پی آئی اے نے دبئی سے سکردو براہ راست پرواز بحال کر دی
اشاعت کی تاریخ: 31st, May 2025 GMT
اس سیزنل سروس کے آغاز کا اعلان دبئی میں پی آئی اے کے دفتر میں ایک خصوصی تقریب میں کیا گیا جس میں پی آئی اے کے ریجنل مینیجر سرمد اعزاز، دبئی میں تعینات پاکستان کے قونصل جنرل حسین محمد اور مختلف غیر ملکی سیاحوں نے شرکت کی۔ اسلام ٹائمز۔ پاکستان انٹرنیشنل ایئر لائنز ( پی آئی اے نے دبئی اور سکردو کے درمیان براہ راست پروازیں بحال کر دیں۔ انٹرنیشنل فضائی سروس کی بحالی سے گلگت بلتستان کے دور افتادہ لیکن پرکشش سیاحتی مقامات تک رسائی پہلے سے کہیں زیادہ آسان ہو گئی ہے، اس سیزنل سروس کے آغاز کا اعلان دبئی میں پی آئی اے کے دفتر میں ایک خصوصی تقریب میں کیا گیا جس میں پی آئی اے کے ریجنل مینیجر سرمد اعزاز، دبئی میں تعینات پاکستان کے قونصل جنرل حسین محمد اور مختلف غیر ملکی سیاحوں نے شرکت کی۔ ان سیاحوں نے افتتاحی پرواز کی پیشگی بکنگ کر رکھی تھی، جو اسکردو کے قدرتی نظاروں سے لطف اندوز ہونے کے منتظر ہیں، سکردو، جو پاکستان کے شمالی خطے میں واقع ہے، اپنی برفیلی چوٹیاں، خاموش وادیاں اور سرد صحرا کی وجہ سے عالمی سطح پر ایک منفرد مقام رکھتا ہے۔
یہاں دنیا کے بلند ترین پہاڑی سلسلے موجود ہیں جو ہر سال ہزاروں سیاحوں کو اپنی جانب کھینچتے ہیں۔ براہ راست پرواز کی بدولت طویل زمینی سفر کی زحمت سے بچا جا سکے گا، جو قراقرم ہائی وے کے ذریعے تقریبا 20 گھنٹے میں طے ہوتا ہے، اب یہی فاصلہ ہوائی جہاز کے ذریعے تین گھنٹوں سے بھی کم وقت میں مکمل کیا جا سکے گا۔ گرمیوں کے موسم میں جب خلیجی ممالک شدید گرمی کی لپیٹ میں ہوتے ہیں، گلگت بلتستان کا معتدل موسم سیاحوں کے لیے ایک خوشگوار متبادل بنتا ہے۔ سردیوں میں برفباری کے مناظر اور سرد صحرائی منطقہ، اسکردو کو ایک منفرد سرد سیاحتی تجربہ فراہم کرتا ہے۔ پی آئی اے انتظامیہ پرامید ہے کہ اس اقدام سے نہ صرف سیاحت کو فروغ ملے گا بلکہ بیرون ملک مقیم پاکستانیوں اور عالمی سیاحوں کے لیے شمالی علاقوں تک رسائی مزید آسان ہو جائے گی۔
ذریعہ: Islam Times
کلیدی لفظ: میں پی آئی اے کے
پڑھیں:
دبئی آئی ایل ٹی20 کی حکمرانی کی دوڑ شروع
دبئی آئی ایل ٹی20 کی حکمرانی کی دوڑ شروع WhatsAppFacebookTwitter 0 2 December, 2025 سب نیوز
دبئی:متحدہ عرب امارات میں کرکٹ کا سب سے بڑا تہوار شروع ہو گیا ہے، ڈی پی ورلڈ انٹرنیشنل لیگ ٹی 20سیزن 4 کا پہلا میچ دبئی انٹرنیشنل اسٹیڈیم میں کھیلا گیا۔ افتتاحی مقابلہ گزشتہ سال کے فائنل کی یادگار کے طور پر موجودہ چیمپیئن دبئی کیپیٹلز اور ڈیزرٹ وائپرز کے درمیان ہوا، جس نے شائقین کو شاندار کرکٹ کے منظر دکھائے۔تمام چھ فرنچائزز نے اپنی حتمی اسکواڈز مکمل کر لی ہیں، جو بین الاقوامی اسٹار کھلاڑیوں،
یو اے ای کے ٹیلنٹ اور پہلی بار شامل ہونے والے کویت و سعودی عرب کے کھلاڑیوں پر مشتمل ہیں۔ ہر ٹیم میں کم از کم 11 کھلاڑی آئی سی سی فل ممبر ممالک سے، 4 کھلاڑی یو اے ای سے، 1 کھلاڑی کویت، 1 سعودی عرب اور 2 دیگر ایسوسی ایٹ نیشنز کے کھلاڑی شامل ہیں۔افتتاحی تقریب بھی شائقین کے لیے خاص رہی، جس میں معروف گلوکار علی ظفر نے زبردست پرفارمنس دی۔ شائقین کو اسٹینڈ ٹکٹ 20درہم سے اور ہاسپیٹیلٹی پیکجز 325درہم سے دستیاب تھے، جبکہ خصوصی سکسز لاؤنج تجربہ 395درہم میں حاصل کیا جا سکتا تھا۔
اس سیزن کے لیے منتخب اسٹار کھلاڑیوں میں فل سالٹ،سنیل نارین،آندرے رسل، سیم کرن، لاکی فرگوسن، نسیم شاہ، شمرون ہیٹمائر، رومن پاول، مصطفی ظفر الرحمن، معین علی، پاتھم نسنکا، رحمن اللہ گورباز، کیرون پولارڈ، نکولس پوران، عدیل رشید، دنیش کارتک اور سکندر رضا شامل ہیں۔چھ فرنچائزز کی مکمل اسکواڈز میں بین الاقوامی کھلاڑیوں کے ساتھ یو اے ای اور ایسوسی ایٹ نیشنز کے ٹیلنٹ کو بھی شامل کیا گیا ہے، تاکہ لیگ میں ہر میچ دلچسپ اور مسابقتی ہو۔لیگ کے آغاز کے ساتھ ہی شائقین کرکٹ کے لیے ایک شاندار تہوار شروع ہو گیا ہے، جو متحدہ عرب امارات میں کرکٹ کے عالمی معیار کو بڑھانے میں اہم کردار ادا کرے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرابوظہبی ٹی10 میں ریکارڈز کی برسات،38 چھکوں کی نئی تاریخ ابوظہبی ٹی10 میں ریکارڈز کی برسات،38 چھکوں کی نئی تاریخ معین علی بھی آئی پی ایل چھوڑ کر ایچ بی ایل پی ایس ایل کھیلنے کے لیے تیار آئی ایل ٹی 20 سیزن 4 کا آغاز؛ شائقین عالمی کرکٹ کے ایک اور شاندار سیزن کے منتظر یو اے ای بُلز پہلی بار ابوظہبی ٹی10 لیگ کی چیمپئن بن گئی انڈر 17 ایشین کپ کوالیفائر: پاکستان نے گوام کیخلاف تاریخی فتح حاصل کرلی روومن پاول کی طوفانی بیٹنگ، یو اے ای بلز نے عجمان ٹائٹنز کو ایلیمینیٹر میں باہر کردیاCopyright © 2025, All Rights Reserved
رابطہ کریں ہماری ٹیم
کراچی پولیس کی کارروائی، چوری میں ملوث اور پولیس مقابلے میں فرار 2 ملزمان گرفتار