حیدرآباد :عیدالاضحی عقیدت و احترام سے منائی گئی
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)ملک بھر کی طرح حیدآباد میں بھی عید الاضحی مذہبی جوش وجذبہ اور عقیدت واحترام کے ساتھ منائی گئی ،اس حوالے سے حیدرآباد شہر سمیت ضلع بھر میں بڑی عید گاہوںاور مساجد و چھوٹے بڑے مقامات پر نماز عیدکے سیکڑوںاجتماعات منعقد ہوئے جبکہ نماز عیدالاضحی کے سب سے بڑے اجتماعات حیدرآباد کی مرکزی عید گاہ رانی باغ، قلعہ گرائونڈ ،باغ مصطفی گرائونڈ، افضا ل گر ائو نڈ اوراکبر ی گرائو نڈ لطیف آباد میں منعقد ہوئے۔نماز عید کے اجتماعات میں لاکھوں فرزندان توحید نے عید گاہوں، مساجد ، امام بارگاہوں اورکھلے مقامات پر نماز عید ادا کی اور نماز عید کے خطبہ کے بعد ملک کی سلامتی و استحکام ، ترقی ، خوشحالی ، امن وامان اورشہداء پاکستان سمیت فلسطین کے مسلمانوں کیلئے خصوصی دعائیں کی گئیں ، نماز کی ادائیگی کے بعد لاکھوں شہریوں نے سنت ابراہیمی کی پیروی کرتے ہوئے گائے ، بکرا ،دنبہ اور اونٹ کی قربانیاںکیں اور یہ سلسلہ عید کے تینوں دن جاری رہا جبکہ قربانی کے جانوروں کی قیمتوں میں اضافہ کے باعث شہریوں کی بڑی تعداد نے اجتماعی قربانیوں میں حصہ لیا۔ عید الاضحی کے موقع پر حیدرآباد انتظامیہ اور پولیس کی جانب سے سخت حفاظتی انتظامات کئے گئے تھے جس کے تحت حیدرآباد ضلع کے تمام داخلی و خارجی راستوں پر پولیس کی نفری میں اضافہ کرکے آنے جانے والوں کی سختی سے چیکنگ کرنے سمیت نماز عیدکے اجتماعات کے دوران پولیس اہلکاروں اور افسران سمیت پولیس کمانڈوز نے اپنے فرائض انجام دیئے اسی طرح عید کے تینوں روز ریلوے اسٹیشن، بس اڈوں اور شہر کے داخلی و خارجی راستوں پر بھاری نفری تعینات کر کے چیکنگ سخت کی گئی اور شہر بھر میں رینجرز و پولیس موبائلوں کا گشت بھی جاری رہا ضلعی اعلی سطحی پولیس افسران نے عیدالاضحی کی نماز پولیس ہیڈکوارٹر میں ادا کی حیدرآباد پولیس کا مرکزی عید اجتماع پولیس ہیڈکوارٹر حیدرآباد میں ہوا جس میں ڈپٹی انسپیکٹر جنرل آف پولیس طارق رزاق دھاریجو، ایس ایس پی حیدرآباد عدیل حسین چانڈیو اور ایس ایس پی انویسٹیگیشن حیدرآباد عبداللہ میمن سمیت دیگر افسران نے عیدالاضحی کی نماز ادا کی پولیس کے چاق و چوبند دستے نے ڈپٹی انسپیکٹر جنرل آف پولیس اور ایس ایس پی حیدرآباد کو سلامی پیش کی اعلیٰ افسران کیساتھ پولیس افسران و جوانوں اور شہریوں نے نماز عید ادا کی، نماز کے آخر میں شہر حیدرآباد میں امن و امان اور پولیس کے حق میں دعا خیر کی گئی۔
.ذریعہ: Jasarat News
پڑھیں:
پشاورتھانے میں دھماکا، اہلکار شہید۔ہنگو میں ایس ایچ او سمیت 2 اہلکار زخمی
data-id="863a0a8" data-element_type="widget" data-widget_type="theme-post-content.default">
251103-01-20
راولپنڈی /میران شاہ /پشاور /ہنگو (مانیٹرنگ ڈیسک)پشاور تھانے میں دھماکے سے اہلکار شہید ہوگیا۔ ہنگو میں بم دھماکے ایس ایچ او سمیت 2 اہلکار زخمی ہوگئے۔ شمالی وزیرستان میں پاک ،افغان سرحد کے قریب فورسز کی کارروائی میں 2 خوارج ہلاک اور5 زخمی ہوگئے۔ تفصیلات کے مطابقشمالی وزیرستان میں پاکستان،افغانستان سرحد کے قریب سیکورٹی فورسز نے اہم کارروائی کرتے ہوئے 2 خوارج کو ہلاک کر دیا۔سیکورٹی ذرائع نے بتایا کہ خوارج کے خلاف کارروائی خفیہ معلومات کی بنیاد پر عمل میں لائی گئی، اس دوران فائرنگ کے تبادلے میں 2 خوارج ہلاک ہوئے‘ ہلاک ہونے والے خوارج میں سے ایک کا تعلق افغان طالبان سے ہے۔مزید بتایا گیا کہ کامیاب کارروائی میں مزید 2 خوارج کے ہلاک اور 4 سے 5 کے زخمی ہونے کی بھی اطلاعات ہیں۔ خیبر پختونخوا کے ضلع ہنگو کے علاقے دوآبہ میں پولیس قافلے پر آئی ای ڈی حملے کے نتیجے میں ایس ایچ اوعمران الدین سمیت 3 اہلکار زخمی ہوگئے۔ پولیس قافلے کو نشانہ اس وقت بنایا گیا جب پولیس افسران سرچ آپریشن سے واپس آ رہے تھے۔پولیس نے بتایا کہ دھماکے کے نتیجے میں ایس ایچ او تھانہ دوآبہ عمران الدین سمیت زخمی اہلکاروں کو فوری طور پر ڈی ایچ کیو اسپتال ہنگو منتقل کر دیا گیا۔ پشاور میں سی ٹی ڈی پولیس اسٹیشن کے اندر دھماکے کے نتیجے میں ایک اہلکار شہید اور 2 زخمی ہوگئے۔ ابتدائی اطلاعات کے مطابق دھماکا پولیس اسٹیشن کے اسلحہ خانے میں موجود پرانے بارودی مواد کے پھٹنے کے نتیجے میں ہوا۔ دھماکے کے بعد آگ لگ گئی جو دیگر گولہ بارود تک بھی پھیل گئی، جس سے مزید دھماکے ہوئے۔ تمام ملزمان کو حوالات سے بحفاظت نکال لیا گیا۔
پشاور: گورنر خیبر پختونخوا فیصل کریم کنڈی سی ٹی ڈی تھانے میں دھماکے سے شہید اہلکار کی نماز جناز ہ کے بعد دعا کررہے ہیں، چھوٹی تصویر میں سی ٹی ڈی تھانے کے اسلحہ خانے میں دھماکے بعد شعلے بلند ہورہے ہیں
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف