مخصوص نشستیں نظرثانی کیس، حامد خان نے التوا کی درخواست دائر کردی
اشاعت کی تاریخ: 24th, June 2025 GMT
—فائل فوٹو
مخصوص نشستوں کے نظرثانی کیس میں وکیل حامد خان نے التوا کی درخواست دائر کر دی۔
سپریم کورٹ میں دائر کی گئی درخواست میں حامد خان نے درخواست میں کہا کہ مخصوص نشستوں کے نظرثانی کیس کی سماعت 26 جون کو مقرر کی گئی ہے۔
ذرائع نے بتایا ہے آئینی بنچ ججز کا روسٹر تبدیل کرکے نیا روسٹر جاری کر دیا گیا، مخصوص نشستیں نظر ثانی کیس کی سماعت پیر اور منگل کو نہیں ہو گی۔
اس میں موقف اپنایا گیا کہ مخصوص نشستوں کے کیس میں حامد خان ایک فریق کے وکیل ہیں، حامد خان بطور سینئر وکیل 23 جون سے 5 اگست تک عمومی التوا کے باعث رخصت پر ہیں۔
درخواست میں استدعا کی گئی کہ مخصوص نشستوں کے نظرثانی کیس کی سماعت کو 5 اگست تک ملتوی کیا جائے۔
.ذریعہ: Jang News
کلیدی لفظ: مخصوص نشستوں کے کیس کی سماعت نظرثانی کیس
پڑھیں:
سپریم کورٹ میں زیر التواء مقدمات کی تعداد میں ایک بار پھر اضافہ
سپریم کورٹ آف پاکستان میں زیر التواء مقدمات کی تعداد میں ایک بار پھر اضافہ دیکھنے میں آیا ہے، جو عدالتی نظام پر دباؤ کا عندیہ دیتی ہے۔
چیف جسٹس یحییٰ آفریدی نے جب اپنا عہدہ سنبھالا تو اس وقت عدالتِ عظمیٰ میں قریباً 60 ہزار مقدمات زیر التوا تھے۔ ان کی قیادت میں مارچ 2025 تک یہ تعداد کم ہو کر 55 ہزار تک آ گئی تھی، جو عدالتی اصلاحات کی کامیابی سمجھی جا رہی تھی۔
مزید پڑھیں: بحریہ ٹاؤن پراپرٹیز نیلامی: سپریم کورٹ نے حکم امتناع کی استدعا مسترد کردی
تاہم، حالیہ عدالتی تعطیلات کے دوران مقدمات کے فیصلوں کی رفتار سست پڑنے کے باعث زیر التوا کیسز کی تعداد میں پھر سے اضافہ ہوگیا ہے، اور اب یہ تعداد بڑھ کر 57,153 تک پہنچ چکی ہے۔
ماہرین قانون کے مطابق عدالتی تعطیلات اور مقدمات کی بڑھتی ہوئی آمد اس اضافے کی بنیادی وجوہات ہیں۔ عدالت کی جانب سے کیسز کے فوری اور مؤثر فیصلوں کو یقینی بنانے کے لیے مزید اقدامات کی ضرورت پر زور دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیف جسٹس یحییٰ آفریدی زیر التواء مقدمات سپریم کورٹ سپریم کورٹ آف پاکستان
ڈاکٹر ماہ رنگ 20 روزہ ریمانڈ پر پولیس کے حوالے