ہمالیہ کے گلیشیئروں کا پگھلاؤ انتہائی تشویشناک، یو این چیف
اشاعت کی تاریخ: 17th, May 2025 GMT
اسلام آباد (اُردو پوائنٹ ۔ UN اردو۔ 17 مئی 2025ء) اقوام متحدہ کے سیکرٹری جنرل انتونیو گوتیرش نے خبردار کیا ہے کہ ہمالیہ کے گلیشیئر تیزی سے پگھل رہے ہیں اور عالمی حدت میں ریکارڈ اضافے سے اس پگھلاؤ کی شدت بھی غیرمعمولی طور پر بڑھ رہی ہے جسے روکنے اور ماحولیاتی تباہی سے بچنے کے لیے ہنگامی اقدامات ناگزیر ہیں۔
انہوں نے نیپال کے دارالحکومت کٹھمنڈو میں منعقدہ ساگر ماتھا سمباد (ایورسٹ ڈائیلاگ) کے لیے اپنے ویڈیو پیغام میں کہا ہے کہ ہمالیائی خطے کے صدیوں پرانے گلیشیئر تازہ پانی کے بہت اہم ذخیرے ہیں۔
ان کے تیزرفتار پگھلاؤ سے ناصرف مقامی آبادیوں بلکہ میدانی علاقوں کے لوگوں کو بھی خطرات لاحق ہیں جن کا انحصار ان پہاڑوں سے آنے والے دریاؤں پر ہے۔'ساگرماتھا سمباد' وزرا، ارکان پارلیمان، موسمیاتی ماہرین اور سول سوسائٹی کے لوگوں کا بین الاقوامی پلیٹ فارم ہے جس کے ذریعے موسمیاتی تبدیلی سے نمٹنے، پہاڑوں کے ماحولیاتی نظام کے تحفظ اور موسمی استحکام کے لیے کام کیا جاتا ہے۔
(جاری ہے)
2 ارب لوگوں کو خطرہسیکرٹری جنرل نے کہا کہ دریائے گنگا، برہما پترا اور سندھ میں پانی کا بہاؤ محدود ہونے سے ناصرف آبی مسئلہ جنم لے رہا ہے بلکہ پورے جنوبی ایشیا میں تقریباً دو ارب لوگوں کے لیے خوراک کی پیداوار بھی خطرے میں ہے۔
تازہ پانی میں چڑھتے سمندر کے کھاری پانی کی آمیزش سے دریائی ڈیلٹا ختم ہونے اور بڑے پیمانے پر نقل مکانی کا خطرہ پیدا ہو سکتا ہے۔
ایسا ہوا تو نشیبی خطوں میں واقع ممالک اور ایسی جگہوں پر رہنے والے لوگ ہمیشہ کے لیے ختم ہو جائیں گے۔انہوں نے کہا کہ نیپال گزشتہ تین دہائیوں میں اپنی ایک تہائی برف کھو چکا ہے اور گزشتہ 10 برس میں اس کے گلیشیئر پچھلی دہائی کے مقابلے میں 65 فیصد زیادہ تیزی سے پگھلے ہیں۔
انتونیو گوتیرش نے اپنے پیغام میں دنیا سے ایک مرتبہ پھر یہ مطالبہ کیا کہ وہ معدنی ایندھن کے استعمال اور اس سے خارج ہونے والی عالمی حدت میں اضافے پر قابو پائے۔ قبل ازیں 2023 میں ایورسٹ خطے میں اپنے دورے کے موقع پر بھی انہوں نے یہی انتباہ کیا تھا۔ سیکرٹری جنرل نے اُس وقت ہمالیہ کے گلیشیائی طاس میں کھڑے ہو کر خبردار کیا کہ 'دنیا کی چھت' تیزی سے منہدم ہو رہی ہے۔
انہوں نے نیپال میں موسمیاتی اقدامات کے رہنماؤں کو سراہتے ہوئے ملک میں جنگلات کا رقبہ بڑھانے، قدرتی آفات سے بروقت آگاہی دینے کے پروگرام شروع کرنے اور 2045 تک گرین ہاؤس گیسوں کا اخراج نیٹ زیرو پر لانے کے لیے اٹھائے جانے والے اقدامات کو قبل تعریف قرار دیا ہے۔
بڑی معیشتوں کی ذمہ داریسیکرٹری جنرل نے کہا ہے کہ دنیا کو عالمی حدت میں اضافہ 1.
اس معاہدے کے تحت سب سے بڑی مقدار میں گرین ہاؤس گیسیں خارج کرنے والی معیشتوں پر عالمی حدت میں کمی لانے کے حوالے سے بڑی ذمہ داریاں عائد کی گئی ہیں۔ ان میں قابل تجدید توانائی پر سرمایہ کاری، کاپ 29 میں طے شدہ 1.3 ٹریلین ڈالر کے موسمیاتی مالیاتی ہدف کا حصول، ترقی یافتہ ممالک کے وعدے کے تحت رواں سال موسمیاتی تبدیلی سے مطابقت پیدا کرنے کے اقدامات کے لیے مالی وسائل کو 40 ارب ڈالر تک بڑھانا اور موسمیاتی نقصان و تباہی کے فنڈ کے لیے مضبوط اور پائیدار مدد مہیا کرنا شامل ہے۔
اپنے پیغام کے آخر میں انہوں نے کہا کہ ان اہداف کا حصول دلیرانہ تعاون کا تقاضا کرتا ہے اور اقوام متحدہ اس اہم کام میں اپنا بھرپور تعاون مہیا کرتا رہے گا۔
اس ڈائیلاگ سے قبل نیپال کے بچوں اور نوجوانوں نے موسمیاتی تبدیلی کے اثرات کی جانب توجہ دلانے کے لیے ایک اعلامیہ جاری کیا۔ اس میں 100 سے زیادہ نوعمر افراد نے ہنگامی بنیاد پر اور مشمولہ موسمیاتی اقدام کا مطالبہ کرتے ہوئے کہا کہ انہیں اس مسئلے کے محض غیرفعال متاثرین کے بجائے حقوق کے حامل اور موسمیاتی مسئلے سے نمٹنے کے اہم کردار سمجھا جائے۔
اعلامیے میں مطالبہ کیا گیا ہے کہ موسمیاتی تبدیلی سے نمٹنے کی حکمت عملی میں بچوں کی شرکت کو یقینی بنایا جائے، اس مسئلے پر نوجوانوں کے زیرقیادت پروگراموں کو مدد دی جائے اور ان کی اختراعات اور موسمیاتی اقدامات کو فروغ ملنا چاہیے۔
نیپال میں اقوام متحدہ کے ادارہ برائے اطفال (یونیسف) کی نمائندہ ایلیس اکونگا نے کہا ہے کہ موسمیاتی بحران بچوں کے حقوق کا بحران بھی ہے کیونکہ اس سے ان کی صحت، غذائیت، تعلیم اور بہبود غیرمتناسب طور سے متاثر ہو رہی ہے۔
بچوں اور نوجوانوں پر موسمیاتی تبدیلی کے منفی اثرات سے نمٹنے کے لیے بامعنی اور پائیدار طریقے وضع کرنے کے عمل میں ان کی بات سننا لازم ہے۔
ذریعہ: UrduPoint
کلیدی لفظ: تلاش کیجئے موسمیاتی تبدیلی عالمی حدت میں انہوں نے کہا کہ رہی ہے کے لیے نے کہا
پڑھیں:
سیلاب سے متاثرہ علاقوں میں واٹرسپلائی کیلیے اقدامات کیے جارہے ہیں
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)پلاننگ اینڈ ڈویلپمنٹ ڈپارٹمنٹ حکومت سندھ کی جانب سے سیلاب متاثرہ علاقوں میں تباہ شدہ واٹر سپلائی اور ڈرینج کی سسٹم کی بحالی کیلئے سندھ فیلڈ ایمرجنسی ری ہیبلیٹیسن پروجیکٹ کے تحت اقدامات کئے جارہے ہیں ، دو مراحل پر مشتمل اس منصوبے میں مجموعی طورپر 400سے زائد واٹر سپلائی اور ڈرینج اسکیموں کی مرمت و بحالی شامل ہے جس سے صوبے کے مختلف اضلاع میں تین ملین سے زائد آبادی کو صاف اور محفوظ پینے کے پانی کی فراہمی ممکن ہوسکے گی، پہلے مرحلے میں بدین، عمرکوٹ، شہید بینظیر آباد، میرپورخاص اور سانگھڑ سمیت دیگر اضلاع میں کل 114 پانی کی فراہمی اور 23ڈرینج اسکیموں کی بحالی کی جارہی ہے جس سے تقریباً 10 لاکھ 27ہزار افراد براہ راست مستفید ہوں گے، یہ اسکیمیں نان ایمرجنسی رسپانس اسٹرکچر کے تحت مکمل کی جارہی ہیں جبکہ دوسرے مرحلے میں جیکب آباد، قمبرشہدادکوٹ، دادو، جامشورو، نوشہروفیروز، خیرپور اور دیگر سیلاب زدہ علاقوں میں 264 واٹر سپلائی اور 133 ڈرینج اسکیموں کی اپ گریڈیشن شامل ہیں، یہ منصوبے ایمرجنسی رسپانس اسٹرکچر کے طورپر قائم کئے گئے ہیں جن سے تقریباً 19لاکھ 90 ہزار افراد استفادہ کریں گے۔ الٹرافلٹریشن سسٹم اور بائیو کلورنٹیر کی مدد سے صاف اور محفوظ پینے کا پانی فراہم کیا جارہا ہے ، بعض علاقوں میں سولر سسٹم بھی نصب کئے گئے ہیں تاکہ بجلی کی عدم دستیابی کی صورت میں پانی کی فراہمی متاثر نہ ہوسکے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن