سندھ طاس معاہدہ معطل کرنےکو جنگ کے مترادف سمجھتے ہیں،اسحاق ڈار
اشاعت کی تاریخ: 22nd, June 2025 GMT
استنبول(نیوز ڈیسک)نائب وزیر اعظم اور وزیر خارجہ اسحاق ڈار کا کہنا ہے کہ بھارت کا پاکستان کے حصہ کاپانی روکنا کسی بھی حالت میں قابل قبول نہیں ہے ہم بھارت کی طرف سے سندھ آبی معاہدے کی معطلی کو جنگ کے مترادف سمجھتے ہیں۔
او آئی سی کونسل آف فارن منسٹرز کے 51ویں اجلاس سے خطاب کرتے ہوئے نائب وزیر اعظم اور وزیر خارجہ اسحاق ڈار نے کہا کہ او آئی سی کا اجلاس ایسے نازک وقت میں ہو رہا ہے جب مسلم امت کو بے مثال چیلنجز کا سامنا ہے۔
فلسطین، جموں و کشمیر اور دیگر خطوں میں تنازعات اور مظالم جاری ہیں اور مسلمانوں کے خلاف نفرت، اسلامو فوبیا اور امتیازی سلوک بڑھ رہا ہے۔
نائب وزیر اعظم اسحاق ڈار نے کہا کہ پاکستان کے خلاف بھارت کی حالیہ جارحیت کا بھرپور جواب دیا گیا،پاکستان نے 6 بھارتی جیٹ طیاروں کو مار گرایا اور کئی فوجی تنصیبات کو نقصان پہنچایا۔
پاکستان بھارتی اقدام کو علاقائی استحکام کو کمزور کرنے کی کوشش سمجھتا ہے،اسحاق ڈار نے کہا کہ بھارت کا پاکستان کا پانی کا حصہ روکنا کسی بھی حالت میں ناقابل قبول ہے۔
ہم ہندوستان کی طرف سے سندھ آبی معاہدے کی معطلی کو جنگ کے مترادف سمجھتے ہیں،جموں و کشمیر کا حل اقوام متحدہ کی قراردادوں اور کشمیری عوام کی خواہشات کے مطابق ہونا چاہیے۔
انہوں نے کہا کہ ہم پاکستان اور آزاد کشمیر میں او آئی سی کے سیکرٹری جنرل کے خصوصی نمائندے کے حالیہ دورے کا خیرمقدم کرتے ہیں۔
انہوں نے کہا کہ پاکستان نے دہشت گردی کے خلاف جنگ میں بڑی قربانیاں دی ہیں، نائب وزیر اعظم نے کہا کہ پاکستان نے او آئی سی پلیٹ فارم سے اسلامو فوبیا کے خلاف عالمی دن منانے کی قرارداد پیش کی۔
ہم اسلامو فوبیا پر او آئی سی کے خصوصی نمائندہ کی تقرری کا خیرمقدم کرتے ہیں۔ انہوں نے مزید کہا کہ امت کے مفادات کو فروغ دینا پاکستان کی خارجہ پالیسی کا بنیادی ستون ہے،مسلم دنیا کے چیلنجوں کا مقابلہ اتحاد اور عزم کے ساتھ ہونا چاہیے۔
ایران نے اسرائیلی جاسوس کو پھانسی دے دی
.
ذریعہ
ذریعہ: Daily Ausaf
کلیدی لفظ: اسحاق ڈار او ا ئی سی نے کہا کہ کے خلاف
پڑھیں:
پاکستان 2027 میں ایس سی او سربراہانِ مملکت اجلاس کی میزبانی کرے گا، رکن ممالک کو دعوت
نائب وزیراعظم و وزیر خارجہ اسحاق ڈار نے اعلان کیا کہ پاکستان رواں برس ستمبر میں شنگھائی تعاون تنظیم کی کونسل آف ہیڈز آف اسٹیٹ کی چیئرمین شپ سنبھالنے کے لیے مکمل طور پر تیار ہے۔
انہوں نے تمام رکن ممالک کو 2027 میں پاکستان میں منعقد ہونے والے ایس سی او سربراہانِ مملکت اجلاس میں شرکت کی دعوت بھی دی۔
یہ بھی پڑھیں: پاکستان نے شنگھائی تعاون تنظیم کے ریجنل اینٹی ٹیررسٹ اسٹرکچر کی چیئرمین شپ سنبھال لی
نائب وزیراعظم و وزیر خارجہ اسحاق ڈار نے کرغزستان کے خوبصورت شہر چولپون آتا میں شنگھائی تعاون تنظیم کے وزرائے خارجہ کونسل کے اجلاس میں شرکت کی۔
جہاں انہوں نے تنظیم کی 25ویں سالگرہ پر مبارکباد پیش کرتے ہوئے علاقائی امن، سلامتی، خوشحالی اور پائیدار ترقی کے فروغ میں ایس سی او کے کردار کو سراہا۔
Deputy Prime Minister and Foreign Minister Senator Mohammad Ishaq Dar represents Pakistan at the Shanghai Cooperation Organization (SCO) Council of Foreign Ministers Meeting held in Cholpon-Ata, Kyrgyzstan.#SCO #IshaqDar #PakistanDiplomacy #Pakistan #PakistanTV pic.twitter.com/KTFIYTe5TK
— Pakistan TV (@PakTVGlobal) July 24, 2026
اسحاق ڈار نے کرغز قیادت اور وزیر خارجہ ژین بیک کولوبایف کا اجلاس کی شاندار میزبانی اور بہترین انتظامات پر شکریہ ادا کیا۔
اپنے خطاب میں نائب وزیراعظم نے ’شنگھائی اسپرٹ‘ سے پاکستان کی غیرمتزلزل وابستگی کا اعادہ کرتے ہوئے کہا کہ پاکستان ایس سی او کے رکن ممالک کے درمیان تعاون، علاقائی روابط اور مشترکہ ترقی کے فروغ کے لیے بھرپور کردار ادا کرتا رہے گا۔
مزید پڑھیں: مسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
انہوں نے علاقائی امن کے قیام کے لیے پاکستان کی سفارتی کوششوں کو اجاگر کرتے ہوئے اسلام آباد مذاکرات اور بعد ازاں ہونے والے اسلام آباد مفاہمتی یادداشت کا حوالہ دیا، جسے انہوں نے پاکستان کے مذاکرات اور سفارتکاری پر مبنی پالیسی کا عملی اظہار قرار دیا۔
اسحاق ڈار نے کہا کہ انہیں اپنے ہم منصب وزرائے خارجہ کی جانب سے پاکستان کی مخلصانہ امن کوششوں کو سراہنے پر خوشی ہوئی، جو خطے اور اس سے باہر امن و استحکام کے فروغ کے لیے پاکستان کے کردار کا اعتراف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار امن و استحکام سفارتکاری شنگھائی اسپرٹ شنگھائی تعاون تنظیم علاقائی روابط کرغزستان کونسل آف ہیڈز آف اسٹیٹ مذاکرات وزرائے خارجہ کونسل وزیر خارجہ
بھارت سے جنگ اور افغانستان میں کارروائی خارج ازامکان نہیں، وزیردفاع