وزیراعظم رائیونڈ پہنچ گئے، پارٹی قائد نوازشریف سے ملاقات کرینگے
اشاعت کی تاریخ: 17th, May 2025 GMT
لاہور( ڈیلی پاکستان آن لائن ) وزیراعظم شہبازشریف رائیونڈ پہنچ گئے۔
نجی ٹی وی دنیا نیوز نے ذرائع کے حوالے سے بتایا کہ شہبازشریف مسلم لیگ ن کے صدر نوازشریف سے اہم ملاقات کریں گے، ملاقات میں اہم سیاسی، خارجی امور پر بریفنگ دی جائے گی۔
ذرائع کا مزید کہنا تھا کہ ملاقات میں وزیراعلیٰ پنجاب مریم نوازشریف اور پارٹی کے دیگر رہنما بھی موجود ہوں گے۔
ذریعہ
ذریعہ: Daily Pakistan
پڑھیں:
بانی سے ملاقات نہ ہوئی تو وفاقی بجٹ پاس نہیں ہونے دیں گے: سہیل آفریدی
راولپنڈی (اپنے سٹاف رپورٹر سے) وزیراعلیٰ خیبر پی کے محمد سہیل آفریدی نے اپنی اور صوبائی مشیر خزانہ کی بانی چیئرمین پاکستان تحریک انصاف سے ملاقات کرانے کا مطالبہ کرتے ہوئے کہا ہے کہ بانی سے بجٹ پر رہنمائی حاصل کرنا ضروری‘ اس کے لیے اسلام آباد ہائیکورٹ سے بھی رجوع کیا جائے گا۔ علیمہ خان کے ساتھ اڈیالہ جیل کے باہر گفتگو کرتے ہوئے وزیراعلیٰ نے کہا کہ ہمیں مزید دیوار سے لگانے کی کوشش اور ملاقات کا حق نہ دیا گیا تو 10 جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیا جائے گا۔ انہوں نے کہا کہ خیبر پی کے میں حکومت عمران خان کی ہے، اسے ان کے سوا کوئی ختم نہیں کر سکتا۔ انہوں نے مزید کہا کہ حکومت کے پاس نہ موثر داخلہ پالیسی ہے اور نہ ہی خارجہ پالیسی۔ آنے والا وفاقی بجٹ عوام پر ایک معاشی ایٹم بم ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ