کوئٹہ میں ایک لاکھ افراد کیساتھ دھرنا دینگے، مولانا ہدایت الرحمان
اشاعت کی تاریخ: 30th, May 2025 GMT
کارکنوں سے گفتگو کرتے ہوئے مولانا ہدایت الرحمان نے اعلان کیا کہ جماعت اسلامی عوام کو حقوق و سہولیات دینے کیلئے تحریک چلا رہی ہے۔ حقوق کے حصول کیلئے اسلام آباد کی طرف مارچ اور کوئٹہ میں ایک لاکھ افراد کا دھرنا دینگے۔ اسلام ٹائمز۔ جماعت اسلامی بلوچستان کا کہنا ہے کہ عوام کو بنیادی سہولایت فراہم کرنے اور حقوق دلانے کے لئے کوئٹہ میں ایک لاکھ افراد کا دھرنا دیں گے، جبکہ اسلام آباد تک لانگ مارچ کا بھی اعلان کیا گیا ہے۔ کوئٹہ میں جماعت اسلامی کے کارکنوں سے ملاقات کے موقع پر گفتگو کرتے ہوئے امیر جماعت اسلامی بلوچستان و رکن اسمبلی مولانا ہدایت الرحمان بلوچ نے کہا کہ اہل بلوچستان کو سی پیک، سیندک، ریکوڈک کے ثمرات اور موٹروے سے محروم، نوجوانوں کو ترقی، تاجروں کو تجارت، عوام کو تعلیم و صحت کی سہولیات سے محروم کرنے، لاپتہ افراد کی عدم بازیابی، حقوق دینے کے بجائے مسائل کو طاقت سے حل کرنے کی وجہ سے حالات خراب ہیں۔ اس کے مجرم وفاق، اسٹبلشمنٹ، سکیورٹی ادارے اور صوبائی حکومتیں ہیں۔
انہوں نے کہا کہ بلوچستان کو لاوارث، یہاں کے عوام کو انسان نہ سمجھنا، بنیادی انسانی، معاشی حقوق سے محروم کرنا ناقابل معافی جرم ہے۔ کئی دہائیوں سے وفاق و حکومتوں نے بلوچستان میں اجتماعی نوعیت کا کوئی بڑا کام نہیں کیا ہے۔ انہوں نے کہا کہ کوئٹہ تا ژوب ریلوے سفر کی جدید سہولیات، موٹروے سمیت، میٹرو بس سروس پورے ملک میں دستیاب، جبکہ بلوچستان کے علاقے سوئی ڈیرہ بگٹی کا گیس ژوب ڈویژن، لورالائی ڈویژن، حتیٰ کہ کوئٹہ ڈویژن کے آدھے حصہ میں نہیں ہے۔ آدھا بلوچستان بجلی کی نعمت سے محروم ہیں۔ صوبائی دارالحکومت کوئٹہ کا سیورج سسٹم درہم برہم اور بلوچستان میں غربت سب سے زیادہ لیکن غریب کیلئے مفت آٹا نہیں ہے۔ صوبائی دارالحکومت کوئٹہ کی سڑکوں سے دھول اڑ رہے ہیں۔ بے روزگاری انتہاء کو چو رہی ہے۔ صوبائی دارالحکومت سمیت روزگار کیلئے کارخانے نہیں ہیں۔
انہوں نے کہا کہ معیاری علاج کی سہولت کوئٹہ سمیت بلوچستان میں کہیں نہیں ہے۔ پورے بلوچستان کے عوام کا رخ کوئٹہ کی طرف، لیکن سول سنڈیمن ہسپتال میں معیاری علاج اور ادویات نہ ہونے کے برابر ہے۔ بلوچستان کے تمام ڈسٹرکٹ ہیڈکوارٹر ہسپتال میں ڈاکٹروں کی کمی ہے۔ کوئٹہ تا سنجاوی، ہرنائی، زیارت، دکی، پنجگور، تربت اور دالبندین تک نیشنل ہائی وے نہیں ہیں۔ بلوچستان کے دور دراز دیہاتی علاقوں میں صاف پانی نہ ہونے کے برابر ہیں۔ بلوچستان کے دیہاتی علاقوں میں روڈ، ہسپتال، اسکول نہیں، ضلع زیارت سمیت بلوچستان میں کئی پر بھی سیاحوں کیلئے سہولیات، شاہراہ چئیرلفٹ تک نہیں ہیں۔ انہوں نے اعلان کیا کہ جماعت اسلامی عوام کو حقوق و سہولیات دینے کے لئے تحریک چلا رہی ہے۔ ہم حقوق کے حصول کے لئے اسلام آباد کی طرف مارچ اور کوئٹہ میں ایک لاکھ افراد کا دھرنا دیں گے۔
ذریعہ: Islam Times
کلیدی لفظ: جماعت اسلامی بلوچستان میں بلوچستان کے نے کہا کہ انہوں نے عوام کو
پڑھیں:
پانی ہماری ریڈ لائن، 24 کروڑ عوام کے بنیادی حق پر آنچ نہیں آنے دینگے، فیلڈ مارشل
فیلڈ مارشل کا مختلف جامعات کے وائس چانسلرز، پرنسپلز اور سینئر اساتذہ کرام سے بات چیت میں کہنا تھا کہ کشمیر کا کوئی بھی سودا ممکن نہیں، ہم کبھی بھی کشمیر کو نہیں بھول سکتے، ہندوستان جان لے کہ پاکستان کشمیر کو کبھی نہیں چھوڑے گا۔ فیلڈ مارشل نے مزید کہا کہ پاکستان ہندوستان کی اجارہ داری کبھی قبول نہیں کرے گا۔ اسلام ٹائمز۔ فیلڈ مارشل سید عاصم منیر نے کہا کہ پانی پاکستان کی ریڈ لائن ہے، 24 کروڑ پاکستانیوں کے بنیادی حق پر آنچ نہیں آنے دیں گے۔ فیلڈ مارشل سید عاصم منیر، نشانِ امتیاز (ملٹری) چیف آف آرمی سٹاف کی مختلف جامعات کے وائس چانسلرز، پرنسپلز اور سینئر اساتذہ کرام سے بات چیت ہوئی۔ سید عاصم منیر نے کہا کہ اساتذہ پاکستان کا سب سے بڑا سرمایہ ہیں، میں آج جو کچھ بھی ہوں، اپنے والدین اور اساتذہ کرام کی وجہ سے ہوں، پاکستان کی اگلی نسلوں کی کردار سازی اساتذہ کرام کی ذمہ داری ہے۔ فیلڈ مارشل کا کہنا تھا کہ اساتذہ نے پاکستان کی کہانی اپنی اگلی نسلوں کو بتانی ہے، معرکہ حق میں اللہ تعالیٰ نے ہر طرح سے پاکستان کی مدد کی، جب پوری قوم آہنی دیوار بن جائے تو دنیا کی کوئی طاقت اُسے گرا نہیں سکتی۔
سید عاصم منیر نے کہا کہ کشمیر کا کوئی بھی سودا ممکن نہیں، ہم کبھی بھی کشمیر کو نہیں بھول سکتے، ہندوستان جان لے کہ پاکستان کشمیر کو کبھی نہیں چھوڑے گا۔ فیلڈ مارشل نے کہا کہ پاکستان ہندوستان کی اجارہ داری کبھی قبول نہیں کرے گا، بھارت نے کئی دہائیوں سے کشمیر کے مسئلے کو دبانے کی کوشش کی مگر وہ ناکام ہو چکا ہے۔ انہوں نے کہا کہ بلوچستان میں دہشت گرد فتنہ الہندوستان ہیں، ان کا بلوچوں سے کوئی تعلق نہیں۔
سید عاصم منیر نے کہا کہ پاکستان کو ایسی مضبوط ریاست بنانا ہے جس میں تمام ادارے قانون کے مطابق کام کریں، جو کوئی بھی ریاست کو کمزور بنانے کا بیانیہ بنانے کی کوشش کرے اس کی نفی کریں۔ سوال و جواب کے سیشن میں شرکاء نے اپنے تاثرات کا اظہار کیا کہ یہ جو محفوظ دھرتی ہے، اس کے پیچھے وردی ہے، ہمیں پاکستان اور اپنی مسلح افواج پر فخر ہے اور ہم ان کے شانہ بشانہ کھڑے رہیں گے۔
نیب نے سہ ماہی وصولیوں کی تفصیلات جاری کر دی