کینیڈین وزیراعظم بتائیں، مودی سے ہردیپ سنگھ نجر کے قتل پر بات ہوئی؟ سکھ فار جسٹس
اشاعت کی تاریخ: 18th, June 2025 GMT
خالصتان نواز تنظیم ’سکھ فار جسٹس‘ کے رہنما گرپتونت سنگھ پنوں نے کینیڈین وزیراعظم مارک کارنی سے مطالبہ کیا ہے کہ وہ واضح طور پر بتائیں کہ آیا انہوں نے بھارتی وزیراعظم نریندر مودی سے کینیڈین شہری اور خالصتان ریفرنڈم کے کوآرڈینیٹر ہردیپ سنگھ نجر کے قتل کا معاملہ اٹھایا تھا یا نہیں۔
یہ مطالبہ اس موقع پر سامنے آیا ہے جب 18 جون کو ہردیپ سنگھ نجر کے قتل کو 2 سال مکمل ہو گئے۔ واضح رہے کہ نجر کو سری، برٹش کولمبیا میں دن دیہاڑے قتل کیا گیا تھا۔
سابق وزیراعظم جسٹن ٹروڈو اور کینیڈین پولیس نے نجر کے قتل کا الزام بھارتی خفیہ ایجنسیوں پر عائد کیا تھا، جس پر بین الاقوامی سطح پر شدید تشویش کا اظہار کیا گیا۔
سرکاری اعلامیے میں نجر کے قتل کا کوئی ذکر نہیںکارنی اور مودی کے درمیان 17 جون کو دو طرفہ ملاقات کے بعد جاری کردہ سرکاری اعلامیے میں صرف دونوں ممالک کے ہائی کمشنرز کی تقرری کا ذکر کیا گیا، لیکن نجر کے قتل یا بھارت کی مبینہ مداخلت پر کوئی بات نہیں کی گئی۔
View this post on Instagram
A post shared by Sikhs For Justice (@sikhsforjustice)
’سفارتی تعلقات انصاف پر قربان نہیں ہو سکتے‘سکھ فار جسٹس کے رہنما گرپتونت سنگھ پنوں کا کہنا ہے کہ خالصتان نواز کینیڈین شہری، جن کی جانیں اور حقوق بھارتی ریاستی دھمکیوں کی زد میں ہیں، یہ جاننے کا حق رکھتے ہیں کہ کیا وزیراعظم کارنی نے بھارتی وزیراعظم سے نجر کے قتل میں ملوث بھارتی ایجنٹوں کا سوال اٹھایا یا نہیں؟
یہ بھی پڑھیے خالصتان تحریک: ہردیپ سنگھ نجر کے قتل سے 2 ماہ پہلے بھارت نے کیا خفیہ حکم جاری کیا تھا؟
ان کا کہنا ہے کہ نجر کے قتل کا انصاف سفارتی یا تجارتی مفادات پر قربان نہیں کیا جا سکتا۔
بھارتی سفیر کی واپسی ’آسان سفر‘ نہیں ہوگیسکھ فار جسٹس نے واضح طور پر کہا ہے کہ کینیڈا اور بھارت کے درمیان سفارتی بحالی کے باوجود بھارت کے ہائی کمشنر کا کینیڈا میں کام کرنا ’آسان سفر‘ نہیں ہوگا بالخصوص جب تک ہردیپ سنگھ نجر کے قتل پر شفاف تحقیقات اور جوابدہی نہیں ہوتی۔
یہ بھی پڑھیے بھارت خالصتان تحریک کے رہنما ہردیپ سنگھ نجار سے متعلق دستاویزی فلم سے خوفزدہ
’کینیڈا بھارتی حکومت سے معمول کے سفارتی تعلقات اس وقت تک نہیں رکھ سکتا جب تک ہردیپ سنگھ نجر کے قتل میں ملوث افراد کو انصاف کے کٹہرے میں نہ لایا جائے۔ اگر یہ معاملہ نظر انداز کیا گیا تو خالصتان حامی سکھ قانونی اور سیاسی مزاحمت جاری رکھیں گے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی وزیر اعظم نریندر مودی سکھ فار جسٹس کینیڈین وزیراعظم مارک کارنی گرپتونت سنگھ پنوں ہردیپ سنگھ نجر.ذریعہ: WE News
کلیدی لفظ: بھارتی وزیر اعظم نریندر مودی سکھ فار جسٹس کینیڈین وزیراعظم مارک کارنی گرپتونت سنگھ پنوں ہردیپ سنگھ نجر نجر کے قتل کا سکھ فار جسٹس کیا گیا
پڑھیں:
پاک-امریکا تجارتی ڈیل، بھارتی سیاستدان نریندر مودی کی پالیسیوں پر پھٹ پڑے
حالیہ پاک بھارت کشیدگی اور مختصر جنگ کے بعد جہاں پورے خطّے میں پاکستان کی اہمیت کے بارے میں دوررس نتائج مرتب ہوئے ہیں وہیں حال ہی میں امریکی صدر ڈونلڈ ٹرمپ نے اعلان کیا ہے کہ پاکستان سے تجارتی ڈیل مکمل ہوگئی ہے۔
پاکستان کی کامیاب سفارتکاری کے بعد بھارتی سیاستدان نریندر مودی کی پالیسیوں کے خلاف پڑے جس کی ویڈیو سوشل میڈیا پر وائرل ہو رہی ہے۔ وائرل ویڈیو میں بھارتی سیاستدان مودی کو آڑے ہاتھوں لیتے ہوئے کہتے ہیں کہ پاکستان اور امریکا کا ’ایلو ایلو‘ چل رہا ہے اور آپ کہہ رہے ہیں اب کی بار ٹرمپ سرکار۔
بھارتی سیاستدان نے مودی کی پالیسیوں پر تنقید کرتے ہوئے کہا کہ آپ ’ماگا، میگا، ماگا‘ کر رہے ہیں اور امریکا آپ کے ساتھ دھوکا کر رہا ہے۔ ٹرمپ ’آئی لوو پاکستان‘ کہہ رہا ہے۔
MAGA MEGA MIGA ……. ILLOOO ILOOO…. I LOVE PAKISTAN pic.twitter.com/WE5y7REmIJ
— Hamid Mir حامد میر (@HamidMirPAK) July 31, 2025
ایک ایکس صارف نے مزاحیہ انداز میں لکھا کہ انڈین پارلیمنٹ میں پاکستان کی ’لو اسٹوری‘ چل رہی۔
پاکستان اور امریکہ کا ایلو ایلو چل رہا ہے
ٹرمپ پاکستان کو آئی لو پاکستان کہہ رہا ہے
انڈین پارلیمنٹ میں پاکستان کی لو سٹوری چل رہی ???? pic.twitter.com/XzRZRzW7vz
— RAShahzaddk (@RShahzaddk) July 31, 2025
سعدیہ خالد نے کہا کہ بھارتی پارلیمنٹ کی چیخیں دنیا کو بتا رہی کہ میدان جنگ کے بعد پاکستان سفارتی محاذ پہ بھی بھارت کو بری طرح شکست دے چکا ہے۔
پاکستان اور امریکہ کا ایلو ایلو چل رہا اور آپ کہہ رہے اب کی بار ٹرمپ سرکار
بھارتی پارلیمنٹ کی چیخیں دنیا کو بتا رہی کہ میدان جنگ کے بعد پاکستان سفارتی محاذ پہ بھی بھارت کو بری طرح شکست دے چکا ہے???????? pic.twitter.com/apJoaveLWo
— Sadia Khalid (@SadiasOfficial) July 31, 2025
واضح رہے کہ ڈونلڈ ٹرمپ نے پاکستان کے ساتھ توانائی کے شعبے میں ایک بڑے تجارتی معاہدے کا اعلان کیا ہے، جس کے تحت دونوں ممالک پاکستان کے تیل کے وسیع ذخائر کی ترقی کے لیے مشترکہ طور پر کام کریں گے۔ ٹرمپ نے کہا کہ ہم اس وقت اس آئل کمپنی کے انتخاب کے مرحلے میں ہیں جو اس شراکت داری کی قیادت کرے گی۔ کون جانے، شاید ایک دن وہ بھارت کو بھی تیل بیچنا شروع کر دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا پاکستان بمقابلہ پاکستان میں تیل ڈونلڈ ٹرمپ نریندر مودی
جھیل سیف الملوک کے راستے میں پھنسے 500 سیاح بحفاظت ریسکیو کرلیے گئے