ترقیات کے بنیادی مسائل سے توجہ بھٹکانا بی جے پی کی پہچان ہے، کانگریس
اشاعت کی تاریخ: 2nd, June 2025 GMT
ملکارجن کھڑگے نے پارٹی کارکنوں سے اپیل کی ہے کہ وہ سیلاب زدہ علاقوں میں لوگوں کی مدد کریں اور ہر ممکن طریقے سے تعاون کا ہاتھ بڑھائیں۔ اسلام ٹائمز۔ انڈین نیشنل کانگریس کے صدر ملکارجن کھڑگے نے آسام اور شمال مشرق کی کچھ دیگر ریاستوں میں سیلاب و لینڈ سلائڈنگ سے پیدا مشکل حالات پر اپنی فکر کا اظہار کیا ہے۔ انہوں نے الزام عائد کیا کہ ترقیات کے بنیادی ایشوز سے جذباتی اور پولرائزیشن والے ایشوز کی طرف توجہ بھٹکانا بی جے پی کی سیاست کی شناخت بن چکی ہے۔ دراصل آسام میں سیلاب کی حالت انتہائی سنگین بنی ہوئی ہے۔ ریاست کی 10 اہم ندیاں خطرے کے نشان سے اوپر بہہ رہی ہیں، جبکہ 15 سے زائد اضلاع میں تقریباً 4 لاکھ افراد سیلاب سے متاثر ہیں۔ ان حالات کو پیش نظر رکھتے ہوئے کانگریس کمیٹی کے صدر ملکارجن کھڑگے نے سوشل میڈیا پلیٹ فارم ایکس پر ایک پوسٹ کی ہے، جس میں لکھا ہے کہ شمال مشرق تباہ کن سیلاب، لینڈ سلائڈ اور شدید بارش سے نبرد آزما ہے۔
انہوں نے کہا کہ آسام، اروناچل پردیش، منی پور، سکم اور میگھالیہ سب سے زیادہ متاثر ہونے والی ریاستوں میں شامل ہے، جہاں کئی لوگوں کی جان چلی گئی ہے اور لاکھوں افراد متاثر ہیں۔ ملکارجن کھڑگے نے کانگریس لیڈران و کارکنان سے اپیل کی ہے کہ وہ بحران زدہ علاقوں میں لوگوں کی مدد کریں اور ہر ممکن طریقے سے تعاون کا ہاتھ بڑھائیں۔ سوشل میڈیا پوسٹ میں ملکارجن کھڑگے نے دعویٰ کیا کہ 2016ء میں بی جے پی نے سیلاب سے پاک آسام بنانے کا وعدہ کیا تھا، 2022ء میں وزیر داخلہ امت شاہ نے یہ دعویٰ دہرایا۔ انہوں نے کہا کہ نام نہاد اسمارٹ سٹی گواہاٹی کے مناظر کو دیکھ کر یاد آتا ہے کہ کس طرح نریندر مودی اور ان کی "ڈبل انجن حکومت" نے آسام کو دھوکہ دیا ہے۔ انہوں نے مزید کہا کہ مودی حکومت کو سیلاب کی تیاریوں کے لئے شمال مشرق کی سبھی ریاستوں، خصوصاً آسام کو زیادہ امدادی رقم جاری کرنی چاہیئے۔
ذریعہ: Islam Times
کلیدی لفظ: ملکارجن کھڑگے انہوں نے
پڑھیں:
آپریشن سندور کی ناکامی، کانگریس رہنما کی مودی پر کڑی تنقید
مدھیہ پردیش کے کانگریس صدر جیتو پٹواری کا مودی کو آڑے ہاتھوں لیتے ہوئے کہنا تھا کہ مودی جی آپ سندور کی بات کرتے ہیں، آپ یہ کیوں نہیں پوچھتے کہ مدھیہ پردیش میں روزانہ 25 بیٹیوں کی عصمت دری کیوں ہوتی ہے؟۔ اسلام ٹائمز۔ پاکستانی مسلح افواج کے ہاتھوں ہزیمت کے بعد بھارتی حکومت اور وزیراعظم مودی تاحال تنقید کی زد میں ہے۔ مدھیہ پردیش کے کانگریس صدر جیتو پٹواری کا مودی کو آڑے ہاتھوں لیتے ہوئے کہنا تھا کہ مودی جی آپ سندور کی بات کرتے ہیں، آپ یہ کیوں نہیں پوچھتے کہ مدھیہ پردیش میں روزانہ 25 بیٹیوں کی عصمت دری کیوں ہوتی ہے؟ جیتو پٹواری نے کہا کہ آپ یہ کیوں نہیں پوچھتے کہ بالا گھاٹ میں درندے رات بھر چار بیٹیوں کی عصمت دری کرتے رہے، جس طرح کی عصمت دردی کی باتیں اب ہوتی ہیں کیا آپ نے پہلے کبھی ایسی باتیں سنی ہیں۔ انہوں نے کہا کہ آپ کو بتانا ہو گا کہ تین ہزار کی گارنٹی تھی، آپ اس سندور کی حفاظت کرنا چاہتے ہیں۔ آپ نے انہیں گارنٹی دی، تین ہزار کا کیا ہوا، ان بہنوں کی عزت کا کیا ہوا۔ مدھیہ پردیش کے کانگریس کے صدر کا کہنا ہے کہ مودی آپ بھوپال میں سندور کی بات کر رہے ہیں آپ کے وزیراعلیٰ، وزیر داخلہ بھی ہیں، ان بہنوں کے اعتماد کا کیا ہوا، آپ اس کا جواب کیوں نہیں دینا چاہتے؟۔
ٹیکنو Premier 5G Camon 40 اب پاکستان میں دستیاب