وزیر خارجہ اسحاق ڈار کا پاکستان اور بنگلہ دیش کے مابین عوامی رابطوں کو بڑھانے پر زور
اشاعت کی تاریخ: 17th, June 2025 GMT
پاکستان میں تعینات بنگلہ دیش کے ہائی کمشنر اقبال حسین خان نے نائب وزیراعظم و وزیرخارجہ اسحاق ڈار سے ملاقات میں دوطرفہ تعلقات سمیت باہمی دلچسپی کے امور پر تبادلہ خیال کیا۔
https://Twitter.com/ForeignOfficePk/status/1934903487214620985
ترجمان دفتر خارجہ کے مطابق اسحاق ڈار نے ملاقات کے دوران بنگلہ دیشی سفیر کو بتایا کہ پاکستان اپنے برادر ملک کے ساتھ دوستانہ تعلقات کو بہت اہمیت دیتا ہے تعلقات میں روز بہ روز آتی بہتری پر اطمینان کا اظہار کرتے ہوئے انہوں نے دونوں ممالک کے مابین تجارت، سیاحت اور عوامی رابطوں کو بڑھانے کی ضرورت پر زور دیا۔
واضح رہے کہ بنگلہ دیشی ہائی کمشنر اقبال حسین خان اس سے قبل پاکستان اور بنگلہ دیش کے عوام کے درمیان تعلقات کو مضبوط بنانے کے لیے اسلام آباد اور ڈھاکا کو جڑواں شہر قرار دینے سے متعلق مفاہمتی یادداشت پر دستخط کی تجویز بھی پیش کرچکے ہیں۔
گزشتہ ہفتے چیئرمین سی ڈی اے محمد علی رندھاوا سے ملاقات کے دوران پیش کی گئی بنگلہ دیشی ہائی کمشنر کی تجویز کا چیئرمین سی ڈی اے، چیف کمشنر اسلام آباد اور ڈائریکٹر جنرل سول ڈیفنس کی جانب سے خیر مقدم کرتے ہوئے اس ضمن میں مکمل تعاون کی یقین دہانی کرائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار بنگلہ دیشی بنگلہ دیشی سفیر تجارت سیاحت عوامی رابطوں ہائی کمشنر وزیر خارجہ.ذریعہ: WE News
کلیدی لفظ: اسحاق ڈار بنگلہ دیشی بنگلہ دیشی سفیر سیاحت عوامی رابطوں ہائی کمشنر ہائی کمشنر بنگلہ دیشی اسحاق ڈار
پڑھیں:
سیٹلائٹ کی کامیاب لانچنگ: اسحاق ڈار کا پاکستانی و چینی ماہرین کو خراجِ تحسین
اسحاق ڈار — فائل فوٹونائب وزیراعظم، وزیر خارجہ سینیٹر محمد اسحاق ڈار نے ریموٹ سینسنگ سیٹلائٹ کی کامیاب لانچنگ پر پاکستانی و چینی انجینئرز، سائنسدانوں اور تکنیکی ٹیموں کو خراجِ تحسین پیش کیا ہے۔
ترجمان دفتر خارجہ کے مطابق پاکستان نے آج چین کے علاقے شی چانگ کے سیٹلائٹ لانچ سینٹر (XSLC) سے خلائی تحقیق اور تکنیکی ترقی کا اہم سنگ میل عبور کرتے ہوئے ریموٹ سینسنگ سیٹلائٹ کی کامیاب لانچنگ کی ہے۔
ترجمان دفتر خارجہ کا کہنا ہے کہ سیٹلائٹ 24 گھنٹے ہائی ریزولوشن امیج فراہم کرے گا، جس سے ملکی شہری منصوبہ بندی، انفرا اسٹرکچر کی ترقی، ڈیزاسٹر مینجمنٹ اور تخفیف، زرعی نگرانی، خوراک کی حفاظت، ماحولیاتی تحفظ، جنگلات کی کٹائی سے باخبر رہنے، موسمیاتی تبدیلیوں کے تجزیے اور آبی وسائل کے انتظام کو مضبوط بنانے میں مدد ملے گی۔
یہ بھی پڑھیے ریموٹ سینسنگ سیٹلائٹ لانچ: احسن اقبال کی قوم کو مبارکباد پاکستان نے ایک اور ریموٹ سینسنگ سیٹلائٹ لانچ کردیاخیال رہے کہ پاکستان کی قومی خلائی ایجنسی سپارکو کی جانب سے چائنا الیکٹرانکس ٹیکنالوجی گروپ کارپوریشن (CETC) اور MICROSAT چائنا کے تعاون سے لانچ کیا گیا یہ سیٹلائٹ زمین کے مشاہدے کے مربوط نظام کی نمائندگی کرتا ہے۔
دفتر خارجہ کے مطابق یہ ملک بھر میں پائیدار سماجی و اقتصادی ترقی اور معیار زندگی کو بہتر بنانے میں اہم کردار ادا کرے گا۔
دفتر خارجہ کے مطابق اس کامیاب تجربے سے پاکستان خلا میں ترقی یافتہ ممالک کی صف میں شامل ہوگیا۔
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی