محکمہ موسمیات نے ملک بھر میں بارشوں کی پیش گوئی کر دی
اشاعت کی تاریخ: 24th, June 2025 GMT
اسلام آباد(نیوز ڈیسک)محکمہ موسمیات نے ملک بھر میں مون سون ہواؤں کے باعث بارشوں کی پیش گوئی کر دی۔
محکمہ موسمیات کے مطابق 25 جون سے ملک بھر میں مون سون ہواؤں کے باعث بارشیں متوقع ہیں، 24 جون کی شام سے 2 جولائی تک مون سون کا پہلا سپیل جاری رہے گا۔
رپورٹ کے مطابق 25 تا 29 جون کے دوران لاہور، سیالکوٹ، نارووال، گوجرانوالہ، حافظ آباد، شیخوپورہ میں بارش کا امکان ہے۔
محکمہ موسمیات کے مطابق 26 تا 28 جون کے دوران اسلام آباد، راولپنڈی، اٹک، چکوال، جہلم میں گرج چمک کیساتھ بارش متوقع ہے۔
25 تا 29 جون ایبٹ آباد، مانسہرہ، پشاور، چارسدہ، نوشہرہ، کوہاٹ، باجوڑ میں بارش ہو گی، اسی دوران دیر، ملاکنڈ، بونیر، شانگلہ، کوہستان میں شدید بارش کا امکان ہے۔
رپورٹ کے مطابق 25 تا 28 جون کے دوران ژوب، بارکھان، کوئٹہ، مستونگ، زیارت، آزاد کشمیر اور گلگت بلتستان میں بارش ہو سکتی ہے۔
محکمہ موسمیات کے مطابق 26 سے 28 جون کے دوران پہاڑی علاقوں میں لینڈ سلائیڈنگ اور نشیبی علاقے زیر آب آنے کا خطرہ ہے، متعلقہ اداروں کو الرٹ رہنے کی ہدایت کر دی گئی۔
عالمی منڈی میں خام تیل کی قیمت گرگئی
.ذریعہ: Daily Ausaf
کلیدی لفظ: محکمہ موسمیات جون کے دوران کے مطابق
پڑھیں:
اسلام آباد، راولپنڈی سمیت ملک کے مختلف علاقوں میں موسلادھار بارش
اسلام آباد(نیوز ڈیسک)اسلام آباد اور راولپنڈی کے مختلف علاقوں میں موسلادھار بارش سے موسم خوشگوار ہو گیا۔
محکمہ موسمیات کے مطابق آئندہ 24 گھنٹوں تک وقفے وقفے سے بارش کا امکان ہے، بارش کے ساتھ چلنے والی ٹھنڈی ہواؤں نے گرمی کی شدت کم کر دی۔
این ڈی ایم اے نے ممکنہ سیلاب کی ایڈوائزری جاری کر دی
ادھر آزاد کشمیر کے مختلف علاقوں، بشمول میرپور، ڈڈیال، چکسواری، منگلا اور اسلام گڑھ میں گرج چمک کے ساتھ تیزبارش ہوئی۔
گلگت بلتستان کے متعدد علاقوں میں بھی بارش ریکارڈ کی گئی جبکہ کراچی کے مختلف علاقوں میں بوندا باندی اور ہلکی بارش کا سلسلہ جاری رہا۔
ملیر کینٹ، گلشن معمار، کلفٹن اورصدر کے علاقوں میں بارش نے شہریوں کو خوشگوار موسم کا تحفہ دیا جبکہ محکمہ موسمیات نے اگلے چند روز تک مزید بارشوں کی پیشگوئی کی ہے۔
امریکا بھی ایران کیخلاف جنگ میں شامل، تہران کے جوہری تنصیبات پر حملہ کردیا
ہم نے مسلم دنیا کو جوڑا، اب دنیا کو امن کی طرف لانا ہے، بیرسٹر عقیل ملک