کیا مشکلات میں گھرے ڈاکٹر یونس مستعفی ہوجائیں گے؟
اشاعت کی تاریخ: 23rd, May 2025 GMT
بنگلہ دیش کی عبوری حکومت کے سربراہ ڈاکٹر محمد یونس نے استعفے پر غور کرنے کی تصدیق کر دی۔
نیشنل سٹیزن پارٹی (این سی پی) کی کنوینر ناہید اسلام نے گزشتہ روز (22 مئی) بی بی سی بنگلہ کو بتایا کہ بنگلہ دیش کے چیف ایڈوائزر محمد یونس مستعفی ہونے پر غور کر رہے ہیں کیونکہ ان کے لیے کام کرنا مشکل ہو رہا ہے۔
ناہید اسلام کے مطابق سیاسی جماعتوں کی جانب سے کوئی مشترکہ بنیاد نہ تلاش کرسکنے کے باعث انہیں مشکلات کا سامنا ہے۔
ناہید اسلام کے مطابق ڈاکٹر یونس سمجھتے ہیں کہ اس صورتحال میں وہ کام نہیں کرسکتے۔ چیف ایڈوائزر نے خدشہ ظاہر کیا ہے کہ وہ ملک کی موجودہ صورتحال میں کام نہیں کر پائیں گے۔
ناہید اسلام کے مطابق ڈاکٹر یونس کا کہنا ہے کہ وہ اس وقت تک کام نہیں کر سکتے جب تک سیاسی جماعتیں مشترکہ بنیاد پر نہیں پہنچ جاتیں۔
استعفے سے متعلق ڈاکٹر یونس کے اس مؤقف پر ناہید اسلام نے انہیں مشورہ دیا کہ وہ ملک کی سلامتی اور مستقبل کے لیے مضبوط رہیں اور عوامی بغاوت کی توقعات پر پورا اتریں۔
ناہید اسلام نے چیف ایڈوائزر پر زور دیا کہ وہ استعفے کا فیصلہ نہ کریں۔ تاہم ڈاکٹر یونس سمجھتے ہیں کہ اگر وہ اپنا کام نہیں کر سکتے تو ان کے رہنے کا کوئی فائدہ نہیں۔
واضح رہے کہ گزشتہ 2 روز کے دوران ڈاکٹر یونس کی حکومت کو 4 بڑے دھچکے لگے ہیں۔ سب سے پہلے کل چیف آف آرمی سٹاف جنرل وقار الزمان نے کہا کہ قومی انتخابات ممکنہ طور پر اس سال دسمبر تک ہونے چاہییں۔
اگرچہ اس حوالے سے ڈاکٹر یونس نے دسمبر کی ٹائم لائن بھی تجویز کی تھی، لیکن انہوں نے یہ بھی کہا تھا کہ یہ اصلاحات کی رفتار پر منحصر ہے، لہٰذا انتخابات اگلے سال جون میں بھی ہو سکتے ہیں۔
دوسرا یہ کہ ہائیکورٹ نے بی این پی کے نامزد امیدوار اشراق حسین کو ڈھاکہ ساؤتھ سٹی کارپوریشن کا میئر قرار دینے کے الیکشن کمیشن کے فیصلے پر روک لگانے کی درخواست مسترد کر دی ہے۔
پھر گزشتہ روز ہی وزارت خزانہ این بی آر کو تحلیل کرنے کے بعد اسے 2 حصوں میں تقسیم کرنے کے اپنے پہلے فیصلے سے پیچھے ہٹ گئی، جس سے اصلاحات کے ایک اور اہم قدم کو دھچکا لگا ہے۔
علاوہ ازیں ہیومن رائٹس واچ نے عوامی لیگ پر پابندی لگانے اور اس کے حامیوں کو دبانے پر حکومت پر تنقید کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: ناہید اسلام کام نہیں کر ڈاکٹر یونس
پڑھیں:
بھارت کسی غلط فہمی میں مت رہے ہم پاکستان کے دفاع کے لیے کسی قربانی سے دریغ نہیں کریں گے، ڈاکٹر صفدر اقبال
جماعت اسلامی ملتان کے سابق امیر نے کہا ہے کہ پاکستان کے دفاع کے لیے پاکستان کا بچہ بچہ جذبہ جہاد اور شوق شہادت رکھتا ہے، بھارت نے رات کے اندھیرے میں بزدلانہ کاروائی کی پاک افواج نے بھرپور جواب دیکر بھارت کو گھٹنے ٹیکنے پر مجبور کیا۔ اسلام ٹائمز۔ مودی سرکار کسی غلط فہمی میں مت رہنا، پاکستان کا بچہ بچہ شوق شہادت اور جذبہ جہاد سے سرشار ہے، بھارت کی ہر جارحیت کا بھرپور جواب دیا گیا اب بھی اگر کوئی جارحیت کی گئی تو بھارت کو منہ کی کھانا پڑے گی، پاکستانی افواج اور قوم ہر وقت تیار ہیں۔ ان خیالات کا اظہار سابق امیر جماعت اسلامی ملتان ڈاکٹر صفدر ہاشمی نے ایک نمبر چونگی ہر اظہار تشکر کی تقریب سے خطاب میں کیا۔ انہوں نے مزید کہا کہ پاکستان بچہ بچہ اپنی جان کی پرواہ کئے بغیر ہر محاذ پر اپنی خدمات پیش کرنے کو ہر وقت تیار ہے، بھارت کسی غلط فہمی میں مت رہے ہم پاکستان کے دفاع کے لیے کسی قربانی سے دریغ نہیں کریں گے۔ اس موقع پر ملازم حسین سیکرٹری جماعت اسلامی علاقہ شمالی ،فرحال ملک،ابوبکر، شیخ ندیم، حسان اخوانی، اسرار حسین اور دیگر بھی موجود تھے۔
ڈاکٹر صفدر ہاشمی نے کہا کہ پاکستان کے دفاع کے لیے پاکستان کا بچہ بچہ جذبہ جہاد اور شوق شہادت رکھتا ہے، بھارت نے رات کے اندھیرے میں بزدلانہ کاروائی کی پاک افواج نے بھرپور جواب دیکر بھارت کو گھٹنے ٹیکنے پر مجبور کیا۔ انہوں نے مطالبہ کیا کہ اب مزاکرات کے نام پر بھارت کے آگے جھکنے کی بجائے کشمیر، سندھ طاس معاہدہ سمیت تمام حل طلب مسائل پر بات ہونی چاہیے، کشمیر پاکستان کی شہہ رگ ہے۔ انہوں نے فلسطین میں جاری اسرائیلی مظالم کو کھلی دہشت گردی قرار دیا۔
یوم تشکرکے سلسلے میں پاکستان مونومنٹ پرخصوصی تقریب، شاہینوں کا شاندار فلائی پاسٹ