عید سے قبل پنجاب میں مہنگائی کا جن پھر سے بے قابو
اشاعت کی تاریخ: 15th, May 2025 GMT
لاہور(اُردو پوائنٹ اخبارتازہ ترین۔ 15 مئی2025ء) عید سے قبل پنجاب میں مہنگائی کا جن پھر سے بے قابو، چکن کی قیمت 700 روپے ہو گئی، چینی بھی مزید مہنگی کر دی گئی۔ تفصیلات کے مطابق لاہور سمیت پنجاب بھر میں عید الاضحٰی کی آمد سے قبل زندہ چکن اور مرغی کے گوشت کی قیمتوں کو پر لگ گئے ہیں۔ پرچون سطح پر زندہ برائلر مرغی کی قیمت مزید3روپے اضافے سے 411روپے فی کلو جبکہ فارمی انڈوں کی قیمت مزید ایک روپے اضافے سے 281روپے فی درجن کی سطح پر پہنچ گئی ۔
اوپن مارکیٹ میں مختلف مقامات میں برائلر گوشت کی مختلف قیمتیں وصول کی جارہی ہیں ۔ شہر کے مختلف مقامات پر برائلر گوشت 680سے 700روپے کلو فروخت کیا جارہا ہے ۔ دوسری جانب لاہور سمیت صوبے بھر میں چینی کی قیمت میں بھی بڑا اضافہ کر دیا گیا۔(جاری ہے)
صوبائی دارالحکومت لاہور میں چینی کی قیمتوں میں ایک بار پھر اضافہ دیکھنے میں آیا ہے جس پرکریانہ ایسوسی ایشن نے شوگر ملز اور بیورو کریسی کو اس کا ذمہ دار قرار دیدیا۔
اوپن مارکیٹ میں چینی کی قیمت 164 روپے فی کلو سے بڑھ کر 175 روپے فی کلو تک جا پہنچی ہے۔مرکزی کریانہ ایسوسی ایشن نے اس صورتحال کی ذمہ داری براہِ راست شوگر ملز مالکان اور متعلقہ بیوروکریسی پر عائد کرتے ہوئے کہا ہے کہ فروری میں چینی کی قیمت 125 روپے فی کلو تھی لیکن ایکسپورٹ کی اجازت ملنے کے بعد قیمتوں کو پر لگ گئے۔ایسوسی ایشن کی جانب سے کہا گیا ہے کہ حکومت نے زائد اسٹاک نہ ہونے کے باوجود چینی کی برآمد کی اجازت دی جس کا فائدہ صرف مخصوص عناصر نے اٹھایا۔ شوگر ملز مالکان بلاجواز ہمیں قیمتوں میں اضافے کا ذمہ دار قرار دے رہے ہیں جبکہ اصل کنٹرول اور ذخائر کا اختیار انہی کے پاس ہے۔.
ذریعہ: UrduPoint
کلیدی لفظ: تلاش کیجئے میں چینی کی قیمت روپے فی کلو
پڑھیں:
مختلف شہروں میں چینی کی قیمتیں مزید بڑھ گئیں
مختلف شہروں میں چینی کی قیمتوں میں اضافہ ہو گیا ہے۔حیدرآباد میں گزشتہ دو روز کے دوران ہول سیل مارکیٹ میں چینی کی فی کلو قیمت میں 2 روپے کا اضافہ ہوا۔فی کلو قیمت 178 روپے سے بڑھ کر 180 روپے تک جا پہنچی۔حیدر آباد میں ریٹیل مارکیٹ میں چینی کی فی کلو قیمت میں 5 روپے اضافہ ہوا ہے. چینی کی فی کلو قیمت 185 سے بڑھ کر 190 روپے ہوگئی ہے۔فیصل آباد میں میں چینی کی قیمت میں اضافے کا رجحان جاری ہے.ہول سیل میں چینی کی پچاس کلو بوری کی قیمت دس ہزار روپے تک پہنچ گئی ہے.مختلف علاقوں میں دکاندار 190اور 200 روپے کلو چینی فروخت کر رہے ہیں، انتظامیہ کی طرف سے چینی کی مقررہ سرکاری قیمت 179 روپے ہے۔کوئٹہ کی ہول سیل مارکیٹ میں چینی 205 روپے فی کلو فروخت ہو رہی ہے.دکانوں پر چینی 210 سے 215 روپے فی کلو کے درمیان فروخت کی جا رہی ہے۔ مارکیٹ ذرائع کے مطابق گزشتہ ہفتے چینی 190 روپے فی کلو دستیاب تھی، کوئٹہ ہول سیل مارکیٹ میں 50 کلو چینی کے تھیلے کی قیمت 10,100 روپے تک پہنچ گئی ہے۔ملتان میں پرچون سطح پر چینی تاحال مہنگی فروخت ہو رہی ہے، چند روز کے دوران چینی کی فی کلو گرام قیمت میں 10 سے 15 روپے کا اضافہ ہوا ہے، چینی کا سرکاری ریٹ 172 روپے فی کلو مقرر ہے جبکہ چینی 180 سے 190 روپے فی کلو فروخت ہو رہی ہے۔ غلہ منڈی میں 50 کلو چینی کا تھیلا 8650 روپے میں فروخت ہو رہا ہے۔دوسری جانب پشاور میں چینی کی قیمت میں کمی آئی ہے، ڈیلرز کے مطابق پرچون میں فی کلو چینی 180 روپے میں فروخت کی جا رہی ہے، دو روز قبل پرچون میں فی کلو چینی کی قیمت 184 روپے تھی۔
سندھ طاس معاہدہ؛ پاکستان نے عالمی ثالثی عدالت کے فیصلے کا نوٹس لے لیا