عمران کی فیملی ایک طرف، گنڈا پور دوسری طرف ہیں، علی محمد خان
اشاعت کی تاریخ: 27th, June 2025 GMT
اسلام آباد:
رہنما پیپلز پارٹی شیری رحمن کا کہنا ہے کہ اسرائیل کی پبلک میں تاریخی تنبیہ ہوئی ہے جس کا وہ سننے کا عادی نہیں ہے، سیز فائر کی معمولی خلاف ورزی ہوئی ہے لیکن یہ بھی دیکھیں کہ کہیں ایسا نہ ہو کہ یہ عادت سے مجبور ہو جائیں، اسرائیل نے فلسطین کی جنگ بندی کی کوئی900 خلاف ورزیاں کی ہیں۔
ایکسپریس نیوز کے پروگرام سینٹر اسٹیج میں گفتگو کرتے ہوئے انھوں نے کہاکہ لبنان میں جو حالیہ جنگ بندی کا معاملہ تھا وہاں انھوں نے جنگ بندی کی حامی بھر کہ بھی52 خلاف ورزیاں کی ہیں، میں پھر کہوں گی کہ یہاں انھیں پبلیکلی تنبیہ کی گئی ہے تو شاید وہ جنگ بندی کی خلاف ورزی نہ کریں۔
رہنما تحریک انصاف علی محمد خان نے کہا کہ میرا نہیں خیال یہ تاثر درست ہے کہ عمران خان کی فیملی ایک طرف اور وزیر اعلیٰ خیبر پختونخوا علی امین گنڈاپوردوسری طرف ہیں، کسی چیز پر اختلاف رائے ہو سکتا ہے، جہاں تک میں علی امین کو جانتا ہوں وزیر اعلیٰ صاحب یہی چاہتے ہیںکہ بجٹ بھی پاس ہو لیکن صوبائی حکومت بچی رہے، حکومت عمران خان صاحب کی امانت ہے اور ایک طرح سے آخری قلعہ ہے، میں خود بھی اس پر یقین رکھتا ہوں صوبائی حکومت عمران خان صاحب کا آخری اور سب سے مضبوط قلعہ ہے، یہ وہ جگہ ہے جہاں سے تحریک انصاف کو اسٹرنتھ ملتی ہے۔
سابق سیکریٹری خارجہ اعزاز چوہدری نے کہا کہ پاکستان تو بات چیت کیلیے تیار ہے، کبھی بھی انکار نہیں کیا جو انکار ہے پچھلے نو سال سے وہ ہندوستان کی طرف سے ہے، امریکا نے بھی جب ان کو تجویز دی تب بھی انھوں نے اس کا جواب نہیں دیا، اگر آج ہندوستان اپنے رویے پر نظر ثانی کرے تو بات چیت کل ہو سکتی ہے لیکن وہ ابھی تک کر نہیں رہا، اس کی وجہ اس کا جو ایک گھمنڈ تھا، تکبر تھا، وہ یہ سمجھتا تھا کہ اس نے پاکستان کو تنہا کر دیا ہے یا تنہا کرنا چاہتا ہے، یہ سب باتیں غلط ثابت ہوئی ہیں، جو جو یہ کام کرتے تھے پہ در پہ ناکامیاں ہو رہی ہیں۔
.ذریعہ: Express News
پڑھیں:
جنگ بندی کی خلاف ورزی پر اسرائیل اور ایران دونوں سے خوش نہیں ہوں، ڈونلڈ ٹرمپ
امریکی صدر ڈونلڈ ٹرمپ نے کہا ہے کہ ایران اور اسرائیل دونوں نے جنگ بندی کی خلاف ورزی کی، جس پر ان سے خوش نہیں ہوں۔ مشرق وسطیٰ میں کشیدگی کم کرنے کی کوششوں کو ان حملوں سے شدید دھچکا پہنچا ہے۔
میڈیا سے گفتگو کرتے ہوئے انہوں نے کہاکہ اسرائیل اور ایران کی جانب سے جنگ بندی کی خلاف ورزی کرنا انتہائی تشویشناک صورت حال ہے۔
یہ بھی پڑھیں امریکا اور اسرائیل جنگی مقاصد حاصل کرنے میں ناکام رہے، تجزیہ کار
انہوں نے اسرائیل کو مخاطب کرتے ہوئے کہاکہ مجھے یہ ہرگز پسند نہیں آیا کہ اسرائیل نے جنگ بندی پر اتفاق کے فوراً بعد ہی فضائی حملے شروع کر دیے۔ اسرائیل کو فوری طور پر اپنے پائلٹس واپس بلانے چاہییں، اور بمباری بند کرنی چاہیے۔ اگر ایسا نہ ہوا تو یہ جنگ بندی کی کھلی خلاف ورزی ہوگی۔
ایران کے بارے میں بات کرتے ہوئے ڈونلڈ ٹرمپ کا کہنا تھا کہ ایران کی جوہری صلاحیتیں اب مکمل طور پر ختم ہو چکی ہیں، اور وہ دوبارہ کبھی بھی اپنا ایٹمی پروگرام بحال نہیں کر سکے گا۔
انہوں نے مزید کہاکہ ہم نے ایران کی جوہری صلاحیت کو تباہ کیا، مگر میڈیا کی جانب سے اس پر شکوک و شبہات کا اظہار کیا۔ امریکی صدر نے امریکی نیوز چینل سی این این کو شدید تنقید کا نشانہ بنایا۔
ڈونلڈ ٹرمپ نے تنقید کرتے ہوئے مزید کہاکہ سی این این خبروں کے نام پر جھوٹ اور کچرا چلاتا ہے۔
یہ بھی پڑھیں ایران اسرائیل جنگ بندی، عالمی منڈی میں خام تیل کی قیمتوں میں بڑی کمی
واضح رہے کہ ایران اور اسرائیل کے درمیان سیز فائر ہوگیا ہے، تاہم اس کے بعد دونوں ملکوں نے ایک دوسرے پر جنگ بندی کی خلاف ورزی کا الزام عائد کیا ہے۔ جنگ بندی کا اعلان امریکی صدر ڈونلڈ ٹرمپ کی جانب سے کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل ایران جنگ امریکی صدر جوہری صلاحیتیں ڈونلڈ ٹرمپ وی نیوز
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی