ٹرمپ کی پاکستان اور بھارت کے درمیان کشمیر تنازع پر ثالثی کی باضابطہ پیشکش
اشاعت کی تاریخ: 13th, June 2025 GMT
اسلام آباد (اُردو پوائنٹ ۔ DW اردو۔ 13 جون 2025ء) امریکی صدر ڈونلڈ ٹرمپ نے جمعرات کو اصرار کیا کہ وہ حالیہ لڑائی کے بعد بھارت اور پاکستان کو ایک ساتھ میز پر لائیں گے، اور کہا کہ وہ ’’ہر مسئلے کو حل کر سکتے ہیں۔‘‘
گزشتہ ماہ امریکی سفارت کاری نے جوہری ہتھیاروں سے لیس دیرینہ مخالفین کے درمیان چار روز تک جاری رہنے والی لڑائی کو ختم کر دیا تھا اور فائر بندی کرانے میں مدد کی تھی۔
صدر ٹرمپ کی مسئلہ کشمیر کے حل کے لیے مدد کی پیشکش
امریکی وزیر خارجہ مارکو روبیو نے فائر بندی کا اعلان کرتے ہوئے کہا تھا کہ دونوں ممالک نے ’’غیر جانبدار مقام پر وسیع مسائل پر بات چیت شروع کرنے پر اتفاق کیا ہے۔‘‘
پاکستان نے اس بیان کا خیرمقدم کیا تھا، جو طویل عرصے سے کشمیر پر بین الاقوامی کردار کا خواہاں ہے، لیکن بھارت، جس کے امریکہ کے ساتھ گرمجوش تعلقات ہیں، نے زیادہ محتاط ردعمل ظاہر کیا۔
(جاری ہے)
ٹرمپ نے کیا کہا؟یہ پوچھے جانے پر کہ کیا فائر بندی کے ایک ماہ بعد بھارت اور پاکستان کے درمیان بات چیت کا کوئی منصوبہ باقی ہے، ٹرمپ نے کہا، ’’آپ کو معلوم ہونا چاہیے کہ ہم ان دونوں کو اکٹھا کرنے جا رہے ہیں۔‘‘
صدر ٹرمپ مسئلہ کشمیر پر ثالثی کرسکتے ہیں، امریکی محکمہ خارجہ
انہوں نے نامہ نگاروں کو بتایا، ’’میں نے ان (بھارت اور پاکستان) سے کہا کہ ان کی کشمیر پر دیرینہ دشمنی ہے۔
میں ان سے کہنا چاہتا ہوں کہ میں ہر مسئلے کو حل کر سکتا ہوں۔ میں آپ کا ثالث بنوں گا۔‘‘خیال رہے کہ ٹرمپ نے اس سے قبل کہا تھا کہ ’’میں آپ دونوں (بھارت اور پاکستان) کے ساتھ مل کر دیکھوں گا کہ کیا 'ہزار سال‘ کے بعد کشمیر کے بارے میں کوئی حل نکالا جا سکتا ہے۔‘‘
’مودی کا موڈ ٹھیک نہیں ہے‘: ٹرمپ
ٹرمپ نے یہ بات بھی متعدد بار دہرائی ہے کہ انہوں نے بھارت اور پاکستان کے رہنماؤں پر دباؤ ڈال کر فائر بندی کرائی تھی۔
انہوں نے کہا تھا،’’پاکستان اور بھارت جوہری جنگ کی طرف بڑھنے والے تھے لیکن میں نے انہیں روکا، میں نے دونوں رہنماؤں کو فون کیا، ان سے بات کی اور کہا کہ اگر آپ جنگ کریں گے تو آپ ہمارے ساتھ تجارت نہیں کر سکیں گے۔‘‘ بھارت کا موقفبھارت خوبصورت ہمالیائی خطہ کشمیر، جس میں مسلم اکثریت ہے لیکن ایک بڑی ہندو اقلیت بھی ہے، پر کسی بھی بیرونی ثالثی کو مسترد کرتا ہے۔
بھارتی وزارت خارجہ کے ترجمان رندھیر جیسوال نے 29 مئی کو نامہ نگاروں کو بتایا کہ ’’بھارت اور پاکستان کے درمیان کشمیر کے مسئلے پر کوئی بھی بات چیت دو طرفہ ہونی چاہئے۔‘‘
اس کے ساتھ ہی انہوں نے واضح لفظوں میں کہا کہ ’’مذاکرات اور دہشت گردی ایک ساتھ نہیں چل سکتے۔‘‘
خیال رہے بندوق برداروں نے 22 اپریل کو بھارت کے زیر انتظام کشمیر کے پہلگام میں 26 سیاحوں کا قتل کیا، جن میں سے زیادہ تر ہندو تھے۔
اس واقعے کو اس خطے میں کئی دہائیوں میں شہریوں پر سب سے مہلک حملہ قرار دیا گیا۔بھارت نے پاکستان پر حملہ آوروں کی پشت پناہی کا الزام لگایا اور اس کے جواب میں فوجی کارروائی شروع کی۔ پاکستان اس میں ملوث ہونے کی تردید کرتا ہے اور بھارت پر کشیدگی بڑھانے کا الزام لگاتا ہے۔
ادارت: صلاح الدین زین
.ذریعہ: UrduPoint
کلیدی لفظ: تلاش کیجئے بھارت اور پاکستان کے درمیان فائر بندی کشمیر کے انہوں نے کہا کہ
پڑھیں:
چترال سے نکلنے والے دریائے کنڑ پر بھارت کی افغان طالبان کو ڈیم بنانے میں مدد کی پیشکش
data-id="863a0a8" data-element_type="widget" data-widget_type="theme-post-content.default">
بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔
غیرملکی خبرایجنسی کے مطابق گزشتہ دنوں افغانستان میں برسراقتدار طالبان رجیم کے سپریم لیڈر ملا ہیبت اللہ اخوندزادہ نے وزارت توانائی کو چترال سے نکلنے والے دریائے کنڑ پر جلد از جلد ڈیم کی تعمیر شروع کرنے کا حکم دیا تھا۔
افغان میڈیا کے مطابق سپریم لیڈر ملا ہیبت اللہ اخوندزادہ نے کہا تھا کہ ڈیم کیلئے ملکی کمپنیوں کے ساتھ معاہدے کیے جائیں اور غیر ملکی کمپنیوں کا انتظار نہ کیا جائے۔
اب بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔
بھارتی وزارت خارجہ کے ترجمان رندھیر جیسوال نے ہفتہ وار پریس کانفرنس میں ایک سوال کے جواب میں کہا کہ بھارت ہائیڈروالیکٹرک پروجیکٹس کی تعمیر میں افغانستان کی مدد کیلئے تیار ہے، دونوں ممالک میں پانی سے متعلق معاملات میں تعاون کی ایک تاریخ ہے، ہرات میں سلما ڈیم کی مثال موجود ہے۔
دوسری جانب افغان طالبان نے بھارتی اعلان کا خیرمقدم کیا اور قطر میں طالبان کے سفیر سہیل شاہین نے دی ہندو سے گفتگو میں کہا کہ دونوں ممالک کے درمیان تعاون کے بہت سے مواقع موجود ہیں۔
خیال رہے کہ دریائے کنڑ چترال سے نکلتا ہے اور تقریباً 482 کلومیٹر کا سفر طے کرنے کے بعد دریائے کابل میں شامل ہو کر واپس پاکستان آتا ہے۔
افغانستان دہشت گردوں کو پاکستان پر حملوں سے نہیں روک سکتا تو کیسا بھائی چارہ، طاہر اشرفی