فیلڈ مارشل عاصم منیر قوم کا فخر‘ بھارت کیلئے خوف کی علامت ہیں: عظمیٰ بخاری
اشاعت کی تاریخ: 22nd, May 2025 GMT
لاہور (نوائے وقت رپورٹ+نیوز رپورٹر) وزیر اطلاعات و ثقافت پنجاب عظمیٰ بخاری نے سید عاصم منیر کو فیلڈ مارشل کے عہدے پر فائز کیے جانے کے فیصلے کا خیر مقدم کیا ہے۔ انہوں نے سپہ سالار فوج کو اس تاریخی اعزاز پر دل کی گہرائیوں سے مبارکباد پیش کی۔ انہوں نے اس امید کا اظہار کیا کہ فیلڈ مارشل عاصم منیر اپنی قیادت میں وطن عزیز کو مزید محفوظ، مستحکم اور باوقار بنائیں گے۔ صوبائی وزیر اطلاعات نے کہا سید عاصم منیر کی قیادت میں افواج پاکستان کو تاریخی فتح حاصل ہوئی۔ فیلڈ مارشل عاصم منیر آج پاکستانی قوم کیلئے فخر اور دشمنان وطن خصوصاً بھارت کیلئے خوف کی علامت بن چکے ہیں۔ وزیر اطلاعات پنجاب نے کہا بھارت کو عسکری، سفارتی میدان میں شکست دینا فوج کے سپہ سالار کا ایک عظیم کارنامہ ہے۔ ہماری آنے والی نسلیں بھی اس غیرمعمولی کامیابی کو ہمیشہ یاد رکھیں گی۔ انہوں نے کہا سید عاصم منیر کی قائدانہ صلاحیتوں کی بدولت پاکستان کی بری، بحری اور فضائی افواج دنیا کی طاقتور ترین فورسز کی صف میں شامل ہو چکی ہیں۔
.ذریعہ: Nawaiwaqt
کلیدی لفظ: فیلڈ مارشل
پڑھیں:
صدر ایف پی سی سی آئی عاطف اکرام شیخ کی آرمی چیف سید عاصم منیر کو فیلڈ مارشل کے عہدے پر ترقی ملنےپر دلی مبارکباد
اسلام آباد:
صدر فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) عاطف اکرام شیخ نے چیف آف آرمی اسٹاف جنرل سید عاصم منیر کو فیلڈ مارشل کے عہدے پر ترقی دینے پر دلی مبارکباد پیش کی ہے۔ انہوں نے کہا کہ جنرل عاصم منیر نے اپنی محنت، صلاحیتوں اور غیر معمولی پیشہ وارانہ مہارت سے یہ اعلیٰ ترین عسکری مقام حاصل کیا ہے۔
عاطف اکرام شیخ نے کہا کہ آپریشن بنیان المرصوص کی منصوبہ بندی، حکمت عملی اور کامیابی جنرل عاصم منیر کی عسکری ذہانت کا منہ بولتا ثبوت ہے۔ انہوں نے حالیہ پاکستان بھارت جنگ میں تاریخی کامیابی حاصل کرکے قوم کا سر فخر سے بلند کیا۔
صدر ایف پی سی سی آئی کا کہنا تھا کہ فیلڈ مارشل کا عہدہ دراصل قوم کی طرف سے جنرل عاصم منیر کی دفاع وطن کے لیے بے مثال خدمات کا اعتراف ہے۔ بزنس کمیونٹی سمیت پوری قوم ان کی قیادت پر مکمل اعتماد کا اظہار کرتی ہے اور ان کی خدمات کو خراج تحسین پیش کرتی ہے۔ انہوں نے اس امید کا اظہار بھی کیا کہ فیلڈ مارشل عاصم منیر کی قیادت میں پاک فوج مزید کامیابیاں حاصل کرے گی اور نئی بلندیوں تک پہنچے گی۔
عاطف اکرام شیخ نے ایئر چیف مارشل ظہیر احمد بابر سدھو کو ان کے عہدے میں توسیع پر بھی مبارکباد دی۔ انہوں نے کہا کہ ایئر چیف نے پاکستان کے فضائی دفاع کو مضبوط اور ناقابلِ تسخیر بنایا ہے۔ ان کی کامیاب جنگی حکمت عملی کی بدولت دشمن کو مؤثر اور دندان شکن جواب دیا گیا۔
انہوں نے کہا کہ پاکستان کا دفاع ناقابلِ تسخیر ہے اور پوری قوم مسلح افواج کے شانہ بشانہ کھڑی ہے۔ افواج پاکستان کی قربانیاں اور خدمات قوم کے دلوں میں ہمیشہ زندہ رہیں گی۔
Post Views: 2
کے الیکٹرک کے خلاف جوڈیشل کمیشن قائم کیا جائے، ایم کیو ایم کی سندھ اسمبلی میں قرارداد