غزہ پر اسرائیلی جارحیت جاری،مزید 90 فلسطینی شہید،شہداء کی مجموعی تعداد 55297 تک پہنچ گئی
اشاعت کی تاریخ: 15th, June 2025 GMT
data-id="863a0a8" data-element_type="widget" data-widget_type="theme-post-content.default">
غزہ(صباح نیوز)ایران پر حملوں کے ساتھ ساتھ غزہ پر بھی اسرائیلی حملے جاری ہیں ۔ ان حملوں میں گزشتہ 24 گھنٹے کے دوران 90فلسطینی شہید اور 605شدید زخمی ہو گئے ۔ غزہ میں وزارتِ صحت کی رپورٹ کے مطابق گزشتہ 48گھنٹے کے اندر جو لاشیں اور زخمی اسپتالوں تک پہنچے ان میں 29شہدا وہ معصوم شہری تھے جو امداد کے انتظار میں کھڑے تھے، جن کے ہاتھوں میں بھوک کے مارے امدادی تھیلے تھے اور دل میں زندہ رہنے کی آخری امید۔ ان پر بھی قابض اسرائیلی طیاروں نے موت کی بارش کر دی۔اس بہیمانہ بمباری کے نتیجے میں صرف 2 دن میں 274افراد جام شہادت نوش کر چکے ہیں جبکہ 2532سے زاید زخمی ہو چکے ہیں۔ زخمیوں کی بڑی تعداد میں وہ ہیں جن کے جسم کے اعضا بکھر گئے، جن کے پیارے ان کی آنکھوں کے سامنے شہید ہوئے اور جن کا اب کوئی سائبان نہیں بچا۔ وزارتِ صحت نے ایک اور بھیانک حقیقت کا انکشاف کیا کہ سن2025ء کی 18مارچ سے اب تک قابض اسرائیلی حملوں میں شہدا کی تعداد 5014ہو چکی ہے جبکہ زخمیوں کی تعداد 16385سے تجاوز کر چکی ہے۔ اگر 7 اکتوبر 2023ء سے جاری نسل کشی کی مجموعی ہولناکی کو دیکھا جائے تو منظر مزید دل دہلا دینے والا ہے، قابض اسرائیل کے ان مسلسل حملوں میں شہدا کی تعداد 55297تک جا پہنچی ہے جبکہ 128426فلسطینی زخمی ہو چکے ہیں۔قابض اسرائیلی فوج نے غزہ کے ہر گوشے کو نشانہ بنایا۔ فضائی حملے، توپوں کی گھن گرج، بھوکے اور بے گھر فلسطینیوں پر بمباری سب کچھ ایک مکمل منصوبے کے تحت جاری ہے۔وسطی غزہ میں واقع اسپتال العودہ اورالاقصیٰ نے بتایا کہ صبح سویرے جب غزہ کے شہری امدادی سامان کے انتظار میں نیٹزاریم کے قریب جمع تھے، تو قابض اسرائیلی فوج نے ان پر اندھا دھند فائرنگ کر دی۔ جس کے نتیجے میں 7 فلسطینی شہید اور درجنوں زخمی ہو گئے۔اسپتال العودہ کے مطابق اب تک 5 فلسطینی شہدا کی لاشیں اور سو سے زاید زخمیوں کو اسپتال لایا گیا ہے۔ ان سب پر وہ ڈرون حملے کیے گئے جو قابض اسرائیل نے صلاح الدین سڑک کے قریب، وادی غزہ کے جنوب میں امداد کے منتظر شہریوں پر برسائے۔ ان میں زیادہ تر بزرگ، عورتیں اور بچے شامل تھے، جو صرف خوراک کی تلاش میں وہاں پہنچے تھے۔غزہ شہر کے شمال مغرب میں واقع مسجد خالد کے اطراف میں قائم پناہ گزینوں کے خیمے بھی محفوظ نہ رہ سکے۔ قابض اسرائیلی بحریہ نے ان خیموں پر گولہ باری کی، جس کے نتیجے میں مزید 4 فلسطینی شہید اور کئی زخمی ہو گئے۔
.
ذریعہ
ذریعہ: Jasarat News
کلیدی لفظ: قابض اسرائیلی فلسطینی شہید زخمی ہو
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار