 ہزار فٹ کی بلندی سے گرابیٹھنے والے شخص کو کیا فائدہ پہنچا؟
اشاعت کی تاریخ: 12th, May 2025 GMT
برطانیہ سے تعلق رکھنے والے ایک انجینیئر اور اسکائی ڈائیونگ کے شوقین کیسی فلے 14 ہزار فٹ کی بلندی سے چھلانگ لگاتے وقت اپنے ونگ سوٹ کی اگلی جیب بند کرنا بھول گئے تھے جس کے باعث ان کا کا آئی فون 13 پرو میکس نیچے گرگیا۔
یہ بھی پڑھیں: سستے ترین آئی فون کی لانچنگ متوقع، اہم فیچرز کون سے ہونگے؟
کیسی فلے کے ہیلمٹ پر موجود کیمرے نے موبائل فون کے جیب سے نکل کر زمین کی جانب جاتے ہوئے سین کو ویڈیو میں قید بھی کر لیا جس کا پتا کیسی کو بعد میں اس وقت چلا جب انہوں نے اپنا کیمرا چیک کیا۔
اسکائی ڈائیور نے اپنا فون تلاش کرنے کے لیے ’فائنڈ مائی آئی فون‘ ایپ کو استعمال کیا جس سے پتا چلا کہ ان کا فون جہاں وہ اترے تھے وہاں سے تقریباً 4 میل دور واقع ہے۔ وہ اس مقام پر گئے تو یہ دیکھ کر حیران رہ گئے فون بالکل ٹھیک کام کر رہا تھا۔
جب ان سے پوچھا گیا کہ انہیں اس مہم جوئی کے دوران اپنا فون ساتھ لے جانے کی کیا ضرورت تھی تو انہوں نے کہا کہ میں اپنا فون اس لیے اپنے ساتھ لایا تھا تاکہ جب میں اتروں اور کوئی ایسی ویسی بات ہوجائے تو دوسرے مجھے ڈھونڈ سکیں۔
کیسی فلے نے کہا کہ میری جیب کھلی رہ گئی تھی اس لیے چھلانگ لگاتے وقت میرا فون نیچے گرگیا۔
مزید پڑھیے: انڈونیشیا نے آئی فون 16 کی فروخت پر پابندی لگادی، وجہ کیا بنی؟
ان کا کہنا تھا کہ پہلے انہیں نہیں پتا تھا کہ فون ان کی جیب میں ہے بلکہ وہ سمجھ رہے وہ ہوائی جہاز میں ہی ہے لیکن جب وہ جہاز میں نہیں ملا تو انہوں نے فائنڈ مائی آئی فون ایپ استعمال کی تو پتا چلا کہ موبائل تو جنگل میں کہیں پڑا ہے اور پھر کیمرے میں فوٹیج سے معلوم ہوگیا کہ وہ چھلانگ لگاتے وقت نیچے گرگیا تھا۔
فون کی لوکیشن تک 30 منٹ چلنے کے بعد 37 سالہ انجینیئر کو توقع تھی کہ انہیں ان کے فون کے ٹکڑے ہی ملیں گے یا پھر وہ ٹیڑھا بنگا ہوچکا ہوگا لیکن ان کے فون پر ایک ہلکی سی خراش بھی نہیں پڑی اور فون ویسے ہی بالکل ٹھیک کام کر رہا تھا جیسا کہ 14 ہزار فٹ نیچے گرنے سے پہلے کرتا تھا۔
اونچائی سے گرنے پر فون کا ایک فالٹ ٹھیک ہوگیاکیسی کا کہنا تھا کہ فون کے گرنے سے انہیں ایک فائدہ بھی ہوگیا۔ انہوں نے بتایا کہ پہلے ان کے فون کا ہوم بٹن تھوڑا اٹکتا تھا کیوں کہ ان سے فون پر شربت گرگیا تھا لیکن اب گرنے کے بعد بٹن بالکل بے عیب کام کر رہا ہے۔
انہوں نے کہا کہ اتنی بلندی سے گرنے کے باوجود فون پر خراش تک نہ آنا بلکہ اس کے بٹن کا فالٹ بھی ٹھیک ہوجانا حیرت انگیز بات ہے۔ کیسی کی کہانی پچھلے ہفتے سوشل میڈیا پر وائرل ہوگئی تھی۔
مزید پڑھیں: ایپل کے آئی فون 16 میں کیا خاص بات ہے؟
اب ہم اس بارے میں حتمی طور پر کچھ نہیں کہہ سکتے کہ یہ فون کی پائیداری ہے یا کیسی کی قسمت کہ اتنی بلندی سے گرنے پر بھی ان کے فون کا بال بھی بیکا نہیں ہوا۔ تاہم کچھ برس قبل 2 واقعات رپورٹ ہوئے تھے جن میں ایک شخص نے اپنا آئی فون 14 سمندر میں ڈال دیا تھا اور پھر جب 33 دن بعد اس نے فون نکالا تو ٹھیک چل رہا تھا۔ دوسرا واقعہ ایک اور شخص کا تھا جس آئی فون 10 دریا میں گرگیا تھا اور 10 مہینے بعد دریا کے تلے سے ملا اور پھر خراب نہیں ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون آئی فون زمین پر اسکائی ڈائیور کا فون.ذریعہ: WE News
کلیدی لفظ: ا ئی فون ا ئی فون زمین پر اسکائی ڈائیور کا فون ان کے فون انہوں نے ا ئی فون آئی فون
پڑھیں:
پاکستان نےجوابی حملوں میں بھارت کو اب تک کیا نقصان پہنچا دیا؟
بھارت نے 6 اور 7 مئی کی درمیانی شب پاکستان کے 6 مختلف مقامات پر 24 حملے کیے، پھر اگلے ہی دن پاکستان میں مختلف ڈرون بھیجے گئے، اور آج 10 مئی کی رات پاکستان کی 3 ایئر بیسز پر بھارت کی جانب سے حملے کیے گئے جس کے بعد پاکستان نے بھارتی جارحیت کے خلاف بھرپور جوابی کارروائی کا آغاز کرتے ہوئے آپریشن ’بنیان مرصوص‘ شروع کردیا جس میں بھارت کو بڑے پیمانے پر نقصان کا سامنا کرنا پڑا۔
آپریشن شروع ہونے سے قبل ڈی جی آئی ایس پی آر نے میڈیا کو بریفنگ دیتے ہوئے کہا کہ اس آپریشن کے آغاز کا مقصد بھارت کی جارحیت کا منہ توڑ جواب دینا اور خطے میں پاکستان کی سالمیت کا دفاع کرنا ہے۔
سیکیورٹی ذرائع کے مطابق آپریشن ’بنیان مرصوص‘ کے آغاز کے بعد بیاس میں واقع براہموس میزائل اسٹوریج سائٹ کو کامیابی سے نشانہ بنایا، ادھم پور ایئر بیس، پٹھان کوٹ کی ایئر فیلڈ کو بھی مکمل تباہ کردیا گیا، آدم پور ایئر فیلڈ جہاں سے امرتسر میں سکھوں پر، پاکستان اور افغاستان پر میزائل داغے گئے، کو بھی تباہ کردیا گیا ہے۔
پاکستان کی جانب سے بھارتی جارحیت کے جواب میں جاری آپریشن کے تحت دشمن کو بھرپور اور مؤثر جواب دیا جا رہا ہے۔ بھارتی بریگیڈ ہیڈکوارٹر ’جی ٹاپ‘ کو مکمل طور پر تباہ کردیا گیا ہے جبکہ اُڑی کے علاقے میں واقع اہم سپلائی ڈپو کو بھی ہدف بنایا گیا ہے۔ پاکستان نے الفتح میزائل بھی لانچ کیا، دوسری جانب بھارت کا 70 فیصد بجلی کا گرڈ سسٹم ناکارہ بنایا گیا ہے۔
آپریشن بنیان مرصوص کے تحت بھارتی آرٹلری گن پوزیشن دہرنگیاری سپلائی ڈپو اڑی کو تباہ کیا گیا۔ واضح رہے کہ یہ وہ تمام بیسز ہیں جہاں سے پاکستان میں عوام اور مساجد پر حملے کیے گئے تھے۔
اس کے علاوہ افواج پاکستان نے بھارتی سورت گڑھ ایئر فیلڈ کو بھی تباہ کردیا جبکہ پاکستان ایئر فورس کے جے ایف 17 تھنڈر کے ہائپر سونک میزائلوں نے آدم پور میں بھارت کا ایس 400 ایئر ڈیفنس سسٹم بھی تباہ کردیا جسے بھارت نے روس سے خریدا تھا اور اس کی مالیت لگ بھگ ڈیڑھ ارب ڈالر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت کا پانی صرف بھارت استعمال کرے گا؛ مودی کی ایک بار پھر پانی بند کرنے کی دھمکی