اقوام متحدہ سمیت تمام ممالک ایران اسرائیل جنگ رکوائیں، یوسف رضا گیلانی
اشاعت کی تاریخ: 21st, June 2025 GMT
مقامی ہوٹل میں بینظیر بھٹو شہید کی 71ویں سالگرہ کی تقریب سے خطاب کرتے ہوئے چیئرمین سینٹ کا کہنا تھا کہ مجھے جنوبی پنجاب کو علیحدہ صوبہ نہ بنانے کا دکھ ہے، میں نے سینٹ میں قرارداد منظور کروالی تھی لیکن قومی اسمبلی میں ہمیں نمبرز کی کمی کا مسئلہ تھا، اس خطے کی پسماندگی کا واحد حل علیحدہ صوبہ ہے، ہم بلیک میلنگ پر انحصار کرنے کی بجائے تمام سیاسی جماعتوں میں لابنگ کریں گے۔ اسلام ٹائمز۔ چیئرمین سینٹ سید یوسف رضا گیلانی نے کہا ہے کہ اقوام متحدہ سمیت تمام ممالک ایران اسرائیل جنگ رکوائیں، بلاول بھٹو اور فیلڈ مارشل عاصم منیر کے دورے کامیاب رہے ہیں اور پوری دنیا نے پاکستان کی صلاحیتوں وبیانیہ کو تسلیم کیا ہے۔ جنوبی پنجاب صوبہ کے قیام کے بغیر اس خطے کی پسماندگی کو ختم کرنا بہت مشکل ہے، فیصلہ سازوں سے بھی میری بات ہوئی ہے وہ بھی علیحدہ صوبہ کے قیام کے حق میں ہیں، مقامی ہوٹل میں بینظیر بھٹو شہید کی 71 ویں سالگرہ کا کیک کاٹنے کے بعد میڈیا ٹاک کرتے ہوئے چیئرمین سینٹ سید یوسف رضا گیلانی نے کہا ہے کہ اقوام متحدہ سمیت تمام ممالک ایران اسرائیل جنگ رکوائیں، بلاول بھٹو اور فیلڈ مارشل عاصم منیر کے دورے کامیاب رہے ہیں اور پوری دنیا نے پاکستان کی صلاحیتوں کو تسلیم کیا ہے۔
جنوبی پنجاب صوبہ کے قیام کے بغیر اس خطے کی پسماندگی کو ختم کرنا بہت مشکل ہے، فیصلہ سازوں سے بھی میری بات ہوئی ہے وہ بھی علیحدہ صوبہ کے قیام کے حق میں ہیں۔ مجھے جنوبی پنجاب کو علیحدہ صوبہ نہ بنانے کا دکھ ہے، میں نے سینٹ میں قرارداد منظور کروالی تھی لیکن قومی اسمبلی میں ہمیں نمبرز کی کمی کا مسئلہ تھا۔ انہوں نے کہا کہ اس خطے کی پسماندگی کا واحد حل علیحدہ صوبہ ہے، ہم بلیک میلنگ پر انحصار کرنے کی بجائے تمام سیاسی جماعتوں میں لابنگ کریں گے اور تمام سیاسی جماعتوں کو متفقہ طور پر آمادہ کریں گے کہ وہ ہمارے اس خطے کو علیحدہ صوبہ بنائیں۔
انہوں نے کہا کہ اب کمیٹی کمیٹی کا کھیل نہیں چلے گا، علیحدہ صوبہ بنے گا تو اس خطے کے سیوریج، پانی سمیت دیگر مسائل حل ہوں گے، پنجاب کے بجٹ میں ہمیں 37 فیصد حصہ ملنا چاہیے تھا لیکن نہ ہونے کے برابر فنڈز دیے گئے ہیں۔ کیڈٹ کالج کے لیے تو اتنے فنڈز دیے گئے ہیں کہ ہماری زندگیوں میں یہ منصوبہ مکمل ہوتا نظر نہیں آرہا۔ انہوں نے کہا کہ اگر ہمارے اتحادی مان جائیں تو فوری طور پر علیحدہ صوبہ بنایا جا سکتا ہے۔ ہمارے گارنٹرز بھی علیحدہ صوبہ بنانے کے حق میں ہیں، ایک سوال کے جواب میں انہوں نے کہا کہ ہمارے گارنٹرز وہ ہیں جو ہم سے بڑے ہیں۔
ذریعہ
ذریعہ: Islam Times
کلیدی لفظ: اس خطے کی پسماندگی انہوں نے کہا کہ صوبہ کے قیام کے علیحدہ صوبہ
پڑھیں:
مسجد اقصیٰ کی حرمت پر کوئی سمجھوتہ نہیں، پاکستان سمیت 8 ممالک کے وزرائے خارجہ کا دوٹوک اعلان
پاکستان سمیت آٹھ مسلم ممالک کے وزرائے خارجہ نے مسجد اقصیٰ میں اسرائیلی آبادکاروں اور انتہا پسند عناصر کی حالیہ کارروائیوں کی سخت الفاظ میں مذمت کرتے ہوئے خبردار کیا ہے کہ ایسے اقدامات نہ صرف مذہبی تقدس کی پامالی ہیں بلکہ پورے خطے میں کشیدگی کو خطرناک حد تک بڑھا رہے ہیں۔
مشترکہ اعلامیے پر پاکستان، سعودی عرب، متحدہ عرب امارات، قطر، مصر، اردن، ترکیہ اور انڈونیشیا کے وزرائے خارجہ نے اتفاق کیا۔ اعلامیے میں کہا گیا کہ مسجد اقصیٰ میں اسرائیلی آبادکاروں کی اشتعال انگیز کارروائیاں اور اسرائیلی انتہا پسند وزرا و گروہوں کی سرگرمیاں ناقابلِ قبول ہیں اور ان سے خطے میں امن و استحکام کو شدید خطرات لاحق ہو رہے ہیں۔
وزرائے خارجہ نے اس بات پر زور دیا کہ مسجد اقصیٰ کی تاریخی، قانونی اور مذہبی حیثیت کا ہر صورت احترام کیا جانا چاہیے اور اس میں کسی بھی قسم کی یکطرفہ تبدیلی ناقابلِ قبول ہے۔
مشترکہ اعلامیے میں مسجد اقصیٰ کے انتظامی اور مذہبی امور پر اردن کے محکمہ اوقاف کے خصوصی اختیار کا اعادہ کرتے ہوئے عالمی برادری سے مطالبہ کیا گیا کہ اس حیثیت کو برقرار رکھنے کے لیے مؤثر اقدامات کیے جائیں۔
اعلامیے میں اسرائیل سے مطالبہ کیا گیا کہ مسلمانوں کو مسجدِ اقصیٰ میں عبادت سے روکنے کا سلسلہ فوری طور پر بند کیا جائے، مذہبی آزادی کا احترام کیا جائے اور ایسے تمام اقدامات سے گریز کیا جائے جو مزید کشیدگی اور تصادم کا سبب بن سکتے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا