غزہ: اسرائیل سے لوگوں کو بھوکا رکھنے کی پالیسی ترک کرنے کا مطالبہ
اشاعت کی تاریخ: 29th, May 2025 GMT
اسلام آباد (اُردو پوائنٹ ۔ UN اردو۔ 29 مئی 2025ء) مشرق وسطیٰ میں امن عمل کے لیے اقوام متحدہ کی قائمقام خصوصی رابطہ کار سگریڈ کاگ نے اسرائیل سے غزہ میں حملے روکنے اور شہریوں کو انسانی امداد کی فراہمی یقینی بنانے کا مطالبہ کرتے ہوئے کہا ہے کہ خطہ خطرناک دوراہے پر کھڑا ہے اور بہتری کے لیے فوری اقدامات نہ کرنے کے تباہ کن نتائج ہوں گے۔
اقوام متحدہ کی سلامتی کونسل سے خطاب کرتے ہوئے انہوں نے کہا ہے کہ غزہ میں انسانی ساختہ بحران نے علاقے کی آبادی کو گویا تباہی کے پاتال میں دھکیل دیا ہے۔
مارچ میں جنگ بندی ختم ہونے کے بعد شہریوں پر متواتر بمباری ہو رہی ہے جنہیں نقل مکانی پر مجبور کر کے چھوٹی سی جگہوں پر محدود کر دیا گیا ہے جبکہ وہ ضروری امداد سے محروم ہیں۔ Tweet URLانہوں نے اسرائیل پر زور دیا ہےکہ وہ شہری زندگی اور تنصیبات پر تباہ کن حملے فوری طور پر بند کرے اور عالمی برادری کو مخاطب کرتے ہوئے کہا ہے کہ غزہ میں تشدد کے فوری خاتمے، امداد کی بحالی اور مسئلے کے دوریاستی حل کی خاطر فوری اقدامات کیے جائیں۔
(جاری ہے)
قحط کا خطرہرابطہ کار نے کونسل کو بتایا کہ غزہ میں لوگ 11 ہفتوں تک امداد سے محروم رہے اور اب جتنی مدد علاقے میں پہنچائی گئی ہے وہ ان کی ضروریات پوری کرنے کے لیے انتہائی ناکافی ہے جس سے قحط پھیلنے کے خطرات بڑھ گئے ہیں۔
انہوں نے واضح کیا کہ انسانی امداد کو سیاسی سودے بازی کے لیے استعمال نہیں کرنا چاہیے۔ اقوام متحدہ کے ادارے بین الاقوامی قانون کے تحت لوگوں کو فوری مدد پہنچانے کے لیے تیار ہیں۔
امداد کوئی ایسی چیز نہیں جس پر لین دین کیا جائے۔ان کا کہنا تھا کہ اسرائیل کو امن و سلامتی سے رہنے کا حق حاصل ہے۔ 7 اکتوبر 2023 کو حماس اور دیگر مسلح فلسطینی گروہوں کے حملے اس حق پر وار تھے۔ انہوں نے حماس سے مطالبہ کیا ہے کہ وہ اسرائیل پر راکٹ حملے بندکرے اور تمام یرغمالیوں کو غیرمشروط طور پر رہا کرے۔
دو ریاستی حلسگریڈ کاگ نے واضح کیا کہ پائیدار سلامتی محض طاقت کے زور پر حاصل نہیں کی جا سکتی۔
اس کی بنیاد باہمی مفاہمت، انصاف اور تمام لوگوں کے لیے یکساں حقوق یقینی بنانے پر ہوتی ہے۔ اس تنازع کو حل کرنے، علاقائی تناؤ میں کمی لانے اور امن کے لیے مشترکہ تصور کو پانے کا بہتر راستہ موجود ہے۔فرانس اور سعودی عرب کی مشترکہ میزبانی میں آئندہ ماہ ہونے والی اعلیٰ سطحی بین الاقوامی کانفرنس فلسطینی علاقوں پر قبضے کو ختم کرنے اور بین الاقوامی قوانین، اقوام متحدہ کی قراردادوں اور سابقہ معاہدوں کی بنیاد پر مسئلے کا دو ریاستی حل یقینی بنانے کی سمت میں ایک اہم موقع ہو گی۔
اس کانفرنس میں خالی خولی باتوں کے بجائے مسئلے کے حل کی جانب ٹھوس اقدامات دیکھنے کو ملنے چاہئیں۔ اب اعلامیوں سے فیصلوں کی جانب مراجعت کا وقت ہے۔شہریوں کی مایوسیسگریڈ کاگ نے غزہ میں شہریوں کی شدید مایوسی کا تذکرہ بھی کیا جہاں لوگ وداع ہوتے وقت اب ایک دوسرے کو 'خدا حافظ' یا 'کل ملیں گے' کہنے کے بجائے 'جنت میں ملیں گے' کہتے ہیں۔
موت ان کے ساتھ رہتی ہے۔ انہیں محض بقا سے بڑھ کر درکار ہے اور انہیں مستقبل کی ضرورت ہے۔انہوں نے مسئلے کو حل کرنے کے لیے دلیرانہ سیاسی اقدام پر زور دیتے ہوئے کہا کہ بین الاقوامی قانون کی پاسداری کرنا اور ایک اصلاح شدہ فلسطینی حکومت کی حمایت ضروری ہے جو غزہ اور مغربی کنارے کا انتظام سنبھالے۔ ریاست شہریوں کے لیے کوئی انعام نہیں بلکہ ان کا حق ہے۔
انہوں نے کونسل سے کہا کہ 'ہمیں ایسی نسل کے طور پر یاد رکھا جانا چاہیے جس نے اس مسئلے کے دو ریاستی حل کو ختم ہونے سے بچایا۔ ہمیں تاریخ میں ایسی نسل بننا ہو گا جس نے احتیاط پر جرات، جمود پر انصاف اور سیاست پر امن کو فوقیت دی۔ آئیے ایسی نسل کا حصہ بنیں جو یہ سب کر سکتی ہے۔'
.ذریعہ: UrduPoint
کلیدی لفظ: تلاش کیجئے بین الاقوامی اقوام متحدہ انہوں نے کے لیے
پڑھیں:
دوحہ اجلاس: اسرائیل کے خلاف تمام قانونی اور مؤثر کارروائی کا مطالبہ
اسلام آباد (اُردو پوائنٹ ۔ DW اردو۔ 16 ستمبر 2025ء) قطر کے دارالحکومت میں 57 عرب اور اسلامی ممالک کے رہنماؤں نے پیر کے روز ہنگامی اجلاس کے بعد کہا، ’’اسرائیل کو فلسطینی عوام کے خلاف اپنی کارروائیوں کو جاری رکھنے سے روکنے کے لیے تمام ممکنہ قانونی اور موثر اقدامات کیے جانے چاہییں‘‘۔
چھ ملکی خلیجی تعاون کونسل، جس نے سربراہی اجلاس کے موقع پر اپنا ایک اجلاس منعقد کیا، نے ''مشترکہ دفاع اور خلیجی ڈیٹرنس کے نظام کو فعال کرنے کے لیے‘‘ اقدامات کا فیصلہ کیا ہے۔
خلیجی ممالک نے امریکہ پر زور دیا ہے کہ وہ اسرائیل کو روکنے کے لیے اپنا سفارتی اثر و رسوخ بروئے کار لائے۔
خلیج تعاون کونسل کے سکریٹری جنرل جاسم محمد البدوی نے کہا کہ امریکہ کے ''اسرائیل کے ساتھ قریبی تعلقات ہیں اور وہ اثر ورسوخ رکھتا ہے، اور اب وقت آگیا ہے کہ اس قربت اور اثر کو استعمال کیا جائے۔
(جاری ہے)
‘‘
ادھر امریکی محکمہ خارجہ کا کہنا ہے کہ وزیر خارجہ مارکو روبیو، جو پیر کے روز اسرائیل میں تھے، ''قطر کی سلامتی اور خود مختاری کے لیے امریکہ کی مکمل حمایت‘‘ کا اعادہ کرنے کے لیے قطر کا رخ کر رہے ہیں۔
جی سی سی کا فیصلہ کیا ہے؟گلف کوآپریشن کونسل (جی سی سی) کا ''مشترکہ دفاعی طریقہ کار شروع کرنے‘‘ کا عہد سربراہی اجلاس کا سب سے قابل عمل نتیجہ کہا جا سکتا ہے، جس کا افتتاح قطری امیر شیخ تمیم بن حمد الثانی نے کیا۔ انہوں نے اس موقع پر اسرائیلی بمباری کو ''کھلی جارحیت اور بزدلانہ‘‘ عمل قرار دیا۔
گلف کوآپریشن کونسل میں بحرین، کویت، عمان، قطر، سعودی عرب اور متحدہ عرب امارات جیسے رکن ممالک کے درمیان سکیورٹی خدشات کو دور کرنے کے لیے ایک دفاعی معاہدہ موجود ہے۔
قطر کی وزارت خارجہ کے ترجمان ماجد محمد الانصاری کے مطابق جی سی سی نے کہا ہے کہ خلیج کی مزاحمتی صلاحیتوں‘‘ کو بڑھانے کے لیے بلاک کے فوجی اداروں کے درمیان پہلے سے ہی مشاورت جاری ہے اور گروپ کی ''یونیفائیڈ ملٹری کمانڈ‘‘ کا اجلاس جلد دوحہ میں ہونے والا ہے۔
اس نئے دفاعی طریقہ کار کے بارے میں مزید تفصیلات دستیاب نہیں ہیں، تاہم کہا گیا ہے کہ ایک رکن ریاست پر حملہ سب پر حملہ سمجھا جائے گا۔
اسرائیل کو بین الاقوامی تنہائی کا سامنااسرائیلی وزیر اعظم بنجمن نیتن یاہو نے کہا ہے کہ اسرائیل کو کسی نہ کسی قسم کی (بین الاقوامی) تنہائی کے لیے تیار رہنا چاہیے۔
اسرائیلی میڈیا نے نیتن یاہو کے حوالے سے اطلاع دی ہے کہ اسرائیل کو '' خود کفیل معیشت کی زیادہ سے زیادہ عادت ڈالنے کے لیے تیار کرنے کی ضرورت ہو گی۔
‘‘اسرائیلی رہنما نے یہ بھی کہا کہ یورپ کی مسلم آبادی بھی کسی حد تک اسرائیل کی بین الناقوامی سطح پر تنہائی کی ذمہ دار ہو گی۔ انہوں نے کہا، ''ہم ایک بہت ہی چیلنجنگ دنیا میں رہتے ہیں۔ یورپ میں ہجرت کرنے والے مسلمان ایک اہم، آواز والی اقلیت بن چکے ہیں۔ یہ غزہ کے معاملے میں مقامی حکومتوں کو جھکاتے ہیں۔‘‘
نیتن یاہو نے کہا، ''ہمیں یہاں اپنے ہتھیاروں کی صنعت کو ترقی دینے کی ضرورت ہو گی۔
۔۔ ہمارے پاس اس کے علاوہ کوئی چارہ نہیں ہے۔‘‘ادھر اسرائیل کے اپوزیشن لیڈر یائر لاپیڈ نے نیتن یاہو کے بیان پر تنقید کرتے ہوئے کہا کہ، ''مسلمان نہیں بلکہ اسرائیلی رہنما ملک کے سفارتی مسائل کے ذمہ دار ہیں۔‘‘
لاپیڈ نے کہا، ''نیتن یاہو کا یہ بیان کہ اسرائیل (بین الاقوامی) تنہائی کی جانب جا رہا ہے۔۔۔ عقل سے ماورا بیان ہے۔
‘‘ انہوں نے مزید کہا کہ نیتن یاہو اور اسرائیلی حکومت اسرائیل کو ''تیسری دنیا کے ملک‘‘ میں تبدیل کر رہے ہیں۔ اسرائیل اور روس پر کھیلوں میں پابندی لگانے کا مطالبہاس دوران ہسپانوی وزیر اعظم پیڈرو سانچیز نے اسرائیل اور روس سے غزہ اور یوکرین میں ''سفاکانہ کارروائیوں‘‘ کا حوالہ دیتے ہوئے بین الاقوامی کھیلوں کے مقابلوں سے الگ رکھنے کا مطالبہ کیا ہے۔
انہوں نے ہزاروں فلسطینی حامی مظاہرین کی ''زبردست تعریف‘‘ کا اظہار کیا جنہوں نے ملک میں ہونے والی معروف سائیکل ریس کے آخری مرحلے کو ترک کرنے پر مجبور کر دیا۔
اسرائیل کی پریمیئر ٹیک ٹیم کی شرکت کی وجہ سے مظاہرین نے بار بار ریس کو نشانہ بنایا تھا۔
سانچیز نے کہا، ''ہمارا موقف واضح اور دو ٹوک ہے۔ جب تک بربریت جاری رہے گی، نہ تو روس اور نہ ہی اسرائیل کو کسی بین الاقوامی مقابلے میں حصہ نہیں لینا چاہیے۔‘‘
ادارت: جاوید اختر/ کشور مصطفیٰ
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام