وزیراعظم کا ترک صدر کو فون، عالمی برادری سے اسرائیل کو غیرقانونی اقدامات سے روکنے کا مطالبہ
اشاعت کی تاریخ: 14th, June 2025 GMT
اسلام آباد:
وزیراعظم شہباز شریف اور ترک صدر رجب طیب اردوان نے ایران پر اسرائیلی حملوں کی مذمت کرتے ہوئے اقوام متحدہ اور عالمی برادری سے مطالبہ کیا ہے کہ وہ اسرائیل کو ایران، فلسطین اور خطے کے دیگر ممالک کے خلاف غیرقانونی کارروائیوں اور جارحیت سے فوری روکے۔
وزیراعظم آفس سے جاری اعلامیے کے مطابق وزیراعظم شہباز شریف نے ترکیے کے صدر رجب طیب اردوان سے ٹیلی فون پر گفتگو کی اور اس دوران دونوں رہنماؤں نے اسرائیل کی جانب سے بلااشتعال اور بلاجواز ایران پر جارحیت مسلط کرنے کے بعد خطے میں پیدا ہونے والی پریشان کن صورت حال پر تبادلہ خیال کیا اور اسرائیل کے حملوں کی مذمت کی۔
بیان میں کہا گیا کہ دونوں رہنماؤں نے اتفاق کیا کہ اسرائیل نے فوجی حملوں سے ایران کی خود مختاری اور سرحدی سالمیت کی خلاف ورزی کی ہے، جو اقوام متحدہ کے چارٹر اور بین الاقوامی قانون کی بھی کھلم کھلا خلاف ورزی ہے۔
وزیراعظم شہباز شریف اور صدر اردوان نے کہا کہ اسرائیل کی جارحیت سے علاقائی اور بین اقوامی امن و سلامتی کو داؤ پر لگا دیا ہے۔
دونوں رہنماؤں نے فلسطینی عوام کے خلاف اسرائیلی جارحیت کی بھی شدید مذمت کی اور مطالبہ کیا کہ اقوام متحدہ اور عالمی برادری اسرائیلی اقدامات کا فوری نوٹس لے۔
دونوں رہنماؤں نے عالمی برادری اور اقوام متحدہ پر زور دیا کہ وہ مشترکہ اقدامات کریں اور اسرائیل پر دباؤ ڈالیں کہ وہ ایران، فلسطین اور خطے کے دیگر ممالک کے خلاف غیرقانونی کارروائیاں اور جارحیت فوری ختم کرے۔
اس موقع پر وزیراعظم شہباز شریف نے کہا کہ پاکستان اقوام متحدہ، او آئی سی سمیت تمام فورمز پر قیام امن کے لیے کردار ادا کرتا رہے گا، استنبول میں ہونے والے او آئی سی وزرائے خارجہ اجلاس میں پاکستان کی نمائندگی نائب وزیراعظم اور وزیرخارجہ اسحاق ڈار کریں گے۔
وزیراعظم شہباز شریف نے ترک صدر اردوان کو اسلامی تعاون یوتھ فورم کی جانب سے اعزاز ملنے پر مبارک باد دی۔
وزیراعظم شہباز شریف اور ترک صدر نے خطے میں قیام امن کے لیے قریبی رابطے میں رہنے پر اتفاق کیا۔
.ذریعہ: Express News
کلیدی لفظ: وزیراعظم شہباز شریف عالمی برادری اقوام متحدہ
پڑھیں:
وزیراعظم کی ترکیہ، آذربائیجان کے صدور کیساتھ چہل قدمی
لاہور/ اسلام آباد:وزیراعظم شہباز شریف، ترکیہ کے صدر رجب طیب ایردوان اور آذربائیجان کے صدر الہام علیوف نے خانکندی میں اقتصادی تعاون تنظیم کے سربراہی اجلاس کے بعد چہل قدمی کی۔
آذربائیجان کے صدر نے وزیرِ اعظم اور ترک صدر کو خانکندی کی تاریخ اور تاریخی عمارتوں کے بارے میں آگاہ کیا۔ اس موقع پر تینوں رہنماؤں نے غیر رسمی اور خوشگوار گفتگو بھی۔ تینوں رہنماؤں نے گفتگو کے دوران ہاتھ تھام کر پاکستان، ترکیہ اور آذربائیجان کے درمیان مثالی برادرانہ تعلقات اور یکجہتی کا اظہار کیا۔
بعد ازاں آذربائیجان کے صدر الہام علیوف وزیرِ اعظم کو خود گاڑی چلا کر شوشا میں ظہرانے پر لے کر گئے۔ شہبازشریف آذربائیجان کا2 روزہ دورہ مکمل کرکے وطن واپس پہنچ گئے۔
وطن واپسی کے بعد وزیراعظم لاہور ماڈل ٹائون میں اپنی رہائش گاہ پہنچ گئے۔ دیہی آبادی کی ترقی کے عالمی دن پر اپنے پیغام میں شہباز شریف نے کہا ہماری حکومت دیہی ترقی کو قومی ترقی کے کلیدی ستون کے طور پر ترجیح دے رہی ہے، پائیدار ترقی کے اہداف کے مطابق ہم زراعت، تعلیم، صحت کی دیکھ بھال، انفراسٹرکچر، ہنر کی تربیت اور ماحولیاتی پائیداری کے اہداف، سرمایہ کاری کے ذریعے دیہی معاش کو تبدیل کرنے پر توجہ مرکوز کر رہے ہیں،
دیہی سڑکوں کے نیٹ ورک کو وسعت دینے اور پانی اور صفائی کی رسائی کو بہتر بنانے، خواتین کو بااختیار بنانے اور موسمیاتی سمارٹ فارمنگ کے طریقوں کو فروغ دینے سے اہم پیشرفت ہوئی ہے۔
دیہی علاقوں کی ترقی و خوشحالی ہماری اولین ترجیح رہے گی۔ شہباز شریف نے ایشیئن جونیئر سکواش چیمپئن شپ میں کامیابیوں پر پاکستانی سکواش پلیئرز کو خراج تحسین پیش کیا ہے۔
انہوں نے انڈر15مقابلوں میں نعمان خان، انڈر13مقابلوں میں سہیل عدنان کے سونے کے میڈل اور انڈر 15میں احمد ریان خلیل اورگرلز انڈر13مقابلوں میں ماہ نور علی کے سلور میڈل حاصل کرنے پر کھلاڑیوں اور پوری قوم کو مبارکباد دی اور کہا پورے ٹورنامنٹ میں سات میڈل جیت کر کھلاڑیوں نے پوری قوم کے دل جیت لئے۔
پوری قوم کو آپ پر فخر ہے، دعا ہے کہ آپ کی کامیابیوں کا یہ سلسلہ مستقبل میں بھی جاری رہے۔شہباز شریف نے امریکی ریاست ٹیکساس میں تباہ کن سیلاب میں قیمتی جانوں کے ضیاع پر انتہائی دکھ اور افسوس کا اظہار کیا ہے۔ انھوں نے کہا اس مشکل وقت میں ہماری ہمدردیاں اور دعائیں امریکی صدر ڈونلڈ ٹرمپ اور امریکی قوم کے ساتھ ہیں۔
ڈیرہ اسمعٰیل خان میں مولانا فضل الرحمٰن کی رہائش گاہ پر ایف سی تعینات کرنے کا فیصلہ