رقمی، پاکستان کا پہلا ڈیجیٹل اسلامک ریٹیل بینک بن گیا
اشاعت کی تاریخ: 21st, May 2025 GMT
کراچی (اُردو پوائنٹ اخبارتازہ ترین۔ 21 مئی2025ء) اسٹیٹ بینک آف پاکستان کی جانب سے رقمی اسلامک ڈیجیٹل بینک لمیٹڈ کو ڈیجیٹل بینکوں کے لائسنسنگ اور ریگولیٹری فریم ورک کے تحت پائلٹ آپریشنز شروع کرنے کے لیے محدود بینکاری لائسنس جاری کر دیا گیا ۔ یہ منظوری رقمی کے سفر میں ایک اہم سنگ میل ہے، جس کا مقصد پاکستان کا پہلا مکمل شریعت کے مطابق ڈیجیٹل ریٹیل بینک بنانا ہے، جو صارفین کی مالی ضروریات کو مدِنظر رکھتے ہوئے ان کے لیے ایک آسان، حقیقی ، اور جامع بینکاری کا تجربہ فراہم کرے گا۔
اسٹیٹ بینک آف پاکستان کا ڈیجیٹل بینکوں کا لائسنسنگ اور ریگولیٹری فریم ورک جدیدیت کو فروغ دینے، صارفین کے لیے مالی رسائی کو بہتر بنانے، اور محفوظ و ذمہ دارانہ ڈیجیٹل بینکاری طریقوں کو اپنانے کے لیے متعارف کرایا گیا ہے۔
(جاری ہے)
یہ فریم ورک مرحلہ وار لائسنسنگ کا طریقہ کار فراہم کرتا ہے، جس کے بعد مکمل کمرشل آپریشنز شروع کیے جائیں گے۔
پائلٹ لائسنس کے حصول سے قبل، رقمی نے اسٹیٹ بینک کو اپنی آپریشنل تیاری، مضبوط ٹیکنالوجی اور انفارمیشن سیکیورٹی ڈھانچے، مؤثر رسک مینجمنٹ سسٹمز، اور شرعی اصول و ضوابط کی مکمل پاسداری کا ثبوت فراہم کیا۔ محدود پائلٹ لائسنس کا اجرا ایک اہم مرحلے کا آغاز ہے، جس کاہدف یہ ہے کہ رقمی کے مکمل نظام کی ایک محفوظ اور باضابطہ ماحول میں توثیق کی جائے ۔
رقمی بینک کے بورڈ آف ڈائریکٹرز کے چیئرمین عبداللہ المطیری نے کہا کہ "عالمی فِن ٹیک اور ڈیجیٹل بینکاری کی مارکیٹ تیزی سے ترقی کر رہی ہے اور صارفین کی ڈیجیٹل مالی خدمات کی بڑھتی ہوئی طلب اس کی بنیاد ہے۔ رقمی، پاکستان میں بینکاری کو اسلامی اصولوں کے مطابق جدید ڈیجیٹل اختراعات کے ذریعے تبدیل کرنے کے عزم کے ساتھ، اسی ویژن کو لے کر آگے بڑھ رہا ہے۔ میں بورڈ کی جانب سے اعلیٰ معیار کے مطابق مالی دیانت اور بہترین سروس کے عزم کا اعادہ کرتا ہوں اور اسٹیٹ بینک کا شکریہ ادا کرتا ہوں کہ اس نے ہمارے ویژن، اصولوں کی مطابقت اور پیشہ وارانہ صلاحیتوں پر اعتماد کیا۔ میں رقمی کی ٹیم اور اس کامیابی میں حصہ لینے والے تمام افراد کا شکریہ ادا کرتا ہوں۔"
رقمی بینک کے چیف ایگزیکٹو آفیسر عمیر اعجاز نے کہا کہ"آج کا دن صرف ایک ریگولیٹری سنگ میل نہیں بلکہ پاکستان کے مالیاتی سفر میں ایک نئے دور کا آغاز ہے۔ اسٹیٹ بینک کی محدود بینکاری کی منظوری کے ساتھ، رقمی اپنے سفر میں ایک اہم قدم آگے بڑھا رہا ہے تاکہ پاکستان کا پہلا مکمل شریعت کے مطابق ڈیجیٹل ریٹیل بینک بن سکے۔رقمی نے اپنی گرین فیلڈ حیثیت سے فائدہ اٹھاتے ہوئے ایک ایسا مضبوط ڈھانچہ تیار کیا ہے جو پاکستان میں مالیاتی خدمات کے تجربے کو نئے سرے سے تشکیل دیتا ہے جہاں ہر لین دین میں آسانی، شفافیت، اور اعتماد کو اولین حیثیت دی جاتی ہے۔ہم صرف مستقبل کی تیاری نہیں کر رہے، بلکہ شریعت کے اصولوں کی رہنمائی اور جدیدیت کے جذبے سے اسے تشکیل دے رہے ہیں ۔ ہماری کوشش ہے کہ ہم صارفین کے لیے سادہ، جامع، اور اخلاقی مالی حل فراہم کریں، جو رکاوٹوں کو ختم کریں اور ان کی ضروریات کے مطابق ڈیزائن کیے گئے ہوں۔ رقمی صرف ایک بینک نہیں، بلکہ ہر پاکستانی کے لیے مالی خودداری اور ڈیجیٹل بااختیاری کی تحریک ہے۔"
رقمی بینک کے شریعت بورڈ کے چیئرمین، ڈاکٹر مفتی محمد عمران اشرف عثمانی نے کہا کہ "ڈیجیٹل اسلامی ریٹیل بینک کے طور پر، رقمی اسلام کے اصولوں اور اقدار کی روشنی میں چل رہا ہے، اس بات کو یقینی بناتے ہوئے کہ اس کی تمام پیشکش سود سے پاک، منصفانہ، اخلاقی، اور اثاثہ جات پر مبنی ہوں، جو مکمل طور پر شریعت کے مطابق ہوں۔ شریعہ بورڈ ابتدا سے ہی رقمی کے ساتھ پوری طرح مصروف عمل ہے تاکہ تمام بینکنگ مصنوعات اور خدمات اسلامی فقہ سے ہم آہنگ ہوں۔ رقمی بینک کا وجود پاکستان کے بینکاری منظرنامے میں صارفین کو مکمل طور پر سود سے پاک ڈیجیٹل مالیاتی نظام میں شرکت کا موقع فراہم کرے گا۔" مستقبل میں رقمی اوپن اے پی آئی ، بینکاری بطور سروس (Baas) اور خو دکار ذہانت سے لیس قابل توسیع اور باہمی مربوط ٹیکنالوجی جیسے پلیٹ فارمز میں سرمایہ کاری کو یقینی بنائے گا۔ یہ پلیٹ فارم فِن ٹیک کمپنیوں، ٹیلی کام آپریٹرز اور دیگر شراکت داروں کے ساتھ با آسانی انضمام کے قابل ہو گا تاکہ شریعت کے مطابق بروقت اور شخصی مالی خدمات فراہم کی جا سکیں۔اگلے پانچ سالوں میں ہمارا ہدف یہ ہے کہ شمولیت، جدیدیت، شریعت کی مکمل پاسداری، اور سہولت کے اصولوں پر کاربند رہتے ہوئے پاکستان کی بینکاری صنعت کی کایا پلٹ دیں۔
رقمی کو پاکستان کویت انویسٹمنٹ کمپنی (پرائیویٹ) لمیٹڈ جو کہ پاکستان اور کویت کی حکومتوں کے درمیان مشترکہ منصوبہ ہے اور انرٹیک ہولڈنگ کمپنی کے ایس سی جو کویت انویسٹمنٹ اتھارٹی کا ذیلی ادارہ ہے کی حمایت حاصل ہے۔ یہ اسٹریٹجک شیئر ہولڈنگ رقمی کی مضبوط ادارہ جاتی بنیاد کی عکاس ہے اور اس کے ساتھ پاکستان کی ڈیجیٹل معیشت اور بنکاری خدمات سے محروم اور کم مراعات یافتہ طبقات کی مدد کے عزم کو ظاہر کرتی ہے، جو اسٹیٹ بینک آف پاکستان کے ویژن سے ہم آہنگ ہے۔,.
ذریعہ
ذریعہ: UrduPoint
کلیدی لفظ: تلاش کیجئے شریعت کے مطابق ڈیجیٹل بینک اسٹیٹ بینک پاکستان کا ریٹیل بینک بینک کے کے ساتھ کے لیے
پڑھیں:
پاکستان کے دفاع، سیکیورٹی کے شعبے میں ٹیکنالوجی کا استعمال قابل فخر ہے، وزیراعظم
لاہور(ڈیلی پاکستان آن لائن)وزیراعظم محمد شہباز شریف نے ملکی خودمختاری کے تحفظ اور دفاع کو مضبوط بنانے کے لئے جدید ٹیکنالوجی کے استعمال کے عزم کا اعادہ کرتے ہوئے روبوٹکس اور اٹانومس سسٹمز کی ترقی کے لئے سپارک اینڈ ایلیویٹ پروگرام کے آغاز اور 20 ملین ڈالر کا پاکستان وینچر فنڈ قائم کرنے کا اعلان کیا اور کہا ہے کہ پاکستان نے دفاع اور سیکیورٹی کے شعبے میں ملکی صلاحیتیں بڑھانے میں نمایاں کامیابیاں حاصل کی ہیں اور سلامتی کے شعبے میں ٹیکنالوجی کا استعمال قابل فخر ہے۔
اسلام آباد میں انڈس راس روبوٹکس اینڈ اٹانومس سسٹمز ایکسپو 2026 کی افتتاحی تقریب سے خطاب کرتے ہوئے وزیراعظم شہباز شریف نے کہا کہ انڈس راس روبوٹکس اینڈ اٹانومس سسٹمز ایکسپو سے ٹیکنالوجی کے شعبے میں صف اول کا کردار ادا کرنے کے حوالے سے پاکستان کے عزم کی عکاسی ہوتی ہے، یہ نمائش اور اس طرح کے اقدامات پاکستان کو 21ویں صدی کی جدید ٹیکنالوجی میں صف اول کا ملک بنائیں گے۔ وزیراعظم نے کہا کہ رواں سال کے اوائل میں پاکستان نے انڈس اے آئی سمٹ کی بھی میزبانی کی، جس سے مصنوعی ذہانت کے دور میں پاکستان کے سفر کو آگے بڑھانے کے لیےحکومتی نمائندوں، ٹیکنالوجی لیڈرز اور محققین کاروباری افراد کو مل بیٹھنے کا موقع ملا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ آج انڈس راس ایکسپو سے اس وژن کو عملی شکل دینے کا موقع حاصل ہوا ہے کہ کس طرح جدت کو فعال سلوشنز میں تبدیل کریں، روبوٹکس اور ڈرونز کی جدت سے معیشت مضبوط سلامتی بہتر اور عوام کی زندگی آسان ہوگی، اس جہت نے اکیڈیمیا، انڈسٹری، اسٹارٹ اپس اور پالیسی سازوں کو ایک پلیٹ فارم پر جمع کیا ہے۔وزیراعظم نے کہا کہ میرے بچپن میں ٹیکنالوجی کی جدت بلیک اینڈ وائٹ ٹیلی ویژن کی آمد تھی اور خاندان کے تمام افراد’’اچے برج لاہور دے‘‘ جیسی پاکستان ٹیلی ویژن کی کلاسک نشریات کو مل کر دیکھتے تھے لیکن آج دنیا ٹیکنالوجی کے میدان میں بہت آگے بڑھ گئی ہے اور ہم تاریخ کے ایک غیر معمولی دور میں ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
ان کا کہنا تھا کہ زرعی پیداوار کے لیے پانی اور دیگر بنیادی عوامل کی ضرورت، موسمیاتی تبدیلی اور دیگر چیلنجوں سے نمٹنے کے لیے جدید ٹیکنالوجی کا استعمال انتہائی اہمیت کا حامل ہے، آج ٹیکنالوجی کی جدید شکل ہمارے سامنے موجود ہے، آج مشینیں محسوس کر کے تیزی سے فیصلے اور ان پر عمل درآمد کرتی ہیں جو کبھی خواب لگتا تھا آج حقیقت بن کر ہمارے سامنے موجود ہے۔انہوں نے کہا کہ فخریہ طور پر کہتا ہوں کہ پاکستان نے دفاع اور سیکیورٹی کے شعبے میں ملکی صلاحیتیں بڑھانے میں نمایاں کامیابیاں حاصل کی ہیں، سلامتی کے شعبے میں ٹیکنالوجی کا استعمال قابل فخر ہے، فیلڈ مارشل عاصم منیر کی قیادت میں مسلح افواج نے جدید ٹیکنالوجی اپنائی، سیمولیٹرز 100 فیصد پاکستان میں تیار ہو رہے ہیں، ڈرونز کی 60 فیصد سے زائد مقامی تیاری حاصل کر لی گئی ہے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
وزیراعظم نے کہا کہ معرکہ حق میں مسلح افواج نے جدید آٹونومس سسٹمز اور سائبر سیکیورٹی کے ذریعے سرحدوں کا دفاع کیا، معرکہ حق میں فیلڈ مارشل کی سربراہی میں ایئر چیف مارشل ظہیر احمد بابر اور نیول چیف ایڈمرل نوید اشرف کی معاونت شان دار رہی اور ہماری مسلح افواج نے ملکی خود مختاری کے تحفظ کے لیے آہنی عزم کے مظاہرے کے ساتھ ساتھ ملکی صلاحیتوں، ٹیکنالوجی کی ترقی اور اور آپریشنل مہارت کا بھی بھرپور ثبوت دیا۔ان کا کہنا تھا کہ دفاعی شعبے میں شان دار کامیابیاں مادر وطن کے قومی دفاع کا لازمی جزو ہیں، اس سے ہمارے سیکیورٹی کا نظام مضبوط ہوگا، دفاع مزید ناقابل تسخیر ہو جائے گا اور اس سے ابھرتے اور مستقبل کے خطرات سے نمٹنے کے لیے صلاحیت میں اضافہ ہوگا۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
انہوں نے کہا کہ پاکستان اپنی خودمختاری کے تحفظ اور دفاع کو مضبوط بنانے کے لیے جدید ٹیکنالوجی استعمال کرے گا، دفاع میں آٹونومس صلاحیتوں کی ترقی میں نمایاں پیش رفت ہوئی ہے۔اپنے خطاب میں انہوں نے کہا کہ ٹیکنالوجی کا انقلاب چند جدید معیشتوں، بڑی کارپوریشنز اور بڑے شہروں تک محدود نہیں رہنا چاہیے بلکہ سب کے لیے مساوی ترقی ہونی چاہیے، کسانوں کی حالت بہتر ہو، چھوٹے کاروبار فروغ پائیں،کاروبار کرنے والی خواتین کو سہولیات ملیں اور کمزور طبقات کو فائدہ پہنچے، محفوظ اور شفاف آٹونومس سسٹمز کے لیے واضح قانون سازی اور اخلاقی فریم ورک بنانا چاہیے۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی