پاکستان میں مئی کے مہینے میں مہنگائی کی شرح وزارت خزانہ کے اندازے سے زیادہ ریکارڈ
اشاعت کی تاریخ: 2nd, June 2025 GMT
پاکستان میں مئی کے مہینے میں مہنگائی کی شرح وزارت خزانہ کے اندازے سے زیادہ ریکارڈ کی گئی، جس کی سالانہ شرح 3.46 فیصد رہی۔وزارت خزانہ نے مئی کے لیے مہنگائی کا تخمینہ 1.5 فیصد سے 2 فیصد کے درمیان لگایا تھا لیکن مئی کے مہینے میں مہنگائی وزارت خزانہ کے تخمینے سے زیادہ رہی۔ادارہ شماریات نے مہنگائی سے متعلق ماہانہ رپورٹ جاری کردی، اپریل 2025 میں مہنگائی بڑھنے کی سالانہ شرح 0.
ادارہ شماریات کی جانب سے جاری کی گئی رپورٹ میں بتایا گیا کہ مئی میں مہنگائی بڑھنے کی سالانہ شرح 3.46 فیصد رہی جب کہ جولائی 2024 تا مئی 2025 میں اوسط مہنگائی کی شرح 4.61 فیصد رہی۔رپورٹ میں بتایا گیا کہ اپریل کے مقابلے میں ماہانہ بنیادوں پر مئی میں شہروں میں مہنگائی میں 0.07 فیصد کا اضافہ ہوا جب کہ گزشتہ ماہ دیہات میں ماہانہ بنیادوں پر مہنگائی کی شرح میں 0.53 فیصد کمی ہوئی۔
مئی میں شہروں میں مہنگائی کی شرح 3.51 فیصد رہی، گزشتہ ماہ دیہات میں مہنگائی کی شرح 3.39 فیصدریکارڈکی گئی۔خیال رہے کہ رواں مالی سال کے پہلے 11 ماہ جولائی تا مئی کے دوران ملک میں اوسط مہنگائی کی شرح 4.61 فیصد رہی۔
ذریعہ: Al Qamar Online
کلیدی لفظ: میں مہنگائی کی شرح فیصد رہی مئی کے کی گئی
پڑھیں:
بجٹ 2025 میں تنخواہ دار طبقے کیلئے خوشخبری، آئی ایم ایف نے رضا مندی ظاہر کردی
اسلام آباد(نیوز ڈیسک) تنخواہ دار طبقے سے وابستہ کروڑوں پاکستانیوں کیلئے خوشخبری سامنے آگئی۔ بین الاقوامی مالیاتی فنڈ (آئی ایم ایف) نے حکومتِ پاکستان کی جانب سے دی گئی تجاویز پر نرمی برتتے ہوئے انکم ٹیکس کی شرح میں کمی پر رضامندی ظاہر کر دی۔
ذرائع کے مطابق مجوزہ نئے انکم ٹیکس اسلاب کے تحت مختلف ماہانہ تنخواہوں پر ٹیکس کی شرح کچھ اس طرح مقرر کیے جانے کا امکان ہے۔ ماہانہ 1 لاکھ روپے آمدن پر ٹیکس کی شرح 2.5 فیصد رکھی جائے گی۔ ماہانہ 1 لاکھ 83 ہزار روپے آمدن پر 12.5 فیصد انکم ٹیکس لاگو ہو سکتا ہے۔ جن افراد کی تنخواہ 2 لاکھ 67 ہزار روپے ماہانہ ہوگی، ان پر 22.5 فیصد انکم ٹیکس لاگو کرنے کی تجویز ہے۔
3 لاکھ 33 ہزار روپے تک کی ماہانہ تنخواہ رکھنے والوں پر 27.5 فیصد ٹیکس عائد ہو سکتا ہے جبکہ 3 لاکھ 33 ہزار روپے سے زائد آمدن والے افراد پر انکم ٹیکس کی شرح 32.5 فیصد تک ہو سکتی ہے۔
یہ مجوزہ شرحیں آئندہ مالی سال 2024-25 کے بجٹ کا حصہ بننے کا امکان رکھتی ہیں اور اگر ان پر اتفاق ہو گیا تو یہ لاکھوں متوسط اور اعلیٰ آمدنی والے ملازمین کو متاثر کریں گی۔ اس اقدام سے حکومت کو محصولات بڑھانے میں مدد ملے گی جبکہ کم آمدن والے ملازمین کو کچھ ریلیف ملنے کی امید ہے۔
آئندہ چند دنوں میں بجٹ کی حتمی شکل سامنے آنے کی توقع ہے، جس میں انکم ٹیکس کے نئے اسلاب اور دیگر اقتصادی اصلاحات کا باضابطہ اعلان کیا جائے گا۔
اسلام آباد سمیت ملک بھر میں بارشوں کا امکان، موسمیات نے الرٹ جاری کردیا
استحکام پاکستان و بنیان مرصوص کانفرنس؛ علما کا پاک فوج سے اظہار یکجہتی