سندھ اسمبلی نے فنانس ترمیمی بل 2025-26 کی منظوری دیدی
اشاعت کی تاریخ: 25th, June 2025 GMT
سندھ اسمبلی نے فنانس ترمیمی بل 2025-26 کی منظوری دے دی ہے، 188 مطالبات زر منظور کیے گئے ہیں جبکہ اپوزیشن کی جانب سے پیش 2 ہزار سے زیادہ کٹوتی کی تحاریک مسترد کردی گئی ہیں۔
فنانس ترمیمی بل کے تحت عدلیہ کے ملازمین کو الاؤنس دینے سے متعلق کٹوتی کی تحریک منظور کی گئی ہے، پارلیمنٹ، اسمبلی، بلدیاتی نمائندے، جج، ٹریبونل اراکین کی سرکاری خدمات سیل ٹیکس سے مستثنیٰ قرار دی گئی ہیں،ایکسپورٹ پراسیسنگ زون اور اسپیشل اکنامک زون کو بھی سروسز ٹیکس پر چھوٹ دے دی گئی ہے۔
بل کے مطابق نجی رہائشی اسکیموں میں 10 ہزار مربع فٹ پر مکان بنانے پر ٹیکس چھوٹ ہوگی، 5 لاکھ روپے ہیلتھ انشورنش پر ٹیکس نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ترمیمی بل سندھ اسمبلی سندھ بجٹ فنانس ترمیمی بل مراد علی شاہ.ذریعہ: WE News
کلیدی لفظ: سندھ اسمبلی مراد علی شاہ
پڑھیں:
کے پی اسمبلی نے بغیر عمران خان سے علی امین کی ملاقات کے بجٹ منظور کیا
data-id="863a0a8" data-element_type="widget" data-widget_type="theme-post-content.default">
پشاور سے موصولہ اطلاعات کے مطابق خیبرپختونخوا اسمبلی نے نئے مالی سال 2025-26 کا بجٹ بانی پی ٹی آئی عمران خان سے ملاقات کے بغیر منظور کرلیا ہے۔
وزیراعلیٰ علی امین گنڈاپور کی جانب سے بارہا دعویٰ کیا گیا تھا کہ بجٹ کی منظوری سے قبل عمران خان کی رہنمائی اور مشاورت ضروری ہے، تاہم اس کے باوجود گزشتہ شب اسمبلی نے بجٹ کو منظوری دے دی۔
وزیراعلیٰ علی امین گنڈاپور نے بجٹ منظوری سے قبل ایوان میں خطاب کرتے ہوئے کہا کہ جب بھی عمران خان سے ملاقات ہوئی، ان کی ہدایات کے مطابق بجٹ میں ترامیم کی جائیں گی۔ تاہم یہ ملاقات عدالتی احکامات کے باوجود نہ ہو سکی، اور انہوں نے وفاقی و پنجاب حکومت پر الزام عائد کیا کہ وہ مسلسل رکاوٹیں کھڑی کر رہی ہیں۔
خیبرپختونخوا اسمبلی نے 66 محکموں اور اداروں کے لیے 1962 ارب روپے کے مطالبات زر کی منظوری دی۔ ایوان میں اسپیکر کی جانب سے کٹوتی کی تحاریک کو زیر غور نہ لانے پر اپوزیشن نے اجلاس کا بائیکاٹ کیا اور بجٹ منظوری کا حصہ نہیں بنی۔ اسپیکر نے بعد ازاں کٹوتی کی تمام تحاریک کثرت رائے سے ختم کر دیں۔
نئے بجٹ میں سالانہ ترقیاتی منصوبوں کے لیے 547 ارب روپے جبکہ مجموعی طور پر 157 ارب روپے کا سرپلس رکھا گیا ہے۔ وزیراعلیٰ نے کہا کہ حساس ترین صوبے کے وزیراعلیٰ ہونے کے باوجود انہیں چند بار ہی اپنے لیڈر سے ملاقات کی اجازت دی گئی، حالانکہ یہ بجٹ ان کی رہنمائی کے بغیر مکمل نہیں ہونا چاہیے تھا۔
دوسری طرف عمران خان کی بہن علیمہ خان نے اڈیالہ جیل کے باہر صحافی کے سوال پر جواب دیتے ہوئے کہا، “میرا خیال ہے مائنس عمران خان ہو چکا ہے”، جس سے اس سیاسی صورتحال پر مزید سوالات کھڑے ہو گئے ہیں۔
لاہور میں حبس اور گرمی کی شدت میں اضافہ، بارش کے کتنے امکانات ہیں؟