راولپنڈی: ڈمپر کی موٹر سائیکل اور رکشے کو ٹکر، ماں بیٹا جاں بحق، 2 افراد زخمی
اشاعت کی تاریخ: 12th, May 2025 GMT
راولپنڈی:
راولپنڈی کے تھانہ کینٹ کے علاقے حیدر روڈ پر ڈمپر کی موٹر سائیکل اور رکشے کو ٹکر سے موٹر سائیکل پر سوار ماں بیٹا جاں بحق جبکہ رکشہ ڈرائیور سمیت دو افراد زخمی ہوگئے۔
راولپنڈی مال روڈ پر انڈر پاسز کی تعمیر کا کام جاری ہے جبکہ ٹریفک کو حیدر روڈ سمیت دیگر متبادل راستوں پر سے گزارا جارہا ہے، اسی طرح حیدر روڈ پر تیز رفتار ڈمپر اچانک ڈرائیور سے بے قابو ہو کر اپنے سامنے جاتے ہوئے رکشے اور موٹر سائیکل سے جا ٹکرایا، حادثے کے نتیجے میں رکشے کا عقبی حصہ ڈمپر کے نیچے آکر کچلا گیا جبکہ موٹر سائیکل دور جاگرا۔
کینٹ پولیس کے مطابق حادثے میں موٹر سائیکل سوار ماں اور بیٹا جن کے نام مسماتہ فوزیہ اور امجد علی موقع پر دم توڑ گئے جبکہ رکشہ ڈرائیور اور شہری وقاص اور عادل شدید زخمی ہوئے جنہیں اسپتال منتقل کردیا گیا۔
دوسری جانب حادثے کے بعد ڈمپر ڈرائیور کو فوری طور پر تحویل میں نہ لینے پر شہریوں کی بڑی تعداد جمع ہوگئی اور سٹی ٹریفک پولیس کے وارڈنز کے سامنے احتجاج کیا اس حوالے سے وڈیوز بھی وائرل ہوئیں جن میں شہریوں کو سٹی ٹریفک پولیس کے دو وارڈنز کو یہ کہتے سنا جاسکتا ہے کہ ڈمپر والے نے دو افراد کو کچل دیا ہے اور آپ اس کو ہاتھ بھی نہیں لگا رہے، چالان کے لیے آپ فورا حرکت میں آجاتے ہیں اس کو پکڑیں اور تھانے لے کر جائیں۔
اس کے جواب میں سٹی ٹریفک پولیس کے وارڈنز سر ہلا تے دیکھے جاسکتے ہیں بعدازاں شہریوں نے ڈمپر میں سوار ڈرائیور جو شیشے بند کرکے اندر بیٹھا ہوا تھاکو خود ڈمپر سے نکالا اور سٹی ٹریفک پولیس کے حوالے کیا جس کو سٹی ٹریفک پولیس کی موبائل وین میں ڈال کر تھانہ کینٹ منتقل کردیاگیا۔
اس حوالے سے دریافت کرنے پر ٹریفک پولیس حکام نے بتایاکہ ڈمپر ڈرائیور کو منتقل کرنے کے لیے گاڑی کا انتظار کررہے تھے اس لیے اس کو فوری طور پر ڈمپر سے نہیں نکالا اور سرکاری گاڑی آنے پر اس کو تھانے منتقل کردیا۔
ایس ایچ او کینٹ لقمان جاوید کا کہنا تھا کہ ڈمپر مال روڈ پر جاری کام کے سلسلے میں ہی وہاں آیا اور خالی تھا تاہم ڈرائیور جس کا نام عبداللہ ہے کو گرفتار کرلیاگیا جس کا کہناتھا کہ رکشہ و موٹر سائیکل دیکھ کر بریک لگائی لیکن حادثہ ہوگیا۔
دوسری جانب حیدر روڈ جیسے مصروف ترین روڈ پر ڈمپر حادثے پر شہریوں نے مطالبہ کیا اگر تعمیراتی میٹریل کے لیے مال بردار وہیکل و ڈمپر علاقے میں آئیں تو ان پر دن کے اوقات میں پابندی ہونی چاہیے تاکہ اس طرح کے حادثات نہ ہو۔
.
ذریعہ
ذریعہ: Express News
کلیدی لفظ: سٹی ٹریفک پولیس کے موٹر سائیکل حیدر روڈ روڈ پر
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ