آواز سے زیادہ تیز رفتار طیارے سے متعلق تجربہ کامیاب
اشاعت کی تاریخ: 29th, May 2025 GMT
امریکا کے ایک اسٹارٹ اپ کی جانب سے کامیاب آزمائش کے بعد سپر سونک سفر اب جلد ہی حقیقت کا روپ دھارنے والا ہے۔ عملی میدان میں آنے کے بعد سپر سونک طیارہ مسافروں کو 55 منٹ میں نیو یارک سے پیرس پہنچا سکے گا۔
ٹیکساس کی مقامی کمپنی وینس ایرو اسپیس نے روٹیٹنگ ڈیٹونیشن راکٹ انجن (آر ڈی آر ای) کا دنیا کا سب سے پہلا ٹیسٹ مکمل کیا ہے۔ یہ جدید پروپلژن سسٹم تھرسٹ پیدا کرنے کے لیے ایندھن کو جلانے کے بجائے اسپننگ ایکسپلوژنز کا استعمال کرتا ہے۔
کمپنی نے یہ آزمائش نیو میکسیکو میں قائم اسپیس پورٹ امیریکا پر 14 مئی بروز بدھ کو کی۔ آزمائش میں ایک چھوٹے راکٹ میں نئے انجن کو نصب کیا گیا تھا۔
وینس کی سی ای او سارہ ڈگلبی کا کہنا تھا کہ یہ وہ لمحہ ہے جس کے لیے کمپنی پانچ برس سے کام کر رہی تھی۔
کمپنی اس انجن کو اپنے آئندہ آنے والے سپر سونک جیٹ اسٹار گیزر میں استعمال کرنے کا ارادہ رکھتی ہے، جس کا ماک 4 (آواز کی رفتار سے چار گُنا زیادہ رفتار) کی رفتار تک پرواز کرنا متوقع ہے۔
اگر اس 3 کروڑ 30 لاکھ ڈالر کے اس طیارے کو کمرشل سفر کے لیے منظوری مل گئی تو نیو یارک سے پیرس کا 5833 کلو میٹر کا سفر ایک گھنٹے سے کم وقت میں کیا جا سکے گا۔
وینس ایرو اسپیس اپنا طیارہ 2030 کی دہائی کے ابتداء میں لانچ کرنے کا ارادہ رکھتی ہے جس کی ایک پرواز میں 12 مسافر سفر کر سکیں گے۔
.
ذریعہ
ذریعہ: Express News
پڑھیں:
وزیر داخلہ محسن نقوی کا مستونگ میں کامیاب آپریشن پر سکیورٹی فورسز کو خراج تحسین
(سٹی42)وفاقی وزیر داخلہ محسن نقوی نے مستونگ میں بھارتی سپانسرڈدہشتگردوں کے خلاف کامیاب آپریشن پر سکیورٹی فورسز کو خراج تحسین پیش کیاہے۔
وفاقی وزیرداخلہ محسن نقوی نے 4 دہشت گردوں کو جہنم واصل کرنے پر سکیورٹی فورسز کی پیشہ ورانہ صلاحیتوں کو سراہتے ہوئے کہاکہ سکیورٹی فورسز نے بروقت کارروائی کرکے دہشت گردوں کے مذموم عزائم کو ناکام بنایا،دہشت گردی کے خلاف پورا ملک اپنی بہادر سکیورٹی فورسز کے ساتھ کھڑا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
وزیرداخلہ محسن نقوی نے مزیدکہاکہ سکیورٹی فورسزبلوچستان میں دہشت گردوں کے خلاف بھرپور اور مؤثر کارروائیاں کر رہی ہیں ،فتنہ الہندوستان اور فتنہ الخوارج کا ناپاک گٹھ جوڑ وطن عزیز کا امن تباہ نہیں کر سکتا۔
بھارت سے جنگ اور افغانستان میں کارروائی خارج ازامکان نہیں، وزیردفاع