امید ہے امریکی صدر ٹرمپ غزہ میں بھی جنگ بندی کرائیں گے: محسن نقوی
اشاعت کی تاریخ: 27th, June 2025 GMT
سٹی42: وفاقی وزیر داخلہ محسن نقوی نے کہا ہے کہ امید ہے کہ امریکی صدر ڈونلڈ ٹرمپ غزہ میں بھی جنگ بندی کرائیں گے، پاکستان امن کیلئے اٹھائے ہر قدم کا خیر مقدم کرتا ہے۔
وزیرداخلہ محسن نقوی سے امریکہ کی قائم مقام سفیر نیٹلی بیکر نے اہم ملاقات کی، جس میں دوطرفہ تعلقات، باہمی دلچسپی کے امور اور مختلف شعبوں میں تعاون بڑھانے پر تبادلہ خیال کیا گیا۔ملاقات کے دوران انسداد دہشتگردی اور انسداد منشیات کے حوالے سے جاری اشتراک کار پر تفصیلی گفتگو ہوئی۔ فریقین نے اس بات پر اتفاق کیا کہ دونوں ممالک کو درپیش سیکیورٹی چیلنجز سے نمٹنے کے لیے قریبی تعاون ناگزیر ہے۔ملاقات میں موجودہ علاقائی سیکیورٹی صورتحال کا جائزہ لیا گیا، جبکہ فیلڈ مارشل عاصم منیر اور امریکی صدر کے مابین حالیہ ملاقات پر بھی تبادلہ خیال کیا گیا۔
مجوزہ لیوی سے فرنس آئل کی سیل میں واضح کمی ہوگی؛ معاشی تھنک ٹینک
وزیر داخلہ محسن نقوی نے ایران اور اسرائیل کے درمیان سیز فائر کرانے میں امریکی صدر کی غیر معمولی قیادت اور مخلصانہ کاوشوں کو سراہتے ہوئے کہا کہ سیز فائر کے حوالے سے امریکی صدر کا متاثر کن کردار ہمیشہ یاد رکھا جائے گا۔انہوں نے امید ظاہر کی کہ امریکی صدر ڈونلڈ ٹرمپ غزہ میں بھی جنگ بندی کرانے کے لیے اپنا کردار ادا کریں گے۔ اُن کا کہنا تھا کہ قیام امن کے لیے امریکی صدر کے زبردست اقدامات قابل تحسین ہیں۔
محسن نقوی نے کہا کہ پاکستان ہمیشہ سے کشمیر سمیت تمام تنازعات کو مذاکرات کے ذریعے حل کرنے کا خواہاں ہے۔ پاکستان خطے میں امن کے لیے ہر ممکن قدم کو خوش آمدید کہتا ہے۔
پنجاب کی حکومت نے صوبے بھر میں دفعہ 144 نافذ کر دی
قائم مقام امریکی سفیر نیٹلی بیکر نے کہا کہ پاکستان خطے کا اہم دوست ہے۔ امریکہ، پاکستان کے ساتھ تعلقات کو خصوصی اہمیت دیتا ہے۔انہوں نے خطے میں امن کے لیے پاکستان کی سفارتی کوششوں کو سراہا اور ہر ممکن تعاون جاری رکھنے کے عزم کا اعادہ کیا۔
.ذریعہ: City 42
کلیدی لفظ: سٹی42 امریکی صدر محسن نقوی کے لیے
پڑھیں:
محسن نقوی کی وزیر اعلیٰ خیبرپختونخوا کے شرانگیز بیان کی مذمت، معافی کا مطالبہ
اسلام آباد:وفاقی وزیر داخلہ محسن نقوی نے وزیر اعلیٰ خیبرپختونخوا کے سکیورٹی فورسز کے بارے میں شرانگیز بیان کی پرزور مذمت کی ہے۔
اپنے بیان میں وزیر داخلہ محسن نقوی نے کہا کہ پاکستان کے بہادر سپوتوں کے بارے میں بے بنیاد اور حقائق سے منافی بیان ناقابل برداشت ہے، وطن کے امن کے لئے جانیں نچھاور کرنے والے جری افسروں اور جوانوں کے بارے میں ایسا بیان کوئی محب وطن نہیں دے سکتا۔
محسن نقوی نے کہا کہ وزیر اعلیٰ خیبرپختونخوا نے ہرزہ سرائی کرکے ازلی دشمن کو خوش کرنے کی کوشش کی ہے، فورسز کی لازوال قربانیوں کی پوری دنیا اور قوم معترف ہے، سکیورٹی فورسز کے افسروں اور جوانوں نے قیمتی جانیں قربان کرکے امن کی آبیاری کی۔
وزیر داخلہ نے کہا کہ اُس صوبے کے وزیر اعلیٰ نے احسان فراموشی کی حدیں پار کی ہیں جہاں سکیورٹی فورسز کے جوان سب سے زیادہ شہید ہوئے، کوئی بھی محب وطن ایسا بیان دینے کے بارے سوچ بھی نہیں سکتا، وزیراعلیٰ خیبرپختونخوا کو سکیورٹی فورسز کے خلاف اشتعال انگیزی پر قوم سے معافی مانگنی چاہئے۔
بلوچستان اس وقت سنگین امن و امان کے بحران سے دوچار ہے، علامہ مقصود ڈومکی