صہیونی جارحیت کیخلاف مقاومت حقیقی ڈھال ہے، حزب الله کے پارلیمانی گروپ کے سربراہ
اشاعت کی تاریخ: 28th, July 2025 GMT
اپنے ایک خطاب میں لبنانی پارلیمنٹیرین کا کہنا تھا کہ شہیدوں کا پاک لہو کبھی رائیگاں نہیں جائیگا، بلکہ یہ آنے والی نسلوں کیلئے مزاحمت کا روشن چراغ بنے گا۔ اسلام ٹائمز۔ لبنان کی مقاومتی تحریک "حزب الله" کے پارلیمانی لیڈر "حسین الحاج حسن" نے کہا کہ لبنان کی عزت، خودمختاری اور سلامتی کو برقرار رکھنے کا واحد راستہ مزاحمت کا سفر جاری رکھنا ہے۔ یہ راستہ ہمیشہ صہیونی رژیم کی جارحیت کے خلاف دفاع پر ختم ہوا۔ انہوں نے ان خیالات کا اظہار قدس کی راہ میں صیہونی حملے کے ذریعے شہید ہونے والے محمد عباس الخطیب کی یاد میں منعقدہ تقریب سے خطاب میں کیا۔ اس موقع پر انہوں نے مزاحمت کے اہم کردار کی جانب اشارہ کیا۔ اس سلسلے میں انہوں نے کہا کہ مجاہدین کی جانب سے مزاحمت کا انتخاب، وہ راستہ ہے جس نے لبنان کی سلامتی و وقار کو یقینی بنایا اور یہ ائندہ بھی دشمن کے خلاف حقیقی ڈھال بنی رہے گی۔
انہوں نے شہید الخطیب کو ان افراد کے کاروان کا حصہ قرار دیا جنہوں نے وطن، اس کی سلامتی اور استحکام کی راہ میں اپنی جان قربان کر دی۔ حسین الحاج حسن نے مزید کہا کہ ہم شہداء پر فخر کرتے ہیں۔ یہ شہداء امت اسلامیہ کے بیدار ضمیروں اور قوموں کی تاریخی یادوں میں زندہ ہیں۔ شہید ہی فتح کے معمار، دفاعی توازن کو مضبوط بنانے والے اور عزت و آزادی کے راستے کھولنے والے ہیں۔ آخر میں لبنانی پارلیمنٹ میں حزب الله کے رکن نے شہید الخطیب کے اہل خانہ کے ساتھ تعزیت کا اظہار کیا۔ انہوں نے کہا کہ شہیدوں کا پاک لہو کبھی رائیگاں نہیں جائے گا، بلکہ یہ آنے والی نسلوں کے لیے مزاحمت کا روشن چراغ بنے گا اور ہماری قوم کو درپیش چیلنجز میں ثابت قدمی کی علامت بن کر رہے گا۔
ذریعہ: Islam Times
کلیدی لفظ: مزاحمت کا انہوں نے کہا کہ
پڑھیں:
پاک فوج دفاعِ وطن کیلیے پُرعزم ہے، کسی بھی جارحیت کا جواب انتہائی سخت ہوگا، ڈی جی آئی ایس پی آر
data-id="863a0a8" data-element_type="widget" data-widget_type="theme-post-content.default">
ایبٹ آباد: ڈی جی آئی ایس پی آر لیفٹیننٹ جنرل احمد شریف چوہدری نے ایک بار پھر واضح پیغام دیتے ہوئے کہا ہے کہ پاکستان کی افواج دفاع وطن کے لیے مکمل طور پر تیار اور پرعزم ہیں اور اگر کسی نے ملک کی سالمیت پر حملہ کرنے کی کوشش کی تو اس کا جواب انتہائی سخت اور بھرپور قوت کے ساتھ دیا جائے گا۔
یہ بات انہوں نے ایبٹ آباد میں مختلف جامعات کے اساتذہ اور طلبہ سے ایک خصوصی نشست کے دوران کہی، جس میں بڑی تعداد میں تعلیمی شعبے سے وابستہ افراد نے شرکت کی۔ اس ملاقات میں ملکی سلامتی، پاک افغان سرحدی صورتحال، دہشت گردی کے خاتمے اور ’’معرکۂ حق‘‘ جیسے اہم موضوعات پر کھل کر تبادلہ خیال کیا گیا۔
لیفٹیننٹ جنرل احمد شریف چودھری نے کہا کہ پاکستان نے دہشت گردی اور فتنۃ الخوارج کے خلاف کامیاب اور فیصلہ کن کارروائیاں کی ہیں، جس کے نتیجے میں ملک میں امن و استحکام کی فضا بحال ہوئی ہے۔ انہوں نے کہا کہ پاک فوج دشمن قوتوں کی تمام سازشوں سے مکمل طور پر باخبر ہے اور قوم کے تعاون سے ہر چیلنج کا مقابلہ کرنے کی بھرپور صلاحیت رکھتی ہے۔
ڈی جی آئی ایس پی آر نے اس موقع پر طلبہ کو مخاطب کرتے ہوئے کہا کہ سوشل میڈیا پر پھیلنے والی منفی مہمات اور جھوٹی خبروں سے ہوشیار رہنا وقت کی ضرورت ہے۔ دشمن عناصر نوجوان نسل کے ذہنوں کو گمراہ کرنے کے لیے مختلف حربے استعمال کر رہے ہیں، اس لیے طلبہ کو ذمے داری کے ساتھ درست اور مصدقہ معلومات کی جانچ کرنی چاہیے۔
خصوصی نشست کے دوران اساتذہ اور طلبہ نے شہدا اور غازیانِ وطن کو زبردست خراجِ تحسین پیش کیا۔ وائس چانسلر ہزارہ یونیورسٹی ڈاکٹر اکرام اللہ خان نے کہا کہ پاک فوج ملک کی اصل شناخت اور حب الوطنی کی علامت ہے، جو ہمیشہ محاذِ اول پر قوم کے تحفظ کے لیے سرگرم رہتی ہے۔
طلبہ نے اپنے خیالات کا اظہار کرتے ہوئے کہا کہ انہیں ڈی جی آئی ایس پی آر کی گفتگو سے ملکی سلامتی کے معاملات پر گہری سمجھ اور اعتماد حاصل ہوا۔ انہوں نے کہا کہ اس نشست نے سوشل میڈیا پر گردش کرنے والی جھوٹی افواہوں اور پروپیگنڈے کے بارے میں حقیقی معلومات فراہم کیں اور ان کے ذہنوں سے کئی غلط فہمیاں دور ہوئیں۔
حیدرآباد ،شہریوں کی بڑی تعداد نے کشمیریوں کی حمایت میں کیے گئے مظاہرے میں بھرپور شرکت کی