گلگت بلتستان اور وادی کاغان کا سفر کرنے والے سیاحوں کے لیے خوشخبری
اشاعت کی تاریخ: 22nd, May 2025 GMT
گلگت بلتستان اور وادی کاغان کا سفر کرنے والے سیاحوں کے لیے خوشخبری ہے کہ بابوسر ٹاپ ہائی وے کو سیاحوں کے لیے کھول دیا گیا ہے، جس سے وادی کاغان اور گلگت بلتستان جانے والے سیاحوں کو فائدہ ہوگا۔
وفاقی وزیر برائے مواصلات عبدالعلیم خان کی ہدایت پر نیشنل ہائی وے اتھارٹی (این ایچ اے) نے سیاحت کو فروغ دیتے ہوئے بابوسر ٹاپ ہائی وے کو مقررہ وقت سے تقریبا 2ماہ قبل عوام کے لیے کھول دیا ہے۔
یہ بھی پڑھیں: بارشوں کا سلسلہ تھمنے کے بعد وادی کاغان میں پھنسے سیاحوں کا انخلا جاری
نیشنل ہائی وے اتھارٹی کے حکام کے مطابق، گزشتہ 6 ماہ سے جاری برفباری کے باعث بند ہونے والا یہ اہم پہاڑی درہ اب مکمل طور پر کھول دیا گیا ہے۔ حکام کا کہنا ہے کہ راستے میں جمے ہوئے گلیشیئرز کو ہیوی مشینری کے ذریعے کاٹ کر راستہ صاف کیا گیا، جس کے بعد ناران سے ہوتے ہوئے گلگت بلتستان اور ہنزہ تک کا سفر ممکن ہوگیا ہے۔
بابوسر ٹاپ کے کھلنے سے نہ صرف سفر کا راستہ دوبارہ بحال ہوا بلکہ گلگت جانے کے لیے درکار وقت میں بھی نمایاں کمی آئی ہے، اب یہ سفر 4 سے 5 گھنٹے کم وقت میں مکمل کیا جا سکے گا، جو سیاحوں کے لیے ایک بڑا ریلیف ہے۔
سیاحوں نے اس اقدام کو سراہتے ہوئے کہا کہ بابوسر ٹاپ کی بحالی سے سیاحت کو فروغ ملے گا اور سفری مشکلات میں بھی کمی آئے گی۔ این ایچ اے کی کوششوں کو سراہا جا رہا ہے کہ انہوں نے وقت پر راستہ کھول کر عوامی سہولت کو یقینی بنایا۔
یہ بھی پڑھیں: گلیشیئر پھٹنے سے کاغان ناران روڈ بند، سیاحوں کے لیے ہدایت
بابوسر ٹاپ وادی کاغان کے شمال میں واقع ایک دلکش اور قدرتی مناظر سے بھرپور پہاڑی درہ ہے۔ یہ تقریباً 150 کلومیٹر طویل راستہ ہے جو آگے جا کر چلاس میں شاہراہِ قراقرم سے جا ملتا ہے۔ یہی راستہ سیاحوں کو شمالی علاقہ جات کے خوبصورت مقامات تک رسائی فراہم کرتا ہے۔
یاد رہے کہ بابوسر ٹاپ ہر سال موسم سرما میں شدید برفباری کی وجہ سے تقریباً 6 ماہ کے لیے بند ہوجاتا ہے، جس سے مقامی افراد اور سیاحوں دونوں کو شدید مشکلات کا سامنا کرنا پڑتا ہے۔ ایسے میں این ایچ اے کی جانب سے راستہ جلد بحال کرنا ایک قابلِ تحسین اقدام ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بابوسرٹاپ بابوسرٹاپ ہائی وے سیاح کاغان گلگت بلتستان ناران.ذریعہ: WE News
کلیدی لفظ: بابوسرٹاپ سیاح کاغان گلگت بلتستان سیاحوں کے لیے گلگت بلتستان وادی کاغان بابوسر ٹاپ ہائی وے
پڑھیں:
جنگ بندی اور ٹرمپ کی ضمانتوں کے باوجود اسرائیلی جارحیت میں فلسطینی صحافی شہید
data-id="863a0a8" data-element_type="widget" data-widget_type="theme-post-content.default">
غزہ سٹی:غزہ کے جنوبی علاقے میں اسرائیلی ڈرون حملے میں فلسطینی فوٹو جرنلسٹ محمود وادی شہید ہو گئے حالانکہ امریکی صدر ڈونلڈ ٹرمپ کے ثالثی کردہ جنگ بندی معاہدے کے تحت علاقے میں امن قائم تھا۔
غیر ملکی میڈیا رپورٹس کے مطابق وادی خان یونس کے مرکزی علاقے میں مارے گئے جو اسرائیل کے زیر کنٹرول زون میں شامل نہیں تھا، غزہ حکومت کے میڈیا دفتر کی جانب سے اس واقعے پر ابھی تک کوئی سرکاری بیان جاری نہیں ہوا۔
فلسطینی فوٹو جرنلسٹ کے والد عصام وادی نے بیٹے کی شہادت کو خیمے پر آنے والا زلزلہ قرار دیتے ہوئے اسے اسرائیلی قابض افواج کی جرم اور دھوکہ دہی کہا۔
شہید صحافی کے ساتھی محمد ابو عبید نے بتایا کہ محمود وادی انسانی خدمات اور محتاجوں کی مدد کے لیے مشہور تھے، وہ اپنے بیٹے کی پرورش کے منصوبوں کے بارے میں بات کر رہا تھا ۔
اقوامِ متحدہ اور بین الاقوامی میڈیا اداروں نے بارہا اسرائیل سے فلسطینی صحافیوں پر حملے بند کرنے کا مطالبہ کیا مگر تل ابیب نے ان اپیلوں کو نظر انداز کیا۔
واضح رہےکہ غزہ میں اکتوبر 2023 سے اب تک ہلاک ہونے والے صحافیوں کی تعداد 257 ہو گئی ہے۔
غزہ کی وزارت صحت کے مطابق جنگ بندی کے بعد اسرائیلی حملوں میں کم از کم 367 فلسطینی ہلاک اور 900 سے زائد زخمی ہو چکے ہیں، جبکہ حماس نے معاہدے کی مکمل پاسداری کی یقین دہانی کرائی ہے اور امریکا سے مطالبہ کیا ہے کہ وہ اسرائیل پر عملدرآمد کے لیے دباؤ ڈالے۔
اے پی پی کے 10 ملازمین و افسروں عدالت سے بری