ریلوے کنسٹرکشن پاکستان لمیٹڈ میں اربوں روپے کی کرپشن کا بڑا اسکینڈل بے نقاب, 3 سابق اعلی افسر گرفتار
اشاعت کی تاریخ: 4th, July 2025 GMT
ایف آئی اے اینٹی کرپشن سرکل اسلام آباد نے ریلوے کنسٹرکشن پاکستان لمیٹڈ میں اربوں روپے کی کرپشن کا بڑا اسکینڈل بے نقاب کیا ہے جہاں جعلی بینک گارنٹی کیس میں تین سابق اعلی افسران کو گرفتار کر لیا گیا ہے۔یہ کارروائی چیئرمین بورڈ آف ڈائریکٹرز پاکستان ریلوے کیرج فیکٹری ڈاکٹر نعیم نیازی کی درخواست پر ملزمان کے خلاف کی گئی۔ایف آئی اے کے مطابق مقدمہ الزام نمبر 37/2025 میں زیر دفعہ 109، 409، 420، 468، 471 اور انسدادِ بدعنوانی ایکٹ 1947 کی دفعہ 5(2) کے تحت جن افسران کو گرفتار کیا گیا ہے، ان میں سید نجم سعید ، سابق چیف ایگزیکٹو آفیسر، RAILCOP اسلام آباد، محمد زبیر حسین، سابق کنٹرولر فنانس اینڈ اکانٹس اور مہرالنسا ، سابق ڈائریکٹر کمرشل و مارکیٹنگ شامل ہیں۔ملزمان پر الزام ہے کہ انہوں نے ایک نجی کمپنی انڈس ویلی انڈسٹریل جنکشن (IVIJ) کے چیئرمین عرفان حمید خان ولد عبد الحمید خان کے ساتھ ملی بھگت کرتے ہوئے2023 اور 2024 کے دوران یونائیٹڈ بینک لمیٹڈ اور بینک الحبیب لمیٹڈ کی 14 جعلی بینک گارنٹیاں تیار کیں جن کی مالیت 1 ارب 16 کروڑ 73 لاکھ روپے سے زائد ہے۔یہ جعلی گارنٹیاں مختلف سرکاری ترقیاتی منصوبوں میں ٹینڈرز میں حصہ لینے کے لیے استعمال کی گئیں۔ ان گارنٹیوں کے عوض RAILCOP اسلام آباد کی جانب سے مذکورہ نجی کمپنی کو 16 کروڑ 49 لاکھ 69 ہزار 160 روپے کی غیرقانونی ادائیگی کمیشن کی مد میں کی گئی، جس سے قومی خزانے کو بھاری نقصان پہنچا۔ذرائع کے مطابق کیس کی مزید تحقیقات جاری ہیں اور مزید گرفتاریاں متوقع ہیں۔یہ اسکینڈل ایک مرتبہ پھر سرکاری اداروں میں شفافیت، نگرانی اور احتساب کے فقدان کو اجاگر کرتا ہے۔ بینکاری نظام پر بھی یہ سوال اٹھا ہے کہ آخر کس طرح بینک گارنٹی جیسے حساس مالیاتی دستاویزات جعلی طور پر منظور ہوئیں اور بروقت پکڑی کیوں نہ گئیں؟پاکستان ریلوے کے مزید سابق اور موجودہ افسران کو بھی طلبی کے نوٹس جاری کیے جا رہے ہیں۔ امکان ظاہر کیا جا رہا ہے کہ اس اسکینڈل کے تانے بانے دیگر اداروں اور بااثر حلقوں سے بھی جڑے ہو سکتے ہیں۔
.
ذریعہ
ذریعہ: Nawaiwaqt
پڑھیں:
اسٹیٹ بینک کے زرمبادلہ ذخائر میں اضافہ، مرکزی بینک کے ذخائر 17.25 ارب ڈالر سے تجاوز کر گئے
اسٹیٹ بینک آف پاکستان کے زرمبادلہ ذخائر میں گزشتہ ہفتے کے دوران اضافہ ریکارڈ کیا گیا ہے، جس کے بعد مرکزی بینک کے پاس موجود غیر ملکی زرمبادلہ کے ذخائر 17 ارب 25 کروڑ 86 لاکھ ڈالر تک پہنچ گئے ہیں۔ ماہرین نے اس پیش رفت کو ملکی مالیاتی استحکام اور بیرونی ادائیگیوں کی صلاحیت کے لیے مثبت اشارہ قرار دیا ہے۔
اسٹیٹ بینک کے ترجمان کی جانب سے جاری اعداد و شمار کے مطابق 18 جولائی کو ختم ہونے والے ہفتے کے دوران مرکزی بینک کے زرمبادلہ ذخائر میں3 کروڑ 30 لاکھ ڈالر کا اضافہ ہوا۔ ترجمان کے مطابق یہ اضافہ بیرونی ادائیگیوں کے مؤثر انتظام اور مالیاتی استحکام کے تناظر میں اہم پیش رفت ہے۔
اگرچہ اسٹیٹ بینک کے ذخائر میں اضافہ ہوا، تاہم ملک کے مجموعی زرمبادلہ ذخائر معمولی کمی کے بعد 22 ارب 66 کروڑ 96 لاکھ ڈالر کی سطح پر آ گئے ہیں۔
اعداد و شمار کے مطابق کمرشل بینکوں کے پاس موجود غیر ملکی زرمبادلہ کے ذخائر 5 ارب 41 کروڑ 10 لاکھ ڈالر ریکارڈ کیے گئے، جس کے باعث مجموعی ذخائر میں معمولی کمی دیکھنے میں آئی۔
معاشی ماہرین کا کہنا ہے کہ اسٹیٹ بینک کے ذخائر میں مسلسل اضافہ اس بات کی علامت ہے کہ پاکستان کی بیرونی ادائیگیوں کی صلاحیت بہتر ہو رہی ہے، جبکہ درآمدی بل کی ادائیگی اور روپے کے استحکام کے لیے بھی یہ مثبت پیش رفت سمجھی جا رہی ہے۔
تاہم ماہرین نے اس بات کی بھی نشاندہی کی کہ مجموعی زرمبادلہ ذخائر میں کمی ظاہر کرتی ہے کہ کمرشل بینکوں کے ذخائر میں اتار چڑھاؤ کا سلسلہ برقرار ہے، جس پر مسلسل نظر رکھنے کی ضرورت ہے۔
اقتصادی ماہرین کے مطابق اگر آنے والے ہفتوں میں ترسیلاتِ زر، بیرونی سرمایہ کاری، برآمدات اور بین الاقوامی مالی معاونت کا سلسلہ برقرار رہا تو پاکستان کے زرمبادلہ ذخائر میں مزید بہتری آنے کا امکان ہے، جس سے ملکی معیشت اور مالیاتی استحکام کو مزید تقویت مل سکتی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی