وفاقی حکومت نے ’اے آئی‘ کو نصاب کا حصہ بنانے کے لیے اقدامات شروع کردیے
اشاعت کی تاریخ: 24th, May 2025 GMT
چیئرمین وزیراعظم یوتھ پروگرام رانا مشہود احمد نے کہا ہے کہ پاکستان ٹیکنالوجی اور مصنوعی ذہانت (اے آئی) کے شعبے میں بھارت سے بہت آگے ہے، پاکستان کی نوجوان نسل کو جدید ٹیکنالوجی سے آراستہ کرنا وقت کی ضرورت ہے، وفاقی حکومت بھی اے آئی نصاب پر کام کر رہی ہے تاکہ پاکستان کو ٹیکنالوجی اور معیشت میں مزید مستحکم بنایا جا سکے۔
تقریب سے خطاب کرتے ہوئے رانا مشہود احمد نے کہاکہ جب میں وزیر تعلیم تھا تو میں نے بہت سے تعلیمی اداروں کے ساتھ مل کر کام کیا اور جدید ٹیکنالوجی کو فروغ دیا۔
یہ بھی پڑھیں متحدہ عرب امارات نےعربی زبان میں مصنوعی ذہانت کے لیے ایک نیا ماڈل لانچ کردیا
انہوں نے کہاکہ دنیا میں اے آئی کا دور آچکا ہے اور بڑی بڑی کمپنیاں اس شعبے میں سرمایہ کاری کررہی ہیں، پاکستان میں پہلا اے آئی پورٹل لانچ کیا جا چکا ہے، جس کے مختصر وقت میں 16 لاکھ سے زیادہ ڈاؤن لوڈ ہو چکے ہیں، اس سے پاکستان کے نوجوان گھر بیٹھے اپنا مستقبل بنا سکتے ہیں۔
انہوں نے کہاکہ سب کہتے تھے کہ بھارت ٹیکنالوجی میں آگے ہے، مگر ہمارے نوجوانوں نے سائبر سکیورٹی کے میدان میں بھارت کے نظام کو ہیک کرکے دنیا کو دکھا دیا کہ پاکستان ٹیکنالوجی میں ان سے بہت آگے ہے۔
رانا مشہود نے کہاکہ 2019 میں بھارت نے پاکستان پر جنگ مسلط کرنے کی کوشش کی لیکن ہماری بہادر افواج نے دشمن کو منہ توڑ جواب دیا۔ اگر پاکستان ٹیکنالوجی میں آگے نہ ہوتا تو بھارت غزہ ماڈل پاکستان پر مسلط کرنے کی تیاری کر چکا تھا۔ ہماری فضائیہ نے ان بھارتی طیاروں کو نشانہ بنایا جنہوں نے پاکستان میں اپنا پے لوڈ گرانے کی جرات کی تھی۔
انہوں نے کہاکہ اب جنگ روایتی ہتھیاروں سے نہیں، بلکہ ٹیکنالوجی کے میدان میں ہوگی۔ پاکستان کو مزید مضبوط بنانے کے لیے نوجوانوں کو جدید ٹیکنالوجی اور معیشت کے میدان میں بھارت سے آگے جانا ہوگا۔ انہوں نے ’ڈیجیٹل یوتھ ہب‘ کو دیکھنے کی دعوت دی اور اسے دنیا کا منفرد ترین پورٹل قرار دیا۔
رانا مشہود احمد نے کہاکہ بھارت پاکستان کی ٹیکنالوجی میں برتری کے باعث پیچھے ہٹنے پر مجبور ہوا ہے، جو نوجوان اور افواج سرحدوں پر جانوں کا نذرانہ دیتے ہیں وہ بھی کسی کے بچے ہیں، پوری قوم اس وقت متحد ہو چکی ہے۔
یہ بھی پڑھیں مصنوعی ذہانت محنت کشوں کی جان کے لیے بھی خطرہ، مگر کیسے؟
انہوں نے کہاکہ پاکستان کی نوجوان نسل کو جدید ٹیکنالوجی سے آراستہ کرنا وقت کی ضرورت ہے، وفاقی حکومت بھی اے آئی نصاب پر کام کر رہی ہے تاکہ پاکستان کو ٹیکنالوجی اور معیشت میں مزید مستحکم بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اے آئی ٹیکنالوجی سائبر سیکیورٹی مصنوعی ذہانت نصاب وفاقی حکومت وی نیوز.
ذریعہ
ذریعہ: WE News
کلیدی لفظ: اے ا ئی ٹیکنالوجی سائبر سیکیورٹی مصنوعی ذہانت وفاقی حکومت وی نیوز جدید ٹیکنالوجی انہوں نے کہاکہ ٹیکنالوجی اور ٹیکنالوجی میں مصنوعی ذہانت وفاقی حکومت رانا مشہود میں بھارت کے لیے اے آئی
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا