ملک بھر میں شدید گرمی کی لہر جاری؛ بارش کہاں ہوگی؟ محکمہ موسمیات نے بتادیا
اشاعت کی تاریخ: 26th, May 2025 GMT
لاہور:
ملک بھر میں شدید گرمی کی لہر جاری ہے جب کہ محکمہ موسمیات کی جانب سے ممکنہ بارشوں سے حوالے سے بھی پیش گوئی جاری کی گئی ہے۔
محکمہ موسمیات کے مطابق آج پاکستان کے بیشتر علاقوں میں موسم گرم اور خشک رہے گا، تاہم شام اور رات کے اوقات میں گلگت بلتستان، کشمیر، خیبرپختونخوا، اسلام آباد، خطہ پوٹھوہار اور شمالی و جنوب مشرقی بلوچستان میں مطلع جزوی ابر آلود رہنے کے ساتھ آندھی، جھکڑ اور بارش کا امکان ہے۔
موسمیاتی ماہرین کا کہنا ہے کہ ملک کے کچھ مقامات پر موسلادھار بارش اور ژالہ باری بھی ہو سکتی ہے۔
ملک میں درجہ حرارت کی صورت حال کے حوالے سے محکمہ موسمیات کے مطابق لاہور میں 42 ڈگری سینٹی گریڈ، کراچی میں 38، اسلام آباد 40، پشاور 41، کوئٹہ 36 اور گلگت میں 30 ڈگری سینٹی گریڈ ریکارڈ کیا گیا۔
دوسری جانب پنجاب کے مختلف علاقوں میں آنے والی آندھی اور طوفانی بارشوں سے متعدد حادثات پیش آئے۔ پنجاب ایمرجنسی سروسز ڈپارٹمنٹ کی رپورٹ کے مطابق کل 221 حادثات رپورٹ ہوئے، جن میں 12 افراد جاں بحق ہوئے جب کہ 43 افراد کو موقع پر طبی امداد دی گئی اور 98 زخمیوں کو اسپتال منتقل کیا گیا۔ رپورٹ میں بتایا گیا ہے کہ مجموعی طور پر 153 افراد زخمی ہوئے۔
محکمہ موسمیات نے شہریوں کو ہدایت کی ہے کہ وہ شدید گرمی کے دوران غیر ضروری طور پر باہر نکلنے سے گریز کریں اور پانی کا زیادہ استعمال کریں۔ آندھی اور بارش کے دوران درختوں اور بجلی کے کھمبوں سے دور رہیں اور محفوظ مقامات پر پناہ لیں۔
.ذریعہ: Express News
کلیدی لفظ: محکمہ موسمیات
پڑھیں:
کراچی کے مختلف علاقوں میں بارش کا امکان
— فائل فوٹوکراچی میں آج بھی صبح اور رات میں کہیں کہیں بوندا باندی اور بارش کا امکان ہے۔
محکمہ موسمیات کے مطابق شہر میں آئندہ 24 گھنٹوں کے دوران موسم مرطوب اور مطلع ابرآلود رہنے کا امکان ہے۔
کراچی میں آج بھی صبح اور رات میں کہیں کہیں بوندا باندی اور بارش کا امکان ہے۔
محکمہ موسمیات نے بتایا کہ کراچی میں زیادہ سے زیادہ درجہ حرارت 35 ڈگری سینٹی گریڈ تک رہنے کا امکان ہے۔
محکمہ موسمیات کے مطابق شہر کی ہوا میں نمی کا تناسب 82 فیصد ہے۔
محکمہ موسمیات نے یہ بھی بتایا کہ کراچی میں گزشتہ 24 گھنٹوں کے دوران کم سے کم درجہ حرارت 29 ڈگری سینٹی گریڈ ریکارڈ کیا گیا۔
مسجد اقصیٰ ہماری ’ریڈلائن‘ ہے، ہر قیمت پردفاع کریں گے: حماس