آئی ایم ایف، بنگلہ دیش کو جون میں ایک ارب 30 کروڑ ڈالر کی قسط جاری کرے گا
اشاعت کی تاریخ: 15th, May 2025 GMT
عالمی مالیاتی فنڈ (آئی ایم ایف) 4 ارب 70 کروڑ ڈالر کے قرض پروگرام کا چوتھا جائزہ مکمل کرنے اور شرح مبادلہ میں اصلاحات پر بات چیت میں اہم پیشرفت کے بعد جون میں بنگلہ دیش کو ایک ارب 30 کروڑ ڈالر جاری کرے گا۔
نجی اخبار میں شائع برطانوی خبر رساں ادارے ’رائٹرز‘ کی رپورٹ کے مطابق آئی ایم ایف نے چوتھی اور پانچویں قسط کے فنڈز کو روک دیا تھا اور شرح تبادلہ میں زیادہ لچک پر زور دیا تھا۔
تاہم اپریل میں ڈھاکا میں ہونے والے چوتھے جائزے کے بعد اس ماہ واشنگٹن ڈی سی میں موسم بہار کے اجلاسوں کے دوران مزید تبادلہ خیال کیا گیا، جس میں ریونیو مینجمنٹ، مالیاتی پالیسی اور زرمبادلہ کے نظام میں اہم اصلاحات پر توجہ مرکوز کی گئی تھی۔
تمام معاملات کا بغور جائزہ لینے کے بعد بنگلہ دیشن کی وزارت خزانہ کی جانب سے جاری بیان میں کہا گیا ہے کہ دونوں فریقین نے ریونیو مینجمنٹ، کرنسی ایکسچینج ریٹ اور دیگر اصلاحاتی فریم ورک پر اتفاق کیا ہے۔
اسٹاف لیول معاہدے کی تکمیل کے ساتھ توقع ہے کہ آئی ایم ایف جون تک چوتھی اور پانچویں قسطوں کے لیے ایک ارب 30 کروڑ ڈالر جاری کرے گا۔
بنگلہ دیشی حکومت نے نیشنل بورڈ آف ریونیو کو بھی تحلیل کر دیا ہے جس کی جگہ مالیات کی وزارت کے تحت 2 ڈویژن قائم کیے گئے ہیں، تاکہ آئی ایم ایف کی ایک اہم شرط کو پورا کیا جا سکے۔
ایک ڈویژن ٹیکس کی پالیسی سنبھالے گا، جب کہ دوسرا ٹیکس کی وصولی اور انتظامیہ کو دیکھے گا جس کا مقصد کارکردگی، شفافیت، اور جوابدہی کو بڑھانا ہے۔
وزارت خزانہ نے بتایا کہ آئی ایم ایف کے فنڈز کے علاوہ، حکومت ترقیاتی شراکت داروں سے 2 ارب ڈالر کی بجٹ مدد کی توقع رکھتی ہے۔
Post Views: 5.ذریعہ: Daily Mumtaz
کلیدی لفظ: آئی ایم ایف کروڑ ڈالر
پڑھیں:
مستحقین کیلئے 3 ارب 90 کروڑ روپے کی زکوة اورگزارا الائونس جاری
لاہور (اُردو پوائنٹ اخبارتازہ ترین - این این آئی۔ 13 اگست2025ء) محکمہ زکوة و عشر نے مستحق افراد کو مالی امداد فراہم کرنے کے لیے 3ارب 90 کروڑ روپے کی زکوة اور گزارا الائونس جاری کر دیا ۔تفصیلات کے مطابق 1لاکھ 57 ہزار مستحقین کو فی کس 24 ہزار روپے گزارا الائونس فراہم کیا جائے گا۔(جاری ہے)
6 ہزار 700 نابینا افراد بھی اس امدادی رقم سے مستفید ہوں گے اورانہیں بھی فی کس 24 ہزار روپے دیے جائیں گے۔ محکمہ زکو نے سسٹم میں شفافیت یقینی بنانے کے لیے شکایات کے اندراج کے لیے واٹس ایپ ہیلپ لائن 0326-9771000 جاری کی ہے۔سیکریٹری زکو عرفان سندھو خود شکایات سنیں گے اور ان پر براہ راست کارروائی کی جائے گی۔
ٹرمپ کی پوٹن کو جنگ بندی پر راضی کرنے کی ’آخری‘ کوشش