شان پولاک کی جذباتی کمنٹری، ڈبلیو ٹی سی فتح پر فخر کا اظہار
اشاعت کی تاریخ: 14th, June 2025 GMT
data-id="863a0a8" data-element_type="widget" data-widget_type="theme-post-content.default">
ورلڈ ٹیسٹ چیمپئن شپ کے فائنل میں جنوبی افریقا کی آسٹریلیا کے خلاف شاندار جیت نے نہ صرف مداحوں کو جوش دلایا بلکہ لیجنڈری بولر شان پولاک بھی اپنی خوشی پر قابو نہ رکھ سکے۔ جیسے ہی وکٹ کیپر بیٹر کائل ویرین نے فاتحانہ شاٹ کھیلا، پولاک کمنٹری باکس میں کھڑے ہو گئے اور دیر تک قومی ٹیم کی جیت پر بات کرتے رہے۔
شان پولاک نے جذبات سے لبریز آواز میں کہا کہ “یہ جنوبی افریقا کے لیے ایک تاریخی لمحہ ہے۔ ہم نے ایک بڑی اور مضبوط ٹیم کو شکست دی ہے۔ برسوں سے ہم پر یہ سوال اٹھایا جاتا رہا کہ ہم آئی سی سی ایونٹس کیوں نہیں جیتتے، لیکن آج وہ سوال ختم ہو گیا ہے۔”
سابق پروٹیز بولر نے مزید کہا کہ “ہماری ٹیم نے ہمت دکھائی، اعتماد کے ساتھ میدان میں اتری، اور ایک مضبوط حریف کے خلاف ڈٹ کر کھیلی۔ یہ 2025 کی کلاس ہے، اور اب جنوبی افریقا آئی سی سی ٹیسٹ چیمپئن ہے۔”
شان پولاک کا کہنا تھا کہ “مجھے یقین ہے کہ اس وقت جنوبی افریقا کی سڑکوں پر لوگ جشن منا رہے ہوں گے، رقص کر رہے ہوں گے۔ رینبو نیشن اپنے پروٹیز یونٹ پر فخر کر رہی ہوگی۔”
جنوبی افریقا کی اس تاریخی جیت نے نہ صرف ان کی کرکٹ تاریخ میں ایک نیا باب رقم کیا، بلکہ سابق لیجنڈز کے دل بھی جیت لیے.
ذریعہ: Jasarat News
کلیدی لفظ: جنوبی افریقا
پڑھیں:
جنوبی وزیرستان اپر میں کرفیو نافذ کردیا گیا، نوٹیفکیشن جاری
ڈپٹی کمشنر عصمت اللہ وزیر نے کہا کہ جنوبی وزیرستان اپر کے تمام بازار، مارکیٹس اور تجارتی مراکز کل مکمل طور پر بند رہیں گے، جبکہ سراروغہ، کوٹکائی، سپینکئی راغزئی تا نظر خیل تک تمام راستے کرفیو کے دوران بند رہیں گے۔ اسلام ٹائمز۔ اپر جنوبی وزیرستان ضلع بھر میں دوسرے روز بھی کرفیو نافذ کرنے کا فیصلہ کیا گیا ہے جس کا نوٹی فکیشن جاری کردیا گیا۔ تفصیلات کے مطابق ضلعی انتظامیہ کی جانب سے جاری نوٹی فکیشن میں کہا گیا ہے کہ جنوبی وزیرستان اپر کرفیو کے دوران ضلع بھر میں تمام قسم کی نقل و حرکت پر مکمل پابندی رہے گی۔ ڈپٹی کمشنر عصمت اللہ وزیر نے کہا کہ جنوبی وزیرستان اپر کے تمام بازار، مارکیٹس اور تجارتی مراکز کل مکمل طور پر بند رہیں گے، جبکہ سراروغہ، کوٹکائی، سپینکئی راغزئی تا نظر خیل تک تمام راستے کرفیو کے دوران بند رہیں گے۔ اس کے علاوہ درگئی پل، مدی جان، شین ورسک تا مولا خان سرائے و چگملائی تک نقل و حرکت پر سخت پابندی ہوگی اور سرویکئ تا مولے خان سرائے اور بروند کی جانب راستے کرفیو کے دوران بند رکھے جائیں گے۔
تیارزہ تا توروام کے تمام راستے کرفیو کے دوران بند رہیں گے۔ صرف ایمرجنسی میں پولیس یا فورسز کی اجازت سے، شناختی کارڈ اور کاغذات جمع کروا کر سفر ممکن ہوگا۔ سیکیورٹی فورسز کی گاڑی دیکھ کر شہری اپنی گاڑی 100 میٹر فاصلے پر سڑک سے نیچے اتارنے کے پابند ہوں گے۔ نوٹی فکیشن میں ڈیرہ اسماعیل خان اور ٹانک سے سفر کرنے والے شہریوں کو 28 جولائی کو ضلع آمد سے گریز کی ہدایت بھی کی گئی ہے۔
مرد نے پارٹنر اور اسکی 3 سالہ بیٹی کو گلا گھونٹ کر قتل کیا، لپ اسٹک سے دیوار پر اعتراف جرم تحریر کیا