دنیا کے غریب ترین صدر 89 برس کی عمر میں چل بسے
اشاعت کی تاریخ: 14th, May 2025 GMT
یوروگوئے(نیوز ڈیسک) یوروگوئے کے سابق صدر خوسے پے پے موہیکا، جو دنیا بھر میں اپنی سادگی اور عوام دوستی کی بنا پر “دنیا کے غریب ترین صدر” کے طور پر جانے جاتے تھے، 89 برس کی عمر میں وفات پا گئے۔
ان کے انتقال کی اطلاع موجودہ صدر یاماندو اورسی نے سوشل میڈیا پلیٹ فارم “ایکس” پر دی۔ انہوں نے اپنے پیغام میں لکھا: “ہم آپ کے احسان مند ہیں، آپ نے جو کچھ ہمیں دیا اور اپنی قوم سے جو بے لوث محبت کی، وہ ناقابلِ فراموش ہے۔”
خوسے موہیکا کافی عرصے سے غذائی نالی کے کینسر میں مبتلا تھے، تاہم ان کی موت کی فوری وجہ کا اعلان نہیں کیا گیا۔
موہیکا نے 2010 سے 2015 تک یوروگوئے کی قیادت کی۔ ان کا سادہ طرزِ زندگی، سرمایہ دارانہ نظام پر تنقید اور سماجی اصلاحات کا جذبہ عالمی سطح پر ان کی پہچان بن گیا۔ وہ اپنی تنخواہ کا بڑا حصہ عطیہ کر دیتے تھے اور ایک معمولی سے فارم ہاؤس میں مقیم رہے۔
ان کے دورِ صدارت میں یوروگوئے پہلا ملک بنا جس نے تفریحی استعمال کے لیے بھنگ کو قانونی حیثیت دی، جس پر عالمی سطح پر بحث بھی ہوئی اور پذیرائی بھی۔
اگرچہ یوروگوئے ایک چھوٹا ملک ہے، تاہم موہیکا کی شخصیت نے بین الاقوامی سطح پر گہرا اثر چھوڑا۔ ان کے کئی اقدامات کو سراہا گیا، مگر بعض پالیسیوں پر ملکی سطح پر تنقید کا سامنا بھی رہا۔
موہیکا کا تعلق مونٹی ویڈیو کے متوسط طبقے سے تھا۔ وہ سیاست، مطالعہ اور زمین سے جڑی زندگی کو اپنی والدہ کی تربیت کا نتیجہ قرار دیتے تھے۔
انہوں نے اپنے سیاسی سفر کا آغاز نیشنل پارٹی سے کیا، جو بعد ازاں ان کی حکومت کی مخالف جماعت بن گئی۔ 1960 کی دہائی میں انہوں نے بائیں بازو کی مسلح تنظیم تُوپاماروس نیشنل لبریشن موومنٹ کی بنیاد رکھی، جو حکومت کے خلاف مختلف کارروائیوں میں ملوث رہی۔
اپنی جدوجہد کے دوران موہیکا کو چار مرتبہ قید و بند کا سامنا کرنا پڑا۔ 1970 میں ایک حملے کے دوران انہیں چھ گولیاں لگیں اور وہ موت کے قریب پہنچ گئے تھے، تاہم وہ زندہ بچ نکلے۔
پاکستان کی بھارت کے خلاف فتح کی گونج دنیا بھر میں سنائی دینے لگی
.ذریعہ: Daily Ausaf
پڑھیں:
اجے دیوگن اور ان کے بیٹے یوگ دیوگن پہلی بار کسی فلم میں ایک ساتھ
بالی وڈ کے سُپر اسٹار اجے دیوگن اور ان کے بیٹے یوگ دیوگن پہلی بار ایک ساتھ بڑے پردے پر بطور وائس اوور آرٹسٹ اپنی پرفارمنس دکھائیں گے۔
بھارتی میڈیا کے مطابق باپ بیٹے کی جوڑی ہالی ووڈ کی مشہور فلم کراٹے کڈ لیجنڈز کے ہندی ورژن میں اپنی آوازوں کا جادو جگا رہے ہیں۔
یہ فلم 30 مئی 2025 کو بھارت بھر میں انگریزی، ہندی، تمل اور تیلگو زبانوں میں ریلیز ہو رہی ہے۔ جس میں اجے دیوگن نے فلم میں جیکی چن کے کردار کو اپنی آواز دی ہے۔
اسی طرح ان کے بیٹے یوگ دیوگن نے مرکزی کردار "لی فونگ" کو اپنی آواز دی ہے جسے اصل فلم میں بین وانگ نے نبھایا۔
View this post on InstagramA post shared by Sony Pictures IN (@sonypicturesin)
خیال رہے کہ یہ اجے دیوگن کی کسی بھی بین الاقوامی فلم کے لیے پہلی وائس اوور ہے اور یوگ دیوگن کا بطور وائس ایکٹر بھی ڈیبیو ہے۔
اس فلم کی مرکزی تھیم استاد اور شاگرد کے درمیان رشتہ ہے جسے اجے اور یوگ کی اصل زندگی کی کیمسٹری نے مزید تقویت دی ہے۔
فلم کی شوٹنگ نیویارک شہر میں سیٹ کی گئی جہاں ایک کنگ فو کے ماہر نوجوان "لی فونگ" کو ایک نئے اسکول میں کچھ دشواریاں کا سامنا ہوتا ہے۔
لی فونگ ایک مقامی کراٹے چیمپئن کے ساتھ سخت مقابلے میں الجھ جاتا ہے۔ اس کے اس سفر میں اس کا ساتھ دیتے ہیں اس کے استاد "مسٹر ہان" (جیکی چن) اور لیجنڈری ڈینیئل لارسو (ریلف میکیو)، جو اسے خود شناسی، حوصلے اور ترقی کی طرف لے جاتے ہیں۔
سندھ بلڈنگ ،کھوڑو سسٹم گلشن اقبال میں فعال غیر قانونی تعمیرات کو تحفظ