ایران پر اسرائیل کا حملہ عالمی قوانین کی کھلم کھلا خلاف ورزی ہے ،آزاد اور خود مختار فلسطینی ریاست قائم ہوکر رہے گی ، طاہر محمود اشرفی
اشاعت کی تاریخ: 13th, June 2025 GMT
لاہور (اُردو پوائنٹ اخبارتازہ ترین - اے پی پی۔ 13 جون2025ء) چیئرمین پاکستان علماء کونسل حافظ محمد طاہر محمود اشرفی نے کہا ہے کہ ایران پر اسرائیل کا حملہ عالمی قوانین کی کھلم کھلا خلاف ورزی ہے ،پاکستان، سعودی عرب اور پوری امت مسلمہ نے ایران پر اسرائیلی حملے کی بھر پور مذمت کی ،ایران پر اسرائیلی حملہ گریٹر اسرائیل منصوبے کا حصہ ہے ،عالمی اداروں کو خطے میں امن کی فضا کو برقرار رکھنے کیلئے اسرائیلی جارحیت کو روکنا چاہیے ،سعودی عرب نے بہترین حج انتظامات کرنے پر پاکستان کو ایوارڈ سے نوازا۔
ان خیالات کا اظہار انہوں نے جمعہ کے روزیہاں گرینڈ جامعہ مسجد بحریہ ٹائون میں پریس کانفرنس کرتے ہوئے کیا ۔طاہر محمود اشرفی نے کہا کہ یہ بات واضح ہے کہ اسرائیل نے ایران پر حملہ کر کے عالمی قوانین اور اقوام متحدہ کے چارٹر کی خلاف ورزی کی ہے اور یہ حملہ ایران کی سلامتی اور خودمختاری پر کیا گیا ہے جس کی پاکستان سمیت پوری امت مسلمہ نے بھر پور الفاظ میں مذمت کی ہے۔(جاری ہے)
انہوں نے کہا کہ ایران پر اسرائیل کا حملہ گریٹر اسرائیل منصوبے کا حصہ ہے ،اس منصوبے کو مکمل کرنے کے لئے ماضی میں اسرائیل نے لبنان ،شام اور فلسطین پر حملے کئے ،پاکستان کی بہادر افواج نے بھارت کومنہ توڑ جواب دے کر یہ ثابت کردیا کہ پاکستان کا دفاع مضبوط ہاتھوں میں ہے ،پاک افواج نے آپریشن ''بنیان مرصوص'' کے تحت دشمن کے طیاروں کو مار گرایا جس سے بھارت کو بھاری نقصان اٹھانا پڑا۔طاہر اشرفی نے کہا کہ سعودی عرب اور پاکستان سمیت تمام اسلامی ممالک نےایران پر اسرائیلی حملے کی مذمت کی ہے ،اقوام متحدہ اور امن قائم رکھنے والے عالمی اداروں سے مطالبہ کرتے ہیں کہ بھارت اور اسرائیل دونوں ممالک دنیا کے امن سے کھیلنا چاہتے ہیں اور خطے میں امن و خوشحالی کے لئے بہت بڑی رکاوٹ ہیں لہذا عالمی تنظیمیں ان دونوں ممالک کی جارحیت کو روکنے کے لئے اقدامات کریں۔ انہوں نے کہا کہ غزہ اور کشمیر میں جس طرح انسانی حقوق کی پامالی کی جارہی ہے اور مسلمانوں کی نسل کشی کی جا رہی ہے، امت مسلمہ بھارت اور اسرائیل کو اس کی ہر گز اجازت نہیں دے گی۔ انہوں نے کہا کہ پاکستان اپنے برادر اسلامی ممالک کے معاملات کے حوالے سے بڑا واضح مو قف رکھتا ہے،جو سازشی عناصر پاکستان میں فرقہ واریت کو ہوا دینا چاہتے ہیں اور مسلم ممالک کو آپس میں لڑانے کی سازشوں میں مصروف عمل ہیں ان کے لئے یہ پیغام ہے کہ پوری امت مسلمہ آپس میں متحد ہے ، اسرائیل اور بھارتی جارحیت کو کسی صورت قبول نہیں کیا جا ئے گا ۔چیئرمین علما ء کونسل نے کہا کہ اللہ تعالیٰ نے اپنے فضل و کرم سے حج کے معاملات مکمل کرائے جس پر سعودی اور پاکستان کی حکو متیں مبارک باد کی مستحق ہیں ،سعودی عرب نے جس طرح حج کے دوران بہترین انتظامات کرنے پر دنیا کے دیگر ممالک کو ایوارڈ سے نوازا اسی طرح مو ثر انتظامات کرنے پر پاکستان کو بھی ایوارڈ سے نوازا ہے یہ ایوارڈ صرف حکومت پاکستان یا وزارت مذہبی امور کا نہیں بلکہ پوری پاکستانی قوم کا ہے ۔طاہر اشرفی نے کہا کہ اقوام متحدہ میں ایک کانفرنس منعقد کی جارہی ہے جس میں آزاد اور خو مختار فلسطینی ریاست کے قیام کے حوالے سے اہم فیصلے کئے جائیں گے ،اس کانفرنس کو ناکام کرنے کیلئے اسرائیل نے ایران پر حملے کئے ہیں لیکن اللہ کے فضل وکرم سے ایک آزاد اور خود مختار فلسطینی ریاست قائم ہو کررہے گی جس کا دارالخلافہ ''القدس'' ہو گا۔انہوں نے مزید کہا کہ پاک بھارت جنگ کے دوران پوری پاکستانی قوم نے جس اتحاد کا مظاہرہ کیا دنیا میں اس کی مثال نہیں ملتی،آج پھر پوری پاکستانی قوم کو ایران پر اسرائیلی جارحیت کے خلاف متحد ہونے کی ضرورت ہے ۔.
ذریعہ
ذریعہ: UrduPoint
کلیدی لفظ: تلاش کیجئے ایران پر اسرائیلی ایران پر اسرائیل اشرفی نے کہا نے کہا کہ انہوں نے کے لئے
پڑھیں:
پاکستان اور اٹلی کے درمیان سفارتی پاسپورٹ ہولڈرز کے لیے ویزا فری سفر کا نیا معاہدہ
پاکستان اور اٹلی نے باہمی تعلقات کو مزید مضبوط بناتے ہوئے سفارتی پاسپورٹ رکھنے والوں کے لیے ویزا کی شرط ختم کرنے کے ایک تاریخی معاہدے پر دستخط کر دیے ہیں۔ اس معاہدے کو دونوں ممالک کے سفارتی تعلقات میں ایک انتہائی اہم موڑ قرار دیا جا رہا ہے۔
معاہدے پر دستخط کی تقریب اور اہم ملاقاتاٹلی کے دارلحکومت روم میں منعقدہ ایک پروقار تقریب کے دوران اٹلی میں تعینات پاکستانی سفیر علی جاوید اور اٹلی کی وزارتِ خارجہ کے سیکریٹری جنرل ریکارڈو گوارگلیا نے اس اہم معاہدے پر دستخط کیے۔
یہ بھی پڑھیں:پاکستان اٹلی سے دفاعی تعاون کے فروغ اور باہمی تجربے سے مستفید ہونا چاہتا ہے، وزیردفاع
دستخطی تقریب سے قبل دونوں اعلیٰ حکام کے درمیان ایک تفصیلی دو طرفہ ملاقات بھی ہوئی، جس میں باہمی دلچسپی کے امور، علاقائی صورتحال اور بین الاقوامی فورمز، خصوصاً اقوام متحدہ اور یورپی یونین میں تعاون کا تفصیلی جائزہ لیا گیا۔
باہمی اعتماد اور سفارتی وفود کا تبادلہسرکاری بیان کے مطابق دونوں فریقین نے وسعت اور مثبت سمت پر گامزن پاک، اٹلی تعلقات پراطمینان کا اظہار کیا۔ حکام کا کہنا ہے کہ یہ نیا معاہدہ دونوں ممالک کے درمیان موجود گہرے باہمی اعتماد، لازوال دوستی اور قریبی تعاون کی واضح علامت ہے۔ اس اقدام سے سرکاری اور سفارتی وفود کے تبادلوں میں حائل رکاوٹیں دور ہوں گی اور عوامی و حکومتی سطح پر روابط کو مزید فروغ ملے گا۔
پاک، اٹلی تعلقات کا تاریخی فریم ورکپاکستان اور اٹلی کے درمیان طویل عرصے سے مختلف شعبوں میں قریبی تعاون جاری ہے۔ اس وقت دونوں ممالک کے مابین 15 سرکاری معاہدے نافذ العمل ہیں، جو سیاحت، ثقافت، سائنس و ٹیکنالوجی، کھیل، اعلیٰ دفاعی تعلیم اور انسدادِ منشیات جیسے شعبوں کا احاطہ کرتے ہیں۔ اس کے علاوہ، دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (ایم او یوز) بھی فعال ہیں۔
مزید پڑھیں:پاکستانی طالب علم اٹلی میں مفت اسکالرشپ اور لاکھوں روپے کیسے حاصل کرسکتے ہیں؟
دو طرفہ تعلقات کے اہم فریم ورک میں 2009 کا دفاعی تعاون معاہدہ، 2013 میں قائم کیا گیا اسٹریٹجک انگیجمنٹ پلان اور 2005 میں تشکیل دی گئی مشترکہ اقتصادی کمیشن شامل ہیں۔
اس سے قبل 1997 کا سرمایہ کاری تحفظ معاہدہ، 1983 کا دوہری شہریت کا معاہدہ اور 1972 کا حوالگیِ مجرمان معاہدہ بھی دونوں ممالک کے تعلقات میں اہم سنگِ میل سمجھے جاتے ہیں۔
پاکستانیوں کے لیے ’لیبر مائیگریشن‘ معاہدہ اور ملازمتیںرپورٹ کے مطابق 7 مئی 2025 کو اسلام آباد میں دونوں ممالک کے درمیان ’لیبر موبیلٹی اینڈ مائیگریشن‘ کی ایک اہم ترین یادداشت پر دستخط کیے گئے تھے۔ یہ کسی بھی یورپی ملک کے ساتھ پاکستان کا پہلا باضابطہ لیبر معاہدہ تھا، جس کے تحت پاکستانی ہنر مندوں کے لیے اٹلی میں 10,500 مخصوص ملازمتوں کے مواقع فراہم کیے گئے ہیں، جو پاکستانی افرادی قوت کے لیے ایک بڑی کامیابی ہے۔
سال 2026 کے اختتام پر اہم مذاکرات کی تیاریملاقات کے دوران سفیر علی جاوید نے سیکریٹری جنرل ریکارڈو گوارگلیا کو پاکستان کے دورے کی دعوت دی تاکہ دونوں ممالک کے درمیان ’دو طرفہ سیاسی مشاورت‘ کے ساتویں دور کا انعقاد کیا جا سکے۔ انہوں نے بتایا کہ پاکستان سال 2026 کی آخری سہ ماہی میں ان مذاکرات کی میزبانی کے لیے مکمل طور پر تیار ہے۔
اس کے ساتھ ہی انہوں نے اسلام آباد میں اٹلی کے نئے تعمیر شدہ سفارت خانے کے جلد افتتاح کی خواہش کا بھی اظہار کیا، جو کہ دنیا بھر میں اٹلی کا سب سے بڑا سفارتی مشن ہوگا۔ یہ تمام اقدامات مستقبل میں دونوں ممالک کو معاشی، سفارتی اور عوامی سطح پر ایک دوسرے کے مزید قریب لے آئیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹلی اہم مذاکرات پاسپورٹ پاکستان علی جاوید لیبر مائیگریشن معاہدہ ملازمین
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ