ہم نے ابھی تو کچھ کیا ہی نہیں ، پاکستانیوں کے پہلے ہی پسینے چھوٹ گئے،نریندمودی کی نئی بڑھک
اشاعت کی تاریخ: 27th, May 2025 GMT
بھارتی وزیراعظم نریندرمودی نے معرکہ حق میں عبرت ناک شکست پر پردہ ڈالنے کی کوشش کرتے ہوئے یہ بڑھک لگائی ہے کہ ہم نے ابھی تو کچھ کیا ہی نہیں ،پاکستان میں پہلے ہی پسینے چھوٹ گئے۔
گاندھی نگر میں ایک اجتماع سے خطاب کرتے ہوئے بھارتی وزیر اعظم نے کہاکہ میں نئی نسل کو بتانا چاہتا ہوں کہ ہمارے ملک کو کس طرح تباہ کیا گیا۔ اگر آپ 1960 کے سندھ طاس معاہد ےکا جائزہ لیں تو آپ حیران رہ جائیں گے۔ اس میں طے کیا گیا تھا کہ جموں و کشمیر کی ندیوں پر بننے والے ڈیموں کی صفائی نہیں کی جائے گی۔ ان میں سے سلٹ (تلچھٹ) نہیں نکالی جائے گی، نچلے دروازے جو تلچھٹ نکالنے کے لیے استعمال ہوتے ہیں، انہیں بند ہی رکھا جائے گا۔ 60 سال تک یہ دروازے کبھی نہیں کھولے گئے جن ذخائر کو 100 فیصد گنجائش تک بھرنا تھا، وہ اب صرف 2 یا 3 فیصد پر رہ گئے ہیں ۔
وزیر اعظم نریندر مودی نے دعویٰ کیا کہ بھارت نے ابھی تک کوئی سخت فیصلہ نہیں کیا، لیکن پڑوس میں لوگ پسینہ پسینہ ہیں۔ انہوں نے کہا کہ ابھی میں نے کچھ نہیں کیا اور وہاں (پاکستان) لوگ پسینے میں ڈوبے ہوئے ہیں ہم نے صرف ڈیموں کی صفائی کے لیے چھوٹے دروازے کھولے ہیں اور وہاں پہلے ہی سیلاب آ گیا ہے۔جنگی جنون میں مبتلا نریندرمودی نے عوام کو گمراہ کرتے ہوئے ہرزہ سرائی کی کہ پاکستان نے ان دہشت گردوں کو ریاستی اعزازات دیے جو بھارت فضائی حملوں میں نشانہ بنے ان کے تابوتوں پر پاکستان کے جھنڈے لگائے گئے اور ان کی فوج نے انہیں سلامی دی یہ اس بات کا ثبوت ہے کہ دہشت گردانہ کارروائیاں ان کی باقاعدہ جنگی حکمت عملی کا حصہ ہیں آپ پہلے ہی حالت جنگ میں ہیں اور آپ کو اس کا جواب اسی انداز میں دیا جائے گا ساتھ ہی انہوں نے یہ راگ بھی الاپ دیاکہ ہم کسی سے دشمنی نہیں چاہتے ہم پُرامن زندگی گزارنا چاہتے ہیں ہم ترقی کرنا چاہتے ہیں تاکہ دنیا کی فلاح و بہبود میں اپنا کردار ادا کر سکیں
ذریعہ: Daily Mumtaz
کلیدی لفظ: پہلے ہی
پڑھیں:
بارشوں اور سیلاب سے نقصان ،متاثرہ خاندانوں کی فوری اور مکمل مدد کی جائے: وزیر اعظم
اسلام آباد ( ڈیلی پاکستان آن لائن ) وزیراعظم شہباز شریف نے حالیہ بارشوں اور سیلاب سے قیمتی انسانی جانوں کے ضیاع پر گہرے دکھ کا اظہار کرتے ہوئے کہا ہے کہ ریاست کی اولین ذمہ داری ہے کہ متاثرہ خاندانوں کی فوری اور مکمل مدد کی جائے۔
تفصیلات کے مطابق وزیراعظم نے اس قدرتی آفت کو قومی امتحان قرار دیتے ہوئے کہا کہ ہم صرف اتحاد اور مشترکہ کوششوں سے اس چیلنج سے نکل سکتے ہیں۔
اسلام آباد میں باپ اور بیٹی کے سیلابی پانی میں بہہ جانے کے سانحے پر وزیراعظم نے افسوس کا اظہار کیا اور انسانی جانوں کے تحفظ کو حکومت کی اولین ترجیح قرار دیا ہے۔
وزیر اعظم کی جانب سے سیلاب متاثرہ تمام علاقوں میں ریلیف اور ریسکیو آپریشنز تیز کرنے، اور ہر قسم کی تاخیر یا کوتاہی کے خاتمے کی ہدایت دی گئی ہے۔
وزیراعظم نے این ڈی ایم اے کو صوبوں اور متعلقہ اداروں کے ساتھ مسلسل رابطے میں رہتے ہوئے فوری امدادی سامان، خوراک اور مشینری متاثرہ علاقوں تک پہنچانے کا حکم دیتے ہوئے کہا کہ زخمیوں کو فوری طبی امداد دی جائے، اسپتالوں میں ایمرجنسی نافذ ہو، اور ریسکیو ٹیمیں مسلسل الرٹ رہیں۔
متاثرہ سڑکوں، پلوں اور شاہراہوں کی فوری بحالی کے لیے نیشنل ہائی وے اتھارٹی اور ایف ڈبلیو او کو بحالی کا کام فوری مکمل کرنے کا ٹاسک دیا گیا ہے۔
وزیر اعظم نے کہا کہ حالیہ مون سون بارشوں سے خیبرپختونخوا، پنجاب، سندھ، بلوچستان اور آزاد کشمیر میں درجنوں ہلاکتیں ہو چکی ہیں، سینکڑوں زخمی اور املاک کو شدید نقصان پہنچا ہے۔ ریسکیو کارروائیاں جاری ہیں، پاک فوج کے دستے امدادی مشن میں سرگرم ہیں، جبکہ کئی علاقوں میں محصور افراد کو ہیلی کاپٹروں سے نکالا گیا ہے۔
وزیراعظم نے آئندہ بارشوں کے پیش نظر تمام اداروں کو تیار رہنے، شیلٹرز قائم کرنے اور بروقت انخلاء یقینی بنانے کی ہدایت کی ہے۔
وزیراعظم نے کہا ہے کہ ریاست کے تمام وسائل عوام کی جان و مال کے تحفظ کے لیے وقف ہیں، حکومت آزمائش کی اس گھڑی میں اپنی عوام کے ساتھ کھڑی ہے۔
بارشوں اور سیلاب سے قیمتی جانوں کا ضیاع، پیپلز پارٹی جنوبی پنجاب کی قیادت کا اظہارِ افسوس
مزید :
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ