وزیر ریلوے حنیف عباسی کا مارگلہ اسٹیشن کا اچانک دورہ، صفائی اور ٹرین کی بوگیوں کا تفصیلی جائزہ لیا
اشاعت کی تاریخ: 25th, May 2025 GMT
وزیر ریلوے حنیف عباسی کا مارگلہ اسٹیشن کا اچانک دورہ، صفائی اور ٹرین کی بوگیوں کا تفصیلی جائزہ لیا WhatsAppFacebookTwitter 0 25 May, 2025 سب نیوز
اسلام آباد(آئی پی ایس ) وزیر ریلوے محمد حنیف عباسی نے آج اچانک مارگلہ ریلوے اسٹیشن کا دورہ کیا جہاں انہوں نے اسٹیشن کی صفائی، سہولیات اور مسافروں کو دی جانے والی خدمات کا تفصیلی معائنہ کیا۔ وزیر ریلوے نے اسٹیشن پر موجود انتظامیہ اور عملے کے ساتھ تبادلہ خیال کے علاوہ مسافروں سے براہ راست ان کی شکایات و تجاویز بھی سنی۔وزیر ریلوے نے سب سے پہلے اسٹیشن کی صفائی کے انتظامات کا بغور جائزہ لیا اور صفائی کی حالت پر مکمل اطمینان کا اظہار کیا۔
انہوں نے عملے کو ہدایت دی کہ صفائی کے اعلی معیار کو برقرار رکھا جائے کیونکہ یہ نہ صرف مسافروں کی صحت کے لیے ضروری ہے بلکہ ریلوے کی ساکھ کے لیے بھی بہت اہمیت رکھتا ہے۔اس کے بعد وزیر ریلوے نے اسٹیشن پر کھڑی ٹرینوں کا معائنہ کیا اور خود ٹرین کے اندر جا کر ایک ایک بوگی کا تفصیلی جائزہ لیا۔ انہوں نے ہر بوگی میں صفائی، سہولیات، مسافروں کے آرام اور حفاظتی انتظامات کا معائنہ کیا۔ وزیر ریلوے نے ٹرین عملے سے بھی ملاقات کی اور ان سے خدمات کے معیار اور مسافروں کے مسائل کے حل کے حوالے سے گفتگو کی۔وزیر نے مسافروں سے بھی ملاقات کی اور ان کے تجربات اور آرا حاصل کیں تاکہ ریلوے خدمات کو مزید بہتر بنایا جا سکے۔
انہوں نے کہا کہ حکومت ہر ممکن کوشش کر رہی ہے کہ ریلوے کے ذریعے سفر کرنے والے ہر مسافر کو بہترین سہولیات فراہم کی جائیں۔مارگلہ اسٹیشن کے انتظامی حکام نے وزیر ریلوے کو ریلوے کی ترقی اور اسٹیشن کی بہتری کے لیے جاری منصوبوں کے بارے میں آگاہ کیا، جس پر وزیر نے ان منصوبوں کی بروقت تکمیل کو یقینی بنانے کی تاکید کی تاکہ عوام کو معیاری اور آرام دہ سفری سہولت میسر ہو۔وزیر ریلوے حنیف عباسی کے اس اچانک دورے کا مقصد ریلوے خدمات کو جدید خطوط پر استوار کرنا اور مسافروں کے اعتماد کو بحال کرنا ہے تاکہ ریلوے کو ملک کا ایک معتبر اور پسندیدہ سفری ذریعہ بنایا جا سکے۔وزیر ریلوے نے مزید کہا کہ ریلوے کو ملک کا معتبر اور پسندیدہ سفری ذریعہ بنانے کی کوششیں جاری رکھیں گے۔ مارگلہ اسٹیشن پر جلد تفریحی سہولیات فراہم کی جائیں گی اور عوام کے لیے خاص طرز کے ریسٹورنٹس بنانے کے منصوبے زیر غور ہیں، تاکہ مسافروں کے لیے بہترین سہولیات کا ماحول فراہم کیا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعمران خان کی پرول پر رہائی کا معاملہ عدالتیں دیکھیں گی، یوسف رضا گیلانی عمران خان کی پرول پر رہائی کا معاملہ عدالتیں دیکھیں گی، یوسف رضا گیلانی رواں سال کی تیسری انسداد پولیو مہم کا افتتاح، ساڑھے 4 کروڑ بچوں کو قطرے پلانے کا ہدف مقرر ڈیرہ اسماعیل خان میں فورسز کیساتھ فائرنگ کے تبادلے میں 4خوارجی دہشت گرد مارے گئے پاکستان کو بھارت پر ٹیکنالوجی کے شعبے میں بھی برتری حاصل ہو گئی،احسن اقبال حافظ عبدالکریم مرکزی جمعیت اہل حدیث کے بلا مقابلہ امیر منتخب معرکہ حق میں پاک فوج کی عظیم فتح پر نیا نغمہ جاری کر دیا گیاCopyright © 2025, All Rights Reserved
رابطہ کریں ہمارے بارے ہماری ٹیم.
ذریعہ
ذریعہ: Daily Sub News
کلیدی لفظ: مارگلہ اسٹیشن وزیر ریلوے نے مسافروں کے حنیف عباسی جائزہ لیا کا تفصیلی کہ ریلوے انہوں نے کے لیے
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار