سابق وزیراعظم آزاد کشمیر سردار تنویر الیاس پیپلز پارٹی میں شامل
اشاعت کی تاریخ: 24th, June 2025 GMT
سابق وزیراعظم آزاد کشمیر سردار تنویر الیاس نے پاکستان پیپلز پارٹی میں شمولیت اختیار کر لی۔ یہ اہم پیشرفت پیر کے روز اُس وقت سامنے آئی جب سردار تنویر الیاس نے زرداری ہاؤس اسلام آباد میں صدر پاکستان پیپلز پارٹی شعبہ خواتین فریال تالپور سے ملاقات کی۔
ملاقات میں گورنر پنجاب سردار سلیم حیدر، سینیٹر سلیم مانڈوی والا، ضیاء لنجار اور دیگر اہم رہنما بھی شریک تھے۔
یہ بھی پڑھیے ہائی کورٹ نے وزیر اعظم آزاد کشمیر سردار تنویر الیاس کو نااہل قرار دے دیا
ترجمان زرداری ہاؤس کے مطابق، سردار تنویر الیاس کے ساتھ علی شان سونی اور احمد صغیر نے بھی پیپلز پارٹی میں شمولیت کا اعلان کیا۔
اس موقع پر سردار تنویر الیاس نے کہا کہ کشمیر کاز کے لیے پاکستان پیپلز پارٹی کی تاریخی جدوجہد اور قربانیاں بے مثال ہیں، اور یہی وجہ ہے کہ انہوں نے اس جماعت کا حصہ بننے کا فیصلہ کیا۔
یہ بھی پڑھیے عمران خان کے 2 چہرے ہیں جنہیں میں بے نقاب کروں گا، سردار تنویر الیاس
فریال تالپور نے پارٹی میں شامل ہونے والے رہنماؤں کو خوش آمدید کہتے ہوئے امید ظاہر کی کہ ان کی شمولیت پارٹی کو مزید تقویت دے گی۔ انہوں نے کہا کہ ’جب بلاول بھٹو زرداری وزیراعظم بنیں گے تو آزاد کشمیر کی ترقی نئی بلندیوں کو چھوئے گی، اور مقبوضہ کشمیر کی آزادی کا خواب بھی حقیقت میں بدلے گا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پیپلزپارٹی سردار تنویر الیاس فریال تالپور.ذریعہ: WE News
کلیدی لفظ: پاکستان پیپلزپارٹی سردار تنویر الیاس فریال تالپور سردار تنویر الیاس پاکستان پیپلز پیپلز پارٹی پارٹی میں
پڑھیں:
پاک سعودیہ معاہدے کے بعد بھارت میں صف ماتم بچھ چکی ہے، وزیراعظم آزاد کشمیر
راولاکوٹ میں معرکہ حق جلسہ عام سے خطاب کرتے ہوئے چودھری انوارالحق کا کہنا تھا کہ ہم سب کو مل کر دشمن کے عزائم کو ناکام بنانا ہے۔ مسئلہ کشمیر کو اب دوبارہ او آئی سی اور عرب لیگ میں اٹھایا جائے گا۔ اسلام ٹائمز۔ وزیراعظم آزاد کشمیر چودھری انوارالحق نے کہا ہے کہ پاکستان اور سعودی عرب کے درمیان دفاعی معاہدے کے بعد بھارت میں صف ماتم بچھ چکی ہے۔راولاکوٹ میں معرکہ حق جلسہ عام سے خطاب کرتے ہوئے چودھری انوارالحق کا کہنا تھا کہ معرکہ حق میں بھارت کو عبرتناک شکست ہوئی، ہماری افواج نے دشمن کو منہ توڑ جواب دیا۔ اُنہوں نے کہا کہ ہم سب کو مل کر دشمن کے عزائم کو ناکام بنانا ہے۔ مسئلہ کشمیر کو اب دوبارہ او آئی سی اور عرب لیگ میں اٹھایا جائے گا، اس موقع پر اُنہوں نے پونچھ کے لیے ایک ارب روپے کے پیکج کا بھی اعلان کیا۔ واضح رہے کہ آزاد کشمیر کی سیاسی جماعتوں نے افواج پاکستان کے ساتھ یکجہتی کی مہم کا اعلان کر رکھا ہے، جس کا آج پہلا جلسہ راولاکوٹ کے صابر شہید سٹیڈیم میں ہوا۔
بنوں اور کرک میں دہشت گردوں کے حملے ناکام بنادیےگئے، 3 دہشت گرد ہلاک، 4 زخمی