تحسین سکینہ کو عابدہ پروین کے پاؤں چھونے پر تنقید کا سامنا
اشاعت کی تاریخ: 20th, May 2025 GMT
معروف صوفی گلوکارہ تحسین سکینہ کو حال ہی میں عالمی شہرت یافتہ لیجنڈری گلوکارہ عابدہ پروین کے پاؤں چھونے پر سوشل میڈیا صارفین کی تنقید کا سامنا کرنا پڑ رہا ہے۔عابدہ پروین پاکستان کی لیجنڈ صوفی گلوکارہ ہیں جنہیں ’سروں کی ملکہ‘ بھی کہا جاتا ہے۔ انہوں نے اپنی پوری زندگی صوفی موسیقی کے لیے وقف کر دی ہے۔ان کے مشہور کلام میں ’یار کو ہم نے جا بجا دیکھا‘، ’تو جھوم‘ اور ’من کن تو مولا‘ شامل ہیں۔ دنیا بھر میں اُن کے چاہنے والوں کی ایک بڑی تعداد موجود ہے جو ان کی روحانیت، سادگی اور فنی عظمت کو سراہتی ہے اور اکثر انہیں روحانی استاد بھی قرار دیا جاتا ہے۔تاہم حال ہی میں، سوشل میڈیا پر ایک وائرل ویڈیو میں گلوکارہ تحسین سکینہ کو عابدہ پروین سے عاجزی کے ساتھ پاؤں چھونے کی اجازت مانگتے دیکھا گیا۔ ویڈیو میں وہ کہتی ہیں کہ ’براہِ کرم مجھے صرف ایک بار اپنے پاؤں چھونے کی اجازت دے دیں، یہ میری عاجزانہ درخواست ہے۔‘اجازت ملنے پر تحسین سکینہ نے جھک کر عابدہ پروین کے پاؤں چھوئے، جس کے بعد عابدہ پروین نے انہیں گلے لگا کر دعائیں اور نیک تمنائیں دیں اور کہا کہ ’خوش رہو۔‘یہ واقعہ سوشل میڈیا پر خاصی توجہ حاصل کر چکا ہے، صارفین کو تحسین سکینہ کا یہ عمل پسند نہیں آرہا اور وہ اس پر ناپسندیدگی کا اظہار بھی کر رہے ہیں۔ایک صارف نے تبصرہ کیا کہ ’جھکنا صرف اللہ کے لیے ہے، انسان کے آگے جھکنا شرک کے زمرے میں آتا ہے۔ایک اور صارف نے لکھا کہ ’اس میں کوئی شک نہیں کہ عابدہ پروین ایک عظیم فنکارہ ہیں، لیکن پاؤں چھونے کا عمل کسی طور قابلِ قبول نہیں۔واضح رہے کہ تحسین سکینہ پاکستان کی ابھرتی ہوئی صوفی گلوکارہ ہیں جنہیں ان کی روح پرور آواز کی وجہ سے ’جونیئر عابدہ پروین‘ بھی کہا جاتا ہے۔ ان کے مشہور کلام میں جانم، ڈھولا، سخی لالن سرکار اور دیگر شامل ہیں۔
ذریعہ: Nawaiwaqt
کلیدی لفظ: عابدہ پروین تحسین سکینہ
پڑھیں:
پی ٹی وی کو شدید مالی بحران کا سامنا، 11 ارب روپے کا بجٹ ناکافی ہوگیا
اسلام آباد میں منگل کے روز قومی اسمبلی کی قائمہ کمیٹی برائے اطلاعات و نشریات کا اجلاس پی ٹی وی ہیڈکوارٹرز میں چیئرپرسن پلّین بلوچ کی زیرِ صدارت منعقد ہوا۔
اجلاس میں سیکریٹری اطلاعات امبرین جان نے کمیٹی کو بتایا کہ پاکستان ٹیلی وژن کارپوریشن (پی ٹی وی) کو دیے گئے 11 ارب روپے کے بجٹ سے ادارے کی تنخواہوں اور پنشن کی ضروریات پوری نہیں ہو سکتیں۔
پی ٹی وی مالی بحران کا شکار، اضافی فنڈز کی درخواست مستردسیکریٹری اطلاعات نے بتایا کہ وزارت کی جانب سے اضافی فنڈز کی درخواست تاحال وزارتِ خزانہ نے منظور نہیں کی۔
انہوں نے بتایا کہ وزیراعظم شہباز شریف نے سینیٹر رانا ثناءاللہ کی سربراہی میں ایک خصوصی کمیٹی قائم کی ہے جو پی ٹی وی کی مالی ضروریات کا جائزہ لے کر اضافی فنڈز کی سفارش کرے گی۔
امبرین جان نے مزید کہا کہ پی ٹی وی ڈیجیٹلائزیشن کے مرحلے سے گزر رہا ہے اور ادارے کو مالی طور پر خود کفیل بنانے کے لیے جامع بزنس پلان تیار کیا جا رہا ہے۔ تاہم مالی سال کی آخری سہ ماہی میں آمدنی میں کمی کا خدشہ ہے جس کے باعث دوبارہ اضافی فنڈز کی درخواست کی جائے گی۔
غیر ضروری بھرتیوں اور تنخواہوں میں تفاوت پر تشویشرکنِ قومی اسمبلی سحر کامران نے پی ٹی وی میں غیر ضروری بھرتیوں، تنخواہوں میں تفاوت، پنشن کی عدم ادائیگی اور احتساب کے فقدان پر سخت تشویش ظاہر کی۔
انہوں نے کہا کہ گزشتہ تین برسوں میں 572 نئی بھرتیاں کی گئیں، جن میں سے کچھ ستمبر 2025 میں کی گئیں، حالانکہ ادارہ خسارے میں ہے۔
یہ بھی پڑھیں:سندھ کے وزیر ثقافت کا پی ٹی وی اینکر کے خلاف سخت کارروائی کا مطالبہ
سحر کامران نے سوال اٹھایا کہ ایک ایسا ادارہ جو حکومتی فنڈز پر انحصار کر رہا ہے، وہاں اس قدر بھرتیاں کیوں کی جا رہی ہیں؟
انہوں نے پی ٹی وی کے بھرتی کے عمل اور تنخواہی ڈھانچے کا تفصیلی جائزہ لینے کی سفارش کی۔
183 انکوائریاں زیرِ التوا، شفاف بھرتیوں کا دعویٰسیکریٹری اطلاعات امبرین جان نے بتایا کہ گزشتہ تین سال کے دوران 183 انکوائریاں شروع کی گئیں جن میں سے کچھ ابھی تک مکمل نہیں ہوئیں۔
انہوں نے کہا کہ ادارے میں جدید پیشہ ورانہ طریقہ کار اپنایا جا رہا ہے اور شفاف بھرتی کا عمل یقینی بنایا گیا ہے۔
اسرائیلی پارلیمنٹ کی لائیو نشریات پر کمیٹی کا اظہارِ برہمیاجلاس میں پی ٹی وی پر اسرائیلی پارلیمنٹ کے اجلاس اور امریکی صدر ڈونلڈ ٹرمپ کے خطاب کی لائیو نشریات پر بھی سخت برہمی کا اظہار کیا گیا۔
سحر کامران نے کہا کہ ایسی نشریات میں قومی مفاد اور حساسیت کو ملحوظ رکھنا ضروری ہے، خاص طور پر جب اسکرین پر اسرائیلی پرچم نمایاں ہو۔
پی ٹی وی کراچی کے منصوبوں کا جائزہ لینے کیلئے ذیلی کمیٹی تشکیلکمیٹی چیئرپرسن پلّین بلوچ نے امین الحق اور سحر کامران پر مشتمل ایک ذیلی کمیٹی تشکیل دی جو پی ٹی وی کراچی کے جاری منصوبوں کا جائزہ لے گی۔
کمیٹی ارکان نے بعد ازاں پی ٹی وی ہیڈکوارٹرز کا دورہ کیا اور نیوز و پروڈکشن ڈیپارٹمنٹس کی سہولیات کو سراہا۔
نئے چیئرمین پیمرا کی تقرری کا عمل شروعسیکریٹری اطلاعات نے بتایا کہ پیمرا (PEMRA) کے نئے چیئرمین کی تقرری کا عمل شروع ہو چکا ہے۔
یہ بھی پڑھیں:وزیراعظم محمد شہباز شریف نے پی ٹی وی کے انگریزی چینل ’پاکستان ٹی وی ڈیجیٹل‘ کا افتتاح کردیا
انہوں نے کہا کہ اشتہار کے بعد پانچ امیدواروں کو شارٹ لسٹ کیا جائے گا، اور حتمی تقرری قومی اسمبلی اور سینیٹ کمیٹیوں کی منظوری سے عمل میں آئے گی۔
صحافیوں کے تحفظ سے متعلق بل مؤخراجلاس میں ایم این اے شازیہ مری کی غیر حاضری کے باعث ’تحفظِ صحافی و میڈیا پروفیشنلز (ترمیمی) بل 2025‘ پر غور ملتوی کر دیا گیا۔
اجلاس میں کیرن عمران در، آسیہ ناز تنولی، رومینہ خورشید عالم، کیرن حیدر، شاہین، صلاح الدین جنیجو اور دیگر اراکین نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امین الحق پاکستان ٹیلی وژن پلّین بلوچ پی ٹی وی تنخواہیں سحر کامران عطا تارڑ
غزہ امن معاہدے کی تفصیلات سامنے آگئیں؛ حماس رہنما کا اہم انکشاف